WWW.TUNGZANGNEWS.COM

 
Picture
KNU in President Thein Sein Tawh Kachin Galvai Holimna Nei
KNU in President Thein Sein Tawh Kachin Galvai Holimna Nei

Kawlgam Kumpi U Thein Sein le Karen National Union (KNU) te kikal kilemkikna ding lunggulhna tawh January 5,2012 ni-in, Nyipyidaw (Muanhuai khuapi) ah a nihveina holimna thupitak nei kik uh cih kiza hi. Tua thukikupna hunah Kachin State sung a KIA le Kawl galkapte' kidona manglang theithei a khawlna ding le abeisa a KNU le Kawl kumpi kikal kilemna (Cease-fire agreement) a omsate akip semsem nading hanciam ding kisam ahihna thu KNU Secretary (2) Mr. Phado Mahn Mahn in limgen hi.

Tua banah gamvai (Politics) level Kilemna ding holimna (peace talks) zong Ethnic groups te le Kumpite langnih ah vaipuak lianpi om ahihna zong genbeh hi. KNU le Kawl kumpi kikal Kum 60 sung tawntung galkidona pen thakhat thu in bei pahlo ding ahih manin, KNU in zong maiah hong kahto ding Kawl Kumpi thak tawh tu a a ngahsa uh thukimnate banah Politics vai kikup/kimu tuahnate kizom in kibawltoto ding ahihna thu President Thein Sein tungah apulak khit thute Mr. Phado Saw Mahn Mahn in genbeh ci hi.

President Thein Sein in a genna ah " KNU le Kumpi kikal ah Cease-fire agreement a om khit akipan langnih thukimna sate tungtawn in kikumto in, maban nasiatak kihanciam ahihna le kilemna (peace talks) kician akingah madong hanciam asep ding" ahihna thute pulak hi. Kawlgam kilemna phualpi (Myanmar Peace Center) pan Cease-fire agreement lam a Director Dr.Min Zaw Oo in a genna ah, " KNU te in Kawlgalkap mangpipa tawh akimuh nopna thu President Thein Sein in vaihawmsak ahihna thu le Kachin gamvai KNU te'n palai hong sepsak thei le uh cin cih" a lunggulhna thute genbeh hi.

Kimuhtuahna ah Kawl kumpite lam pan President Thein Sein le Pyidaungsuh Ministers te ahi; U Aung Min, U Soe Thein, U Khin Ye te kihel uh a, KNU President General Saw Muto Say Poe, General Secretary Phado Saw Kwe Htoo Win, Secretary (2) Phado Saw Mahn Mahn le Central Committee members te kihel uh cih kiza hi.

Source by : Weekly Eleven Media Group
Translated: Kham Khan Suan (Tongsan Translator)

 


Comments




Leave a Reply

    Tungzang News

    All