WWW.TUNGZANGNEWS.COM

 
Egypt gam nisuahna lam Port khuapi ah February 1, 2012 ni-in bawlung kidemna thupitak khat omin, bawlung pawi en mihonpite lakah kitot/ kithahna lianpi piangin mi 79 si-in 100 val liam cih AFP in gen hi. Tua buaina kipatna ahang pen bawlung kidem Al-Ahly Team & Al-Masri Team te hi-in, Al-Ahly Team te in Al-Masri te 3-1 tawh a zawh uh ciangin, a lel pawl ahi Al-Masri Team te le amau mipite thangpai uh a, Phitmut (Referee) pa le bawlung Team te apua lam pan suang le tuithawl tawh dengin, alangte zong sosang pah ahih manin, kitotna le sihna liamna lianpi piang ahi hi.

Hih kitot/ kithahna pen Egypt gam sung bek hi loin, leitung bawlung tangthu ah a om ngei lo thu khat ahih manin, FIFA in , bawlung kimawlna ading lungzin Ni " Black day for football " ci-in ciamteh hi. Tua banah Egypt Parliament in hih vai tawh kisai thukin Holimna ( Emergency Meeting) nei dingin pulak hi.

Hi buaina tawh kisai upmawhna tuamtuam kinei a, adiakdiak in nung deuh a khawl Egypt President Mr. Hosni Mubarak i mi pawlte in bitna lam nasem palikte (Security) thanemna zong mu uh ahih manin, mipi sosanna dingin a vaihawmna khat hi dingin kigen hi. Kamdang khatin gen leng naamvai ( Political) hang mah hi zaw dingin ki-ummawh pen hi. Hih buaina hangin English Premier League program teng zong kikhawlsak ta dih phot hi.

Source: BBC

Translated: Tongsan tanute
 


Comments




Leave a Reply

    Tungzang News

    All