WWW.TUNGZANGNEWS.COM

 
Mexico gam leilu lam , Hingh way lampi tungah May 13, 2012 ni-in mulkim huai takin akithatlum pasal luang 43 le numei luang 6, a vekpi gawm luang 49 kimukhia hi. Tua mi kithatte pen a lutang, khut le khe akipan a pumpi a tum atawngin kisem nem ziahziah in om a, pawlkhatte Khau tawh kikhailum hi. 


Misi luangte pen akithahlup zawh ni 2 bang pha khin dingin Palikte in ummawh uh a, a kithatna a hang zong khamtheih Bingh, Zatui khaam le siatna namkim kibawl kizuakna ah akidem Cartel le Zetus kici pawlte kilangpanna / tualgal hang hi dingin upmawhna nei uh hi. A site pen Cartel te vive hi in,athat pawlte pen Zetus te hi dingin thuneite in gen uh hi.


Hih Catel le Zetus te kibuaina Tualgal hangin kum 6 sung ah mi 47,000 val kithatlum ( sihlawh) khin ta ci in Mexico thuneite in gen uh hi. Mexico pen leitung ah khamtheih guihtheih akibawl/ akizuakna munpi khat a minthang ahih manin, hih bang a mukim huai tak akithahna om den bek tham loin, Zatui zangh/ zongsan a kithat/ asi zong nasia mahmah hi.
 
Ref: Internet / Thutatuam

 


Comments




Leave a Reply

    Tungzang News

    All