WWW.TUNGZANGNEWS.COM

 
Nigeria gam akhuapi uh Abuja gei Madalla khuapi a om RC biakinn St Theresa's Church leh Jos khuapi sung a om biakinn ah Christmas Day Dec.25,2011 ni-in bomb puakkham in mi 27 le Security a om Police 1 si-in hon khat mah liam ci hi. A liamte lakah a gim mahmah zong om ci in gen hi. Tua hiamgam bomb sukhamte in Khristian biak inn leh Security te mah ngimna tawh nasem uh cih kiza hi. Hih mun pen Yobe state security force te leh Boko Haram galkapte kido zelna mun ahi hi. Boko Haram cih pen a mangkamin, "Western education is forbidden" cihna ahi hi. Nigeria gamah Muslim le Khristian te kido kidona den uh a, tukal sung bekbek in Nigerian leilu lam Boko Haram leh Nigerian force te kikapna ah mi 70 bang si uh hi.

Tua RC biakinn St Theresa's Church pen mihing 1000 val akikhopna biakinn khat hi cih thu National Emergency Management Agency (Nema) spokesman Mr. Yushau Shuaibu in BBC te tungah thupuakna ah gen hi. Mr. Munir Nasidi kici sumbawl khat pa zong tua Biak Inn gei a om Hotel ah a zintun laitak ahih manin, bomb kitap laitak in mi khempeuh kap ngeingai uh hi ci-in gen hi. Hih Bomb puahna State pen gamlaili middle belt kicihna mun hi in, leilu lamah Muslim te omin a taw lamah Christian te om uh hi. Biakna leh nam vai a buaina hangin tuma kum 2 pan tuciang mi 1000 bang si khin uh hi. Tutung bomb puakkhapna tungtawn in zong buaina lianzaw a pianbeh ding lauhuai mahmah cih kigen hi.

Source : Thangpi

 


Comments




Leave a Reply

    Tungzang News

    All