WWW.TUNGZANGNEWS.COM

 
America President lui Mr. George W. Bush in Iraq akap cil akipan tuni ciang US galkapte kum 9 sung tawntung a omna panin tualaitak a US President Barack Obama in Iraq galkidona khawlsan ta dingin December 15,2011 ni-in US azin Iraq PM, Nouri al-Maliki leh thuthak lakhawmte tawh a holimna uh pan pulak khia hi. President Obama in agenna ah Iraq gamah US galkap ten a mawhpuakna uh zo ta ahih man un, tukha sungin Iraq gam paikhiat san ta ding uh hi cih gen a, December 15, ni mahin US Defence Minsiter makaihna tawh Bagdad khuapi ah mahialna thupitak nei in, US Dialkhai (Flag) khiatna zong nei hi. Defence Minister in agenna ah Iraq gamah Kum 9 sung tawntung gam le nam ading nuntakna le thagui thatang a piakhia US galkap Awn sawm valte zahtakna pia in, akipiakna uh US gambup in mangngilh theihloh ding thu ahihna pulak hi.

Tua mah bangin North Carolina State, galkap phualpi ah US galkapte vaidawnna nei in, thapiakna le lungdamkohna nasiatak nei hi. US galkapte ahih le December 16,2011 ni akipan Iraq leitang pan US gamah Vanleng bekbek tawh ciah khia ziahziah ta uh a, tukha bei ma in ciah khin dingin geelna nei uh hi. President Obama in a genna ah Iraq ah US galdona kizo taktak ta hi ci in pulak khia hi. US galkapte ciah khit nungah Iraq kiim a om gam ten Iraq gam a nawngkaisak lohna ding limtak vaikhakna nei uh hi. President Obama in Middle East pen US galkap ten encik den ding uh cih zong gen hi. A lawmhoih leh a seppihte gama muanna le daihna a om ding thupi sa hi. Tua ahihmanin haksatna a tuakte mawk et sawm lo hi.

Iraq PM Maliki in zong a gam uh puahphatna ding US in a huhnate ah lungdamkona gen hi. American galkap te Iraq pan a ciahkhit ciang nangawn un US tawh kizom lai veve dingin PM Maliki in gen hi. Iraq gam lei hauhna zon khiat nang, politics,sum bawnna leh laisinna lamah khantohna a om theih nangin gamdangte huhna kitangsam zel lai ding hi ung cih genkhia hi. President Barack Obama-in Iraq nasepna kitawpsan ding cih a gen mah bang in NATO Secretary General, Anders Fogh Rasmussen in zong tukum bei ma in NATO galkap ten Iraq gam ciahsan ta ding uh cih gen. Saddam Hussein ‘tungtanga US ten Iraq a dona tungtang ah American galkap numei pasal mi 4,500 val si-in, 30000 val liamin lungsim manloh lawh zong tampi mah om hi. Iraq mite zong hih kidona hangin 1,14,000 si uh ci in ciamteh uh hi. Iraq gal kipan cil akipan Obama in President a suah ma pekin gensia mahmah hi.

Source: BBC & Reuters

 


Comments




Leave a Reply

    Tungzang News

    All