WWW.TUNGZANGNEWS.COM

 
ZomiDaily :: Ih zakzaksa mahbangin tulaitak South & Midwest USA gamsungteng ah Tornado piingpei huihpi in alimnawk mahmah sanlaitak hi a, zanni inzong U.S. Weather Forecasters te genkholh mahbangin khatvei nasiatak in nawkkik leuleu hi.

South & Midwest USA gamsungteng limnawk mahmah phadiak a, adiakdiak in Indiana State sung aom Marysville khua ah nasia phadiak hi. Inn khumdawn sikkang te mutkhiatsak in, sanginn pawlkhatzong atungkhum lengkhiagawp cihi.

Hih atung a limpen Southern Indiana gamsung ah Tornado piingpei huihpi alutkhitzawh akizaih ahihi. Inn, sanginn leh motor tawmpitak ki siacipgawp cihi.

Local Authority te genkhiatna ah akigawm in mi 28 bang sikhin ci a, tualak ah mi 14 pen Indiana State sungpan asi ahihi. A huaisia penpen ahihleh Henryville khuapi sung hi a, singkungte kipuk in, sanginn leh khuasung innkhumte lengkhiamang cihi. Clark County Sheriff’s Department Major Chuck Adams ii genkhiatna ah "Marysville khuapen mi 1900 bang atenna khuakhat hi a, a khuazangbup in asiazancip gawp himai" ci'n genkhia hi. ZomiDaily
 


Comments




Leave a Reply