WWW.TUNGZANGNEWS.COM

 
Share5

Libya gam galkap thuneihna tawh kum 42 sung tawn tung a ukcip kumpi gilo Col. Muammar Gadaafi le Libya gammite abeisa kha 8 sung nasiatak akidona ( Civil War) pan Kumpi langpang pawlte in tuni Oct.20,2011 ni Gaddafi bukna mun apianna Sirte khuapi Mawtaw lampi leihawm (tuizawlpi) sung pan kap lum zo taktak ta ci-in National Transitional Council (NTC) in pulak uh hi. Col. Muammar Gaddafi a kithanna hangin gambup lungdamna pawi bawlin, Tripoli khuapi lampi dung khempeuh ah awng ziahizah uh a, Thau lawn khia ziahziah in zawhna Lan (Flag) khai uh hi.

Col.Muammar Gaddaffi pen nung sung tengin gam puaah taikhia khin akigen a, ahi zongin a ma pianna Sirte khaupi ah a busim hi mawk hi. Tuni Oct. 20, zingsang tungin galkap Mawtaw honkhat tawh taikhia ding akithawi laitak in, NATO thau tangin a khenih kha hi ci in National Transitional Council thuneite in gen uh hi. A thu kicing zaw dingin BBC le National Transitional Council thuneite in kan laitak uh hi.

Hih Libya tualgal tungtang ah NATO akipan US, British le EU gam lian pawlkhatin zong panpih uh a, Gaddaffi ahih le lungkia loin a kampau khauh semsem hi. Muammar Gaddafi in abeisa 1988 kumin Britist vanlengpi Pan Am jet khat Lockerbie ah bomb tawh sukham in mi 270 si hi. 1942 kumin suak a, galkap thuneihna (Dictatorship) tawh Libya gam kum 42 sung ukin, leitungah Dictatorship sawt penpen in kiciamteh hi. Gaddafi, Osma Bin Laden, Saddam Hussein te lawmta teng pen akiphatsak mahmah uh hangin, atawpna ah a gammite le leitungbup maitang ah mulkim huai takin a nuntakna bei uh hi.


Source : BBC

Posted & Translated: Tongsan tanute
 


Comments




Leave a Reply

    Tungzang News

    All