WWW.TUNGZANGNEWS.COM

 
ZomiDaily :: USA Southeast gamlam pawlkhat ah Tornado hoihpi lutkik takpi cih CNN Breaking News pan tumah in kiza hi. Alabama State leh Tennessee State lamzong nawkkha ahih manin Madison County, Alabama ah Tornado Emergency ki tangko khia cihi.

Zanni mahin hihteng ah USA ah Tornado huihpi khitzawh ahuai siazaw in nawktheiding ihgelh khitdeuh hi a, U.S. Weather Forecasters te genkholhsa mahbang in ongnungkik takpizel ahihi.
Northeast Alabama lamah huaisiat tuakdeuh a, inn honpikhat mutkhia cihzong kiza hi. Ahi zongin tulian laitak asi aliam bangmah Report omnailo sam hi.

Huntsville, Alabama pan khuasung mite genkhiatna ah Maximum-security Prison zong ki siacip ci uhhi.

Central Tennessee lamahzong Tornado omding cih khuahun theite'n genciankhin ahih manin, ki dalkholh nading in sangnaupang tezong sangtuahma in inn ah ki ciahsak pahhi. Tornado banah huihpi, guahpi, gialpi (strong winds, heavy rain, large-sized hail) inzong sulzuihthei cisawnsawn hi.

Hih Tornado huihpi nawkna gamke ah aomkha ih Zomi pihte Topa'n na kepcingsak tahen! ZomiDaily

 


Comments




Leave a Reply