WWW.TUNGZANGNEWS.COM

 
England gam leitaw lam a om M5 Highway lamzikpi tungah November 5,2011 ni-in, motor 34 nasiatak kipukha in atawm pen mi 7 si in, 51 liam ci in British Police te in gen uh hi. Lamzikpi tungah a hat mahmah laitak akipukha ahih manin, banban in kipukha deudau hi a, Motor te zan zihziah in meikang in kuang ziahziah lai ci-in Assistant Chief Constable Mr. Anthony Bangham in gen hi.



Palikte genna ah misi pha zah pen kitelcian zo nai loin, kibehlap lai dingin ummawh ung ci hi. Hih zahtak a Motor kiphutkhakna tawh kisai pen kiciantak kithei zo nai ci hi. A hi zongin Police te upmawhna ah meikai, meipi sah lua ahih man leh a mun kawt(wet) man hi dingin gen uh hi. Hih bang a Motor tuahsiatna pen British ah om ngei loin, tutunga pen a nasia penpen hi dingin kiciamteh hi.

Hih motor te tuahsiatna lamzikpi pen kikhakcip pah a, a tuahsia motor te khempeuh kihemkhia pah hi. Police te genna ah, lampi a sawtlo pen November 6,2011 (nipini ) ciang kikhak pelmawh ding ci hi. Paul Slaven, Tua teh tua Motor kiphutkhakna kiim nai a om fire department official in BBC kianga a genna ah hih tuahsiatna ah Motor 20 leh truck 6 bang kihel dingin gen a, mulkim huai mahmah ci hi.

Source: BBC

Translated : Tongsan tanute
 


Comments




Leave a Reply

    Tungzang News

    All