WWW.TUNGZANGNEWS.COM

 
Iran kumpi in Nuclear Weapon galvan lauhuai a bawlsimna hangin, US leh leitung gam lian pawlkhatte in akhawlna ding khaktanna le thupiakna aneih zel hangin, nial tawntung uh hi. Tua bangin a nialnialna kawm kal pan a sawt lo nung sung akipan US in a bawllai veve uh le ki koih mawk zo nawn loin, galbawl in ka kap ding uh hi,ci'n American Preisdent Barack Obama in leitung buppi theih ding in March 1,2012 ni-in genkhia hi.

Iran nuclear vai buaina tawh kisai galbawl a kap ding ahih zongin, lampi tuamtuam mun pan kangaihsun khin zo hi,ci'n The Atlantic Magazine te thudotna(Personal Interview)khat a US kumpipa thugen teng1 March,2012,ni in genkhia uh hi. Hih bangin American kumpi in a pulakna pen kam bek tawh kitawnbawlna cih bang hi mawkmawk hi loin, ka gentakpi ahihna thu Israel kumpi in zong kiciantak thei khin ahihna thute zong genbeh hi.

Iran gam i Nuclear Programme tawh kisai in,leitungbup'pi a ding alauhuai leh dipkuat huai mahmah thu ahi banah a gam veng nai a om Israel te'n zong bangmah genselo/theihsak khollo in, akapphial sawm laitak hun tawh kituakin President Mr.Obama i thugenna hih bang a hong ging khia hi cih Thuthak saite in gen uh hi. A hang pen Iran kumpi in Israel te hua mahmah uh a, leitung maitang pan ka beimangsak nuam uh hi a cihna thu hangin, Israelte in zong na dual tuan lo ahih manin, hih gamnihte kikal bang hun ciangin vut le vai kisuah ding cih kithei nai lo ahi hi.

Israel leh Iran gam te kikaal nasiatak kikap/kidona hong piang kha zenzen leh leitung gam tuatuam hong lawh kha thei ding muhkhol leh theihkholh ahih man,US President Obama in alunghimawhna thu a pulakkhia ahi hi. Tua teng hang mah in 27,February, 2012 ni Israel Prime Minister Mr. Benjamin Netanyahu pen US kumpi inn kangpi(The White House)ah,sam in kimuhpihna nei ci hi.

Iran te'n bel bang hunhun in zuau khem nopna tawh hih Nuclear Project naseppi ka kipatkhiatna uh pen galhiam vanzat ding ngimna tawh ka bawl uh hi loin, kilemna thu (For Peace)bek azat ding tup leh nimna tawh kibawl ahih man,Leitung bup tawh kikup kihona akisap hun ciangin kanial ngei kei ding uh a, kipawlkhawm in asem khawm dingin ka kiging tawntung den uh hi, ci-in. nasiatak genkhia/phuangkhia den na pi uh,avaisai pawl te'n agam sung uh ah,hong pai a hong encik ding hun ciang khat leh khat kimuang leh suaktatak a et theihlohna ding khaktatna(Role&Regulation) thu tampitak te tawh kidal den uh cih zong gen uh hi.

Tua ahih manin, hih Iran te' kampaute le nasepziate pen kikeelki den ahihna leh Israel te'n akap ma in, Nuclear abawl takpinate uh hun lem khat ciangin US galkap ten gal bawl in, kap gawp takpi ding ahihna thute,tulaitak leitung thu thak khatin minthang mahmah ahi hi.

Translated by: Pa Kham Khan Suan( Tongsan Translator)
 


Comments




Leave a Reply