WWW.TUNGZANGNEWS.COM

 
Russia gam ukna sung a om Ukraine gam pan Europe gam sung Italy gam leh adang mun tengah khuadam luatna hangin mi 164 si cih kiza hi. Europe gam nisuah nalam te ah,mun khat leh khat kizopna leh kikawmna te kitatsat gawp in,atul aa sim mitampitak te nung leh ma zuan theilo in,khawlcip uh cih thu zong ahi hi. Khuahun avotluatna leh tuite khalgawp ahihna hang mi tampitak asih ding uh patauthuai mahmah ahihman in,Ukraine gam sung butnading aa kibawl(Shelter)munphualte azotna lampi tung ah,mi63 sipah in,pawlkhat te zato lum uh ci hi.

Poland gamah khualum nakpi kiasuk ahihman in nung nipikal sung khuadam luatna hangin ,mi 29 si leuleu hi. Tua banah London khuahun lam saite genna ah Europe gam mun khempeuh ah khualumna kiasuk suak lai ding tham loin ,England gam mun tampi ah nasiatak vuk kia lai dingin gen uh hi. Inn nei lo mite aa ding in lauhuai mahmah ding dinmun in gen hi. A votna aniam pen Degree dongah kiasuk suk lai ding ahih manin International Red Cross' te leh Half Moon Red Cross te in khualum dalzawhna ding annek tuidawn, zanpuan, puansilh cihte akipan huhna puak uh hi. Tua khuadamna tawh kisai dongtuakte huhna dingin Red Cross te in sumtang Euro100,0 00 leitawi sak ding in gen uh hi.

Tua banah Romania gam ah zong khua votluatna hang mi 22 si in mun pawlkhat ah sangte zong kikhak hi. Italy gam laizang leh leilu lam mun pawlkhat te ah vuk tam luatna hangin meileng pai thei nawn lo ahih manin khualzin mi tampitak te,meileng tungah manawt theihlo in khawlcip uh ci hi. French gam Paris khuapi zongah galkapte'n inn neilo mite om theihna ding mun 600 val bawlsak uh ci hi. Tukum pen kumdang sangin khuahun kikhelna nasia zaw ahih manin, Europe gam sung leh Russia gamah mi tampi in sihlawh uh ahi hi.

Translated:Pa Kham Khan Suan(Tongsan Translator)
 


Comments




Leave a Reply

    Tungzang News

    All