WWW.TUNGZANGNEWS.COM

 
Syria gamah akumpi uh Bashar Al-Assad a deih galkapte in Homes khuapi sung thaupi tawh akapna hang in, mi tampi sisan, naisan luangin sihna manna nasiatak piang bek tham loin, Homes khuapi sungah khuaphelep mei khempeuh ni 5 sung kisiacip ahih manin, adiakdiak in Zato ah khacing nailo aa suak naungek 18 pen Electric tha tawh akizom (Incubator) sungah akikeem/kikhoi ahih manin, mei kisapna hangin sikhin uh ci hi.

A mulkimhuai mahmah khatah kumpi galkapte in kumpi alang pang thautawi pawlte innkhat khit inn khat buluh uh a, mi19 apha innkuan 3 te inn sungah kaplum uh ci hi. Hih bangin Syria gam kidona tungtang ah sihna lianpi a omna pen Syria te thauvui thautang aguan Russia kumpi in mawhpuakna lianpi nei hi ci in, England kumpi in nasiatak mawhsakna pulak hi. Tua banah Kumpi alangpang te omna khuapi tuamtuam ah President Bashar al-Assad in agalkap sawlin phialsak ngekngek ci'n gen hi. A beisa Feb.8,2012 ni zankhat thu bekin mi 47 kithatlum hi ci'n kumpi thapia lamte Mr. Mohammad Hasan in gen hi. A ma genna ah kumpi galkap te'n Sunni Muslim te teenna munte lim kap phadiak uh ci in gen hi.

Bashar al-Assad in abeisa kum 50 sung a ukna sungah bangmah thusia om ngei loin, nung kum akipan gammite lungkimlona leh langdona hong kipan ahi hi. Nikhat sung bekbek in mi 100 val bang asihna thu Syria Revolution General Commission te'n gen hi. Kumpi Zato innpi khat 'Bomb in kha a, apuahkhapna pan zatolum mi 10 bang sipah uh ci hi. Operation bawlna khan (Room) sungah anbuksung zat temta te kizang in, sisan akisap hang apiading mi omlo ci hi. Huih siangtho (Oxygen) zong omlo in leitung bupah huhna angetna thute uh Mohammad Hasan in genkhia hi.

Hih Syria gam buaina vai tawh kisai nitumna lam gamte ahi US,England etc..gamte holthawhna tawh Syria gamah buaina kipan hi ci in, kimawhsakna om hi. Russia Prime Minister Vladimir Putin in a genna ah Libya aa apiang buaina leh thukineihsakna namte ka deih nawn kei ci'n gen hi. A ma gentehna khat ah,Sente sum zuakna (China Town)ah Saipi khat luta, a totpaih phei gawp bang dan nasepnate khawl huai mahmah ta ahihna thu genkhia hi.


Translated by : Pa Kham Khan Suan (Tongsan Translator)
 


Comments




Leave a Reply

    Tungzang News

    All