WWW.TUNGZANGNEWS.COM

 
Dear Sanggamte

Hong tung ding Zomi Nam Ni pen ih gen sa mah bangin, a ni mah a, zang ding ih hih man in, a kua mah peuh pai kim tek dingin, ih ki zawn hi. Tu kum Zomi Nam Ni pen Melbourne Khuapi ah Zomi te ih tun zawh a khat vei zatna ding a hih man in, zong ih lungdam pha diak hi. Hih Zomi Nam Ni ih bawl zawh na dingin, ZAA ii management Commitee Member 15 ten $100 ta hong sik ding cih kam ciam ih ngah ciang in, a ki pan ngam ih hi a, tua teng in cin zo lo ding a hih man in, mipi lam pan zong a tawm a tam ci lo in, pek khat pek nih na piak zawh zah zah lungdam tak in hong ki sang ding hi.

ZAA  Youth Department lam pan in, makai ten 2011 Khuado DVD khui hong hawm kawm in, sum hong dong ding uh a, a pia zolo ih om khak zenzen leh ki suang lo tak a, na na gen ding leh na piak zawh loh man a, lungnop loh na leh ki suan na a, na neih loh ding uh hong thei sak khol ung. Khuado DVD khui pen a mawkna tawh hong hawm ding uh hi. Hih khui hong pian theih na dingin, hong bawl sak Nu Huaipi te Unau (ZAA Vice Presiden Pa Zen Lian tate) tungah ih lungdam mahmah hi.

Australia gam ah ei Zomi te mimal in, ih tam het loh hangin, Pasian in thupha hong pia in, Doctor limlim 4 bang ki om ta a hih man in, Pasian tungah ih lungdam a, Pasian hong lapsang sak a maute hang in, ei zong mi lak ah ki angtang sak ban ah, en zong ih hih theih zah a, pahtawina piak ding in, ki lawm hi lo hiam cih ngaihsutna hong om tawh ki tuak in, Zomi Nam Ni ciangin, pahtawina piak dingin ki khentat hi .Tua te in,Medical Doctor thum Dr Judith Niang, Dr Dongno, Dr Ciin leh Secular lam tawh Doctrate a ngah Dr Muan Thang te a hi hi. 

Tua ban ah Melbourne Zomi te, ih pianpih Pasian hong piak ih pau ngiat tawh zato ki lak thei in, ih nat dan a ki pan ih ut khempeuh ei pau tawh gen setset lel, Melbourne leh Tedim khuapi ki lamdang tuan lo zah dong a, mai ngal tak a, ih pai theihna, ei mi bek hi lo ih Sanggam Falam, Khalkha leh Karen mi, Kawlmi te ngiat in hong zuan a,ih delh ngeingai Dr Judith Niang, a mau veng lam ah sem leh khasum tamzaw, tawldam zaw hi na pin, ei mi teng mah hong khualna tawh ei mi a tamzaw ten na Ringwood ah hong sem a, a mipih te hong khualna pen thupi in, zahtak baang mahmah a hih manin, cih tak ta kei leh Melbourne Zomi te ai tang in, pahtawina piak dingin ki thu kim hi.

Pawi ih bawl sim in, annek lam pang thupi sak den hanga, anhuan na leh hun man cianga, vanhepna, teng tawh ih tanu te buai leh gim mahmah den ban ah a hun sung na ngawn hong ki hel thei lo zah dong hi zel a hih man in, tu tung ih Zomi Nam Ni pawi pen, a baih leh nasep tawm thei thei dingin, Pizza leh A vot tawh ki vak ding a, mipi nai 5:00pm bangin tungin an ki ne masa ding a, 6:00pm peuhmah in hun ki pan dinghi. 

Hih hun sungin, sumpi donna ki nei dinga, ih ngah khempeuh seh nih ki suah in, Tu laitak a, CNF/A galkap te ih gamah Zampi leh Bukphil khuate a, hong busak sawmna do dal ding a, ki thawi Pa Vum Nang leh Tedim Youth Fellowship te sunsiah ding leh Kawlgam hoih na dinga, a nuntakna pammaih sa lo a, nasem a, thongkiatna pan hong suakta ih Zomi pih sanggam nihte lungdam pihna in ZNC tungtawn in, khak dingin ki khentat a hih man in, sum pekkhat peknih ihpiak zawh zahzah sumtang te nong ken tek na dingun hong thum ung. 

Pasian hehpih na tawh tu sungteng 2011 pan tu kum thak sung mahmah in zong ei mi honkhat hong ki behlap a, ZAA in zong hong ki thei kim zo lo phial a hih man in, a ki naipih khatpeuh in,Melbourne-zomi@yahoogroups.com leh  anz-zomi@googlegroups.com te ah nong pulak khiat ding uh zong ih ki ngen hi. Tua ciang in, mimal khat ciat in hih ih ki thuzakna mailing group te ah member hong luttek dingin, zong ki zawn hang. melbourne-zomi yahoo group ah moderator Tg. Thang Tuang, Tg. Sam Piang, Pa Sawm Thang leh Pa Nangkhankhup leh anz group ah moderator Pa Zokhai te tungah na email id te uh na pia le uh cin a hih kei leh na ngen le uh cin hong guang thei ding uh hi.

Saturday 11/02/2012 ni a, ZAA meeting thu khentat dang pawl khat te hong nung zaksak lai ding hi ung. HIh teng pen Mai Zomi Nam Ni tawh kisai a thupi zaw deuh hong malep leh theih kholhsak na hi a, a kisam om lai te hong nung pulak lai nung. Mimal kim khat zong pelem lo a, pai kim tek dingin hong zawn ung.JUN

A MUN: Maroondah Secondary College 

Brentnall Rd Croydon 3136 

Melways Ref: 50 E3

Lungdam,

-- 
Nangkhankhup Naulak

Secretary

ZAA

31/8-10 Emma Rd

Croydon

VIC 3136

 


Comments




Leave a Reply

    Tungzang News

    All