WWW.TUNGZANGNEWS.COM

 
Picture
Rakhine gamke ah Buddists leh Muslim mivomte tualgaal kipan thakkik
Tuesday ni zanlam in Kyaukpyu khua ah Muslim mivomte leh Rakhine Buddist te zumlehiam tawi in ki tanghlai gawp uh ahih manun Muslim mivomte lampan mi honpi khat si-in, mi 11 zato kipuak ci hi. Hih mivomte omna veeng khempeuh Rakhine te in haltum mangsak uh a, inn 300 vaal bang kanghtum dingin ki ummawh ci hi. Azing ciangin mivomte gunkuang 80 tawh Sittwe lam manawh in gaaltai uh ci hi. Thursday ni a Kawlkumpi thu pulaakna ah Tuesday nizan a buaina hangin mi 20 liam in, inn 69 kihaltum ci hi. Wednesday ni ciangin mi 1 kithat in mi 8 liam ci hi. Tua banah inn 700 kim kihaltum cilai hi. Nasia semsem ahih manin Thursday ni ciangin gaalkap kikoih ci hi.

PaukTaw khua ah Oct. 25, 2012 ni-in Muslimte inn 800 kim kihal tumsak


BBC radio in agenna ah Wednesday ni a Myebon khuakim ah buaina hangin mivomte 20 leh Rakhine te 6 in sihlawh ci hi. Tua banah mivomte’ inn 200 khawng kihal tumsak ci hi. Hih tualgaal hong kipat kikna ahang pen tukaal sungin Minbyar khuakim ah Rakhine 1 leh mivom numei 2 kithahna pan kipan in nasia semsem in Mrauk-U khuakim dong kizel topah ci hi.

Kawlkumpi in Wednesday ni a thu pulaakna ah Minbyar leh Mrauk-U khuate ah Rakhine 1, mivom 1 leh inn 1,039 kihaltum ci hi. Hih tualgaal hangin alang tuakpan lungmuang nawnlo ahih manun gaaltai tuak uh a, Rakhine te in phungzi innte bel in mivomte ahih uhleh mundang ah tai uh ci hi. Rakhine gamke kumpi in tualgaal hong kipat Sunday ni pan kipan in (Curfew) thukhun tawh khalna neikhin uh ci hi.

Tualgaal kipat June kha pan tuciang mi 70,000 kim in inn leh lo tanlawh in dongtuak mahmah uh ci hi. NLD inzong Rakhine gamke sungah lungmuanna leh daihna om nadingin khauttak in pansan lakna nei dingin Kawlkumpi tungah hanthawn uh ci hi. 88 sang naupangte inzong democracy leh mimal thuneihna tungtawn in hih tualgaal lemtuah ding ci-in akuamaciat hansuah uh ci hi. THE IRRAWADDY| October 25, 2012 | ZD/Zam Sian Suum


 


Comments




Leave a Reply

    Tungzang News

    All