<![CDATA[TUNGZANG NEWS - World Economic]]>Thu, 21 Sep 2017 16:02:17 -0700Weebly<![CDATA[Joye Meyer in a hauhzia gen]]>Thu, 04 Sep 2014 22:18:14 GMThttp://tzltt.com/55/post/2014/09/joye-meyer-in-a-hauhzia-gen.html
Joye Meyer in a hauhzia gen
Lifestyles of the Rich and Famous Laodiceans – Joyce Meyer

Kei ka min pen Joyce Meyer hi. A hau mahmah khat leh Pasian thugensiam minthang mahmah khat ka hihman in St. Louis Post Dispatch in “From Fenton to Fortune in the name of God” cih thulu tawh keima tangthu kim takin gelh uh a, hawmkhia uh hi. Ka hauhzia a thei nuam tek dingin hong lamen ka hihman in dam takin hong gen hiat-hiat ding hi’ng.

A masa pen in ka cih bangbang hong nial ngei het lo pasal thumang mahmah khat tawh ka kiteeng kha hi. Ama min pen Dave ahihi. Laisiangtho in “Numei te lutang in Pasal ahihi” ci mah taleh ka pasal Dave in kei thu hong nial ngei ngiat lo hi. Ama tungah ka lungkim ahihman in ama zat dingin Mercedez Benz S55 AMG khat $100,000 man ka leisak hi. Hau lua ka hihman in mi tampi in hong gensia uh a “Zeisu in sum leh pai leitungah khol kei in ci hi lo hiam?” hong ci thei zelzel uh hi. Hi mah hi, ahizongin kei leh tua Zeisu kammal pen kisai kilkel nawn lo hi. Bang hang hiam cileh ken tua teng ka paisan khin a, tu in ka thaman a sang ka hi ta hi. Leitung  hauhna leh Pasian hong itna a ngah khawm thei ta ka hihi. Hau ka hihman in Africa gam ah kei ngiat va paiin mizawngte khatveivei an ka vaak thei zel hi. Tua mizawng an ka vaak teng maan zaih in ka kizoppih mihaute kiangah ka lak hi. Sum tampi ka ngah lawh pah hi. Hih mizawngte leh naupang gilkialte hang  hikei leh ka nupa un kum simin sum $ 1.3 million ka ngah zo kei ding uh hi.

Sum tuazah kumsim in ka ngah theihna uh bang hang hiam cih hong gen ding hi’ng.  Keima min tawh“Joyce Meyer Ministry” cih khat ka bawl uh a, tua sungah Board of Directors om uh hi. Tua teng pen midang kuamah om lo in  keimah leh ka nauhuai teng banah ka lawm muan mahmah teng hipah uh hi. Ko tungah thunei kuamah om lo ahihman in sum-leh-pai khempeuh koteng zeek hipah lel hi. Hih board members teng in deihsak tuam leh thumaan lopi in nasem lo ding hi cih pen ka tel mahmah hi. Bang hang hiam cileh board members ahi Roxanne leh Paul Schermann te tenna ding innpi $ 334,000 man khat ka leisak hi. Tua lo board members dang teng khemepuh zong a inn saap man teng uh keiman ka piaksak den hi. Ka hauhna tawh kizuiin mi huh thei ka hihman in ka lungnuam a, adiak in kei hong huh theite huhsawn thei ka hihman in ka lungkimna lian mahmah hi.

Kei hauh zah in hau in kei minthan zah in na minthang leh nang zong na lungmuang thei lo ding hi. Tua ahihman in kei leh ka neih ka lam teng a cing ding Security ka neih loh hong kiphamawh ta hi. Laisiangtho in “Ka kidalna in Pasian ahihi” cimah taleh lungmuang zo tak lo ka hihman in ka omna ding inn ka lei ciangin a innpi bek lei lo in a huang teng khempeuh zong ka lei pah hi. Kei omna ding innpi (Mansion) $ 2 million man ka lei pah giap a, ka huang zaina pen 10,000 Square foot ahihi. Ka innpi laizang ah Moto buuk (Garage) 8 om hi. Tua teng banah ka tate omna ding inn zong ka leisak tek hi. Den in Security ka kisap vai kong gen pen a himah ahihi. Ka Security teng thau tawi sak tek ka hihman in lungsim hoihlopi tawh ka huang sung nong lut loh ding thupi hi. Security bupa tenna dingin ka innpi geiah  inn khat $ 145,000 man ka leisak hi. Nai 24 sung tawntung a kisap hunhun in ka sam thei pah hi.

Thusim khat hong gen ning maw. Ka hauhna kumpi in hong kansak theih lohna dingin ka ministry pen biakinn vai hi cizaiu ka hihman in IRS Exemption ka ngah thei pah hi. Biakinn ka cih sam hangin biakinn taktak ka nei kei uh a, ka office gei a inndei awng khat pen Chapel in ka zang ziau uh hi. Kei sep taktak pen leitung mun tuamtuam ah khualzin in mipi lawp theihna ding leh thangah theihtheihna ding thu gen in Seminars ka bawl kawikawi hi. Tua banga khualzin den ka hihman in mipi tuanna vanlengte zat ding hong lem den thei nawn lo hi. A sawt lo in ka kizoppihte hong sum khak tawh kei aituam zat ding vanleng khat $ 10 million man ka lei leuleu hi. Tua ka vanleng pen Canadier CL-600 Challenger ahihi. Tam man mahmah ahihman in mihau minthangte’n zong lei zo kim lo uh hi. Hih vanleng pen Pasian ngiat in vanlengtual ah sawtpipi vanleng na ngak niloh sangin nang aituam zat ding vanleng khat lei in hong cihman in a lei bek ka hihi. Vanleng nei kei leng ka tawlngakna dinga ka lei Ozark tuipi geia innpi $ 500,000 man sungah nuam takin sawtpi ka tawlnga man kei dinga, $ 105,000 tawh ka lei ka gunkuang Crownline Boat tung tuangin lawmte tawh ka vaak khawm man kei ding hi.

Tua teng khempeuh banah kei pen laitaan sang zong anei lo khat ka hihhangin Ka Ministry panin kum sim $100 million a ngahden khat hisam ka hihman in keimah banga Pasian nasem mi minthang leh mihaute tawh ka kikholh hong kul den sawnsawn hi. Tua pen thubaih hi peuhmah lo hi. Tua hang mahin ka Joyce Meyer Ministry Center lamna ding leitang awng khat a zaina 148,000 Square Foot ka lei leuleu a, tua munah inn golpi khat ka lam hi. Ka inn hong lamsak dingin innlam siam minthang pente ahi Messner Construction te ka cial pah hi.Hih ka innthak sung aka van koihte hibang dan in hong gen ziau ning; Sabuai khat (Malachite table)$30,000 man,marble suang tawh akibawl dailenna khat $23,000 man,Dresden paakbel kop khat $19,000 man, French te paakbel 6 $18,500 man, leh Conference hall a zat ding sabuaipi khat leh tutna 18 pen $49,000 man ka lei hi. Hi bang teng tawh ka innthak zem ka hihman in baih het lo hi.  Zum thak sunga vanzat ding tutna leh sabuai a kipan a vek in ka leina in $5,7 million bei ta zen hi. Mi atamzaw in ka sabuai khat leina zah sum pen kum khat in zong na thalawh zo kei ding uh hi. Ahizongin Pasian in “Pia un, na ngahkik ding uh hi” ci ahihman in na sum neihte uh hong khak khak lai un, tua hileh nikhat ni ciangin no zong Pasian in na innsung  vuah sabuai hoih khat hong pia kha mai ding hi.

Ka khawlna dingin hih hong gen ning,  ka kizoppih lawmte aw Joyce Meyer Ministries tungtawn a Pasian na piak uh sumte pen a hithei banga ka zat hong kul hi. Tulian in leitungbup ah mihau 100,00 tawh ka kizom a, amau teng in khasim in sum hong pia den uh hi. Maikum ciangin hong piak zah uh a zahnih in khangsak lai ding cihpen lametna lianpi Pasian in hong pia hi. Tua akhangsak dingte lakah no zong na kihel theihna dingin thu na ngenngen unla, kei zong Pasian huhna leh nomau nong sumpiakte uh tawh a sawt lo in ka zatgaih zawh loh ding sum tampi nei ning cih pen ka sunmang hi. Tua ka sunmang a lawhcing sak ding no teng mah na hi uh a, kei sanga lungkimzaw ding zong no teng mah na hi uh hi.

Joyce Meyer

 
Zolai tawh a letkhia:
Lam Thang
Francis Quavadis
 
]]>
<![CDATA[Tate Laisim Lunggulhna Bang Ci Piak Ding ]]>Thu, 24 Jul 2014 00:35:27 GMThttp://tzltt.com/55/post/2014/07/tate-laisim-lunggulhna-bang-ci-piak-ding.html
Tate Laisim Lunggulhna Bang Ci Piak Ding

Zomite Laisim Minam Bangci Suah Ding Nu-le-pate’n tate i piaktheih tuamtuamte lak ah a manphapen khat in: laisim lungulhna (reading habit) ahihi.  Bangmah dang ka pia zo kei zong in, lai/laisim lunggulhna pen ka tate ka piak sawm den khat ahihi.

Ke’n zong laisim lunggulhna ka nei hak hi. Laisim lunggulhna ka neih ciang in kum 13 bang ka pha manta hi. Bangalore ka om lai uh ahihi. Khatvei ka sanginn uh a, library period/class laitak in ka library card (mi khat in card 3 hiam ki nei tek hi – card khat in laibu khat la thei) khempeuh zatkhit teitei ding ka lungsim ah hong lut mawk hi.

Tua ni a kipan in kal khat in laibu 4/5 bang ka sim tawntung hi. Sum ka neih ciang in laibu lui leina ding in ka khawl hi. Book sale omna lamlam ka delh koikoi hi. Bangalore pan Lamka ka ciah ciang un, ke’n zong laibu 200/300 ka nei man hi! Tuate Lamka buai ciang in library hong nuam khat kiang ah ka zuak hi.

Khatvei leuleu, UTC Library ah ka pa tawh summer holiday sung laibu sim ding deih ka hih man in ka va zui hi. Laibu 15 kiim kei simnop (tua lai in fiction vive ka sim him) ka teel leh a librarian-pa in hong phallo leuleu mawk hi. (Holiday sung sawtlua, a deih dang tam ding cihna tawh hong phallo ahihi).

Laisim Lunggulhna i Manphatna Laisim lunggulhna in a tangpi in pilna leh ciimna tawh hong kinaih sak zaw hi. US leh UK, Pakistan, Afghanistan, Russia, etc gam tuamtuamte ka phak ngeiloh hang in a gam mite nuntakzia (culture & life) ka ngaihsun thei hi.

Laisim lunggulhna in sanginn laisimna zong hong lunglut sak mahmah hi. Lai lunggulhna in thukanna(curiousity) zong hong pia in laisim kisawlsawl kisamlo hi. Ka sangkah sung laisim hong ki sawl ngakngak lam ka thei ngei kei hi.

I laisimte pan in sunmang (dreams and imagination) ki nei thei hi. Sunmang pen khangno lai mah in ki hangsan in ki nei ngam bek hi! Na khangno lai na sunmang tawh kituak in na picing zawh ciang na nunta ding hi. Hih dreams and imagination zong khangno khat i creative process ah a kisam mahmah khat in ka ngaihsun hi. Sunmang picing nei a, a zui ngamte mi thupi leh lian hong suak ding uh hi. Na sunmang ciacia/zahzah in na lawhcing ding hi.

Lunggulhna leh zongsatna dangdangte sang in kiman/mantawm zaw hi. Laibu pen kemsiam peuh leng kum tampi ki kem thei in mi tampi in sim kik, sim kik thei hi.

Tua ahihman in naupang khat i khantohna ding in laisim pen a kisam leh poimawh mahmah khat in ka tuat hi.

Tate Laisim Lungulhna Bang Ci Piak Ding Na tate muh ding in laisim in: I tate’n i hih khat, i sep khat peuhpeuh thei (notice) pahpah uhi. Amau muhna ah laisim zelzel leteh, na laibu hong khoihsak in, hong laksak ut pah ding uhi. I pa’n laibu deih hi cih mu pah uhi.

Laibu zahtak ding sinsak in: Laibu khat peuhpeuh zahtak sak pah ding ahihi. Amau muh in laibu khat peuh leilak khong denna kei in, nang mah in zahtak bawl lecin hong zui pah ding uhi. I tate’n i lungsim thei baih mahmah uhi. Na innveng pa ka hua, na cih ma in na hopih dan pan in na tate in zong tua pan na hua khin kha ding uhi. Tua mah bang in laibu zong nang na zahtak takpi masak kisam hi.

Laibu sim pih in: Na lup ding ciang un, laibu khat tawi in tangthu ahizong a laibu sung a thute sim pih zel in, tua in laibu deihna, lunggulhna pia ding hi.

Laibu tawh umcih in: Na innsung ah laibu mah thupi bawl in room khempeuh ah laibu leh lai tam om sak in. Na tate omna peuhpeuh ah laibu om sak in. Amau deih ding nam laibute a bat ding un koih in. Ekbuk nangawn ah laibu ahikei phial zong, bang beek ah lai suan nei in.

Laibu a deihte uh gen pih zel in: Na tate’n laibu khat a dangte sang in hong deih zaw ding uhi. Hih a deih diak laibu nang zong na sim in la, hun lem na ngah ciang in tua laibu thu genpih, holimpih zel in. Amau zong gen ding nei hamtang uhi.

Laibuli (library)/laibu zuakna ah tawnpih in: Na tate tawh laibuli leh laibu zuakna munte ah vak khawm zel un. Midang laisim lunggulh leh lai deihte mu ding uh a, tha ngah in thanuam ding uhi. Naupang deih ding laibu zong tam ding a, khat beek lei sak tei ve!

Zomite laisim minam (reading nation) suah na ding in a kisam ahihi. I innsung tek pan pan ni!

]]>
<![CDATA[Na Go Manpha Pen – II ]]>Thu, 24 Jul 2014 00:33:10 GMThttp://tzltt.com/55/post/2014/07/na-go-manpha-pen-ii.html
Na Go Manpha Pen – II

Hih pen Na Go Manpha Pen Part I zopna ahihi.

I go manphapen in i sepna (job) hi a, tua sepna a manphazaw leh a thupizaw a zat ding dan i kikum khin uhi.

Khatveivei, i sepna ah haksatna tampi kituak thei hi. Lawh (khasum) a khan ding bang a khanglo; hihna (position) i deih bang in khanglo ahih-kei-leh office sung a i seppihte tawh kituaklohna hang leh i makaite (management) in i deih bang hong kinloh ciang in bangzahta in thanuam in i hahkat hang in phattuamlo thei hi.

Tua hun ciang in i sepna company/organisation laih lo buang kilungkim thei nawnlo hi.

Sepna zong kik ding kithawikholhna Amasapen in i sepna khawl pah tawp pah ding hilo hi. I lungkimlohnate i theihsak zawh ciang nangawn a hong thudon kei uh zong in, limtak in sep tohtoh lai ding ahihi.  Bang hang hiam cih leh, i khasum kisam veve lai hang a, i company pan i tawp ciang experience/recommendation certificate i sepna thak ah kisam thei hi. Lungkim tak leh piciang tak a kikhawl ding ahihi.  Tua ciang India context ah, company khat ah kum nga (5) val na sep peuhmah leh gratuity om thei hi.  Tua ciang PF ahizong sum na ngah ding omlai ding hi.

Tawp i sawm ni kipan in i resume/biodate ahizong puah ding in, company i deih zawk a omte kiang ah lak in, interview va pai in, sepna thak sem khawm mah in zon ding ahihi.  Na muhpahloh hang sepna khat neilai lel na hihman in kinawh zon kisam hi.

Pilvang tak leh mailam saupi etna tawh sepna thak zon ding ahihi.  I sepna ah i tuahkhak nuamlo i sakte i tuah kiklohna ding in ngentel leh pilvang tak in i company etna sittel ding ahihi.

Sepna bangci zon ding I company/organisation lui sang a hoihzaw: Sepna thak i zon ciang in  i sepna lui sang in a hoihzaw kizon hamtang ding ahihi. Company ‘brand’ minthang zaw leh management kician zaw deihhuai hi. I sepna company in zong a thupi hileh mite’n zong thupi sim in, tua sang a manphazaw lai, ei-le-ei kithupi simna, lungkimna leh kimuanna hong pia thei hi.  Kilian sak ding cihna hilo in, self-respect (ei-le-ei kizahtakna) i neih theih ding thupi zaw hi.

I hihna sang sangzaw/hoihzaw: I sepna i laih ciang in i hihna lui sang in a sangzaw zon hamtang dingahihi.  Company a lian zaw leh brand lianzaw bek hilo in nangmah mimal hihna (position/rank) hoih zaw omna zong in.  Tua bang in khangtohna leh picinna hong pia hi.

Lawh/khasum leh benefits hoihzaw: Company khempeuh ah benefits kibanglo hi.  Company pawlkhat in a nasemte uh thupi simlo uh a, pawlkhat in a nasemte manphatna tel cian mahmah uhi.  Best employer of the …..cih bang minphatna a ngah company-te ah sepna zong in.  Tuate na hoihzaw hamtang ding uh a, a nasemte khantoh na ding leh siamna (skills) sinna zong sum tampi bei mah in hong pantah ding uh a, tua in nang siamna leh manphatna hong khangsak ding hi.

A tungate sang a kisam zawlai khat: A tunga i gente sepna khat pan lungkim (nawn)lo a sepna thak na zong ciang a kisam mahmah vive ahihi.  Ahizong in tua teng thum sangin nangma lungkimna leh lunggulhna thupi zaw lai hi. Nang lunglut lam nasepna, nang siamna lam nasepna ngah peuh leteh a dang thumte bangmah hilo zaw hi.

Eimah tawh kituak nasepna muh ding leh neih ding a thupi khat in ka tuat hi. Bang hang hiam cih leh, i sepna mun ah ni khat nai 12 sung bang hun kibeisak a, i nuntakna tamzaw hun i sepna a bei hi.  I sepna ah tuabang in hun ki bei napiin, sum tamman leh za hoih man bek tawh lungkimlo leh lunglutlo pi in va sem lehang ei a ding in (lung)gimna leh thangpaihna hong tun veve ding hi.

Na sepna, na go manphapen ahi takpi mah hiam, lawm?

]]>
<![CDATA[Na Go Manpha Pen – I ]]>Thu, 24 Jul 2014 00:32:02 GMThttp://tzltt.com/55/post/2014/07/na-go-manpha-pen-i.html
Na Go Manpha Pen – I
Sum-le-pai thu i kikupna ah a kihello theilo pen go (asset) leh bat (liabilities) ahihi. Asset pen ZoDictionary in “(n) van neih, neih leh lam zuak theih inn, huan, logamte” ci hi. A tom in sum suah theih i gote ahihi.

I gensa bang in i innsung leh mimal sum-le-pai zeekna ah a kicing zaw leh a nuam zaw nuntakna i lunggulh leh i septheih nam nih om hi – i sum zatzah khiam ding, ahih kei leh, i sum muhna khangsak ding.  Tuni in i sum muhna khan zia ding khat kikum ni. Tu laitak na go manphapen leh lianpen in i sepna (job) ahihi.

Bang hang in i sepna i go manpha pen hiam, cih en ni.

Nasepna Manphatna Nam 5
  • Na sepna in, na hihna ahihi: Na sepna in nang hihna (identity) hong pia hi.  Na ut in na ut kei zong in,  mite in na nasepna in hong ciamteh ding uhi.  Sazuakpa, mehzuakpa, Sangsiapa, Doctorpa, Siapa, ci-in i sepna hang in min hong kipia a, tuate i hihna hong suak hi.
  • Na sepna in na nuntakna dinmun lak hi: Nasep pawlkhat ah sum tamlo a, sum tamna nasep zong om veve hi.  Tua man in, na sepna in na nuntakna dinmun (living standard) hong lak hi. Kumpi nasem na hih leh na ngawl kei ding a, na hau kei ding hi. Nangma mimal na sem na hih leh na hau mahmah thei a, zong na ngawl thei ding hi.
  • Na nuntakzia lak hi: Na nasep pen laigelh hiam, lai tawh kisai khat peuh ahih leh, sabuai tawh a ki gamla ngei mello khat na hi ding hi.  Thu ngaihsunsun mi khat zong na hi ding hi. Galkap khat na hih leh sabuai cih thadah, innsung ah zong na om man kei ding hi. Ngaihsutna sang in sepkhiatna na ki-vazaw ding hi.  Na sepna hang in khualzin kisam den hiam, ahih kei leh, khua khat sung ah om den ding khat na hi hiam, cih pen na sepna in sai hi.
  • Na innkuan vakna sum naak hi: Na nasep in na sum naak hi a, tualo in sum na nei kei ding hi.  Tua man in, manpha mahmah hi. Na summuhte tawh ne in na dawn a, silh-le-ten, inn-le-lo hong pia hi.  Tua bek hilo in na innkuanpihte na vaak a, na tate mailam nuntak nading leh pilna-siamna neih na ding in saang na kahsak hi. Na sepna hang bek ahihi.
  • Na mailam nuntakna ding hi: I sepna tawh kituak in i mailam nuntakna zia ding nangawn genkholh theih hi. Na nasepna ah na khantohna (prospects) a tam/om hiam? Na sepna organisation/company a liat le neu in zong sai ding hi. Sumbuuk ngak khat na hih leh manager ciang na khangto thei kha ding a, tua tung ah a sumbuuk neite hi kha ding hi.
I sepna in i nuntakna ah thu tampi leh i nuntakzia nangawn sai mahmah hi.  Tua man in nasepna khat peuhpeuh pen saupi muhna leh ngimna tawh a zong lai ding te in zon ding ahihi. I mimal lunglutna leh siamna i neihte tawh zong a kituak hiam cih pen ettel mahmah kisam hi.  Tulaitak i nuntakna leh i mailam nuntakna nangawn pen i sepna ah kinga mahmah hi.  Tua man in i sepna bang ci leh a manphapen a zang ding cih leh i sepna bang ci manphatzaw sak lai ding cih zong ngaihsut ding a thupi khat i ka tuat hi.

Mangkam in, actively manage your career cih khat om hi. I sepna pen nisim va kuan ding a, a kha cin ciang sum la cih bek tawh hi theilo hi. Na nasepna ah khantohna (promotion/increment) na sepzah tawh kituak na ngah ding pen a kilawm leh a hoih khat ahihi.  Tua ding in nang mah in tupna leh ngimna na neih ding ahihi.  Na nasepna na kep ding leh na puah ding ahihi.

I sepna a manphatzawk nading in lampi nam nih om hi:

  • Promotion – ZoDictionary in, kahtohna, khantohsakna, za khanna ci-in gelh hi.
  • Increment ZoDictionary in, sum ngahzah khanna, khasum khanna ci leuleu hi.
A tangpi in za khanna leh khasum khanna pen kizui zel hi.  Ahizong in, kizui teitei ding cihna hi tuanlo hi. Za i cih pen sum a tamzawk man bek in a kideih hilo a, a tung a i nasepna manphatzia nam 5 i gente hang zong ahihi. Khasum khanna in za khanna a zui kei zong in lungkimna leh hihna lianzaw, thupizaw hong pia thei hi.

Za Khanna leh Khasum Khanna Bang Ci Ngah Ding Tup-le-ngim kician nei in: Midangte tawh kiteh ding hilo a, ei-le-ei kiteh ding ahihi. Tu’n sepna nei na hih leh na maban bang hi ding a, koi ciang kalsuan ding na hiam cih ngimna leh tupna nei in.  Sepna nei ta’ng ci’n kilungmuang sak, kilungkim bawl kei in.  Na tupna leh ngimna zahzah in na za khang in, na khasum leh na nuntakna khangto ding hi. Na managerte leh siate na ngimna, na lungulhna a kilawm leh kituak in theihsak in.  Amau zong mi muanhuai leh makai ding a zong tawntung uh ahihi.  Na company neite in mi gina leh muanhuai kisam uhi.

Na sep ding val sem in: Na sep ding (tavuan) zo mahmah in.  A val in zong sem lel in.  Manager na lunggulh leh manager khat i nasep zah sem in, siam sawm in. Hih kei sep ding hi kei cih nei kei in.  Za khanna ding leh khasum khanna ding in na za tawh kituaklo liang in na nasep kisam hi.  Na tungsiahte in hong mu in hong pakta ding uh a, za khanna hong pia ding uhi.

Na tungsiahte theisak in: A tung a i gente na tungsiahte na theihsak kei leh phatuamlo thei hi.  Na ngimna, na lunggulhna, na nasepna khempeuh (a diak in a hoih leh a val na sep peuhmah) na siate, na managerte lak in theihsak in.  Zomite pen a tangpi i hoihna lam gen ding haksa kisa hi.  I company makaite, a neite, leh managerte in i sepna khempeuh hong theilo uhi.  Tua man in eimah mah in i lak ding leh i theihsak kisam hi.  Na lawmte’n zong nang nasep hong gensaklo ding uhi.  Nangmah in na sepna ah za khanna leh khasum khanna ding tavuan na lak ding ahihi.  Na managerte vaihawm ding ngak kisam denlo hi!

Ngen in!: Na sep ding val sem in, na tungsiahte na theihsak khit nangawn ciang in za khanna leh khasum khanna na ngah kei lailai leh na nget ding ahihi.  Ngen in hong ki pia ding hi cih phawk in.  I managerte leh siate in i manphatna phawklo thei uhi.  Tua bang a na nget ciang in, na siate in bang hang na za khansak ding ka hiam hong ci kha ding hi.  Bang hang na khasum khang tuam ding hiam, na lawmte a zong khanglo pi, hong ci thei hi.  Tua ciang in nang na citna, na siamna, na septheihnate na lak ding hi.  Kam nem tak leh maitai tak in na gen ding hi.  Hehna in hehna leh thangpaihna bekmah piangsak hi.

Hong kipia kei leh e? Na za hong ki khansak kei a, na khasum hong kikhan sak pah kei leh, bangteng sem leng ka za khangthei ding hiam cih na siate dong lel in.  Za khan ding na deihna, lunggulhna kilang ding a, a sem ngap, a kithalawh ngap mahmah na hihna kilang ding hi.  Na siate’n hong gen pahloh hang uh, hong pakta giugiau khin ta ding uhi.  Na za khan ding leh khasum khan ding pen a hun bek in sam hi thei hi.

I leitung go manphapen i sepna, a manphazaw leh a thupizaw a i bawl ding, i zat ding pen Pasian deihna tawh zong kituak hi.  Talent hong kipiate a zah tampi a khangsak ding leh meetsak ding i tavuan ahihi.

This entry was posted in Business and tagged go, manpha, nasem, sepna on March 14, 2014.
]]>
<![CDATA[Zomi Kipawlnate Sep Dinga Hoih Pawlkhat ]]>Thu, 24 Jul 2014 00:29:01 GMThttp://tzltt.com/55/post/2014/07/zomi-kipawlnate-sep-dinga-hoih-pawlkhat.html
Zomi Kipawlnate Sep Dinga Hoih Pawlkhat

Leitung minam tampite lakah khat ahi Zomi akicite pen minam tawm leh minam niam mahmah khat kihi lai hi.

Minam lian leh thupite banglo in ei tangthu (history) nangawn a kan zolo, a puah zolo kihi lai hi.

Minam lian leh thupite banglo in ei tawh kisai thu kisam leh phamawh tampi a nei zolo, a kan zolo i hi lai hi.

Ei-le-ei a kitheilo, a kitello minam kihi lai hi.  Min kician nangawn a nei thei nailo, pau kician a nei nailo, kiukna kician a nei nailo minam kihi hi.

Ahizongin Zomi kipawlnate leh mimal a tei, a tangzang i om leh sep ding tampi, eima septheih tampi om veve hi.

Zomi kipawlna kician khat in hih thute ‘project’ i nei in hong sem leh deihhuai mahmah hi.  Tua thute en dih ni:

  • Mihing phazah – Zomite a phazah zong a kitheilo minam i hi lai tazen hi.  Zomi kipawlna kician leh tangzang mahmah khat in census (mi phazah) kumpi simsa ngaklo/zanglo in hong sim leh deih huai mahmah hi.  Khua khempeuh pan in mi phazah la khawm in sim theih dingin ka tuat hi.  Zomite tenna khuate beek bel a thei dingin kilamen pong leng maw.
  • Tua mah bangin sanginn om zah, sangnaupang zah, football field zah, cih bangin a tuamtuam kaikhawm zo lai leng deih huai mahmah hi.
Hih thute kaikhawm bek hilo in laibu suah in kihawm thei lai leh deihhuai hi.  Ei-le-ei i kithei nading; midangte hong theih nading in kisam mahmah hi.

Koi ciang ah om i hiam (dinmun) cih zong theihna hong suak ding a, mailam kalsuan zia ding zong hong lemzaw deuh dingin ka ngaihsun hi.

Banghang hiam cih leh, kipawlna tampi in Zomi khantoh nading na sem nuam mahmah se leh, bangzah sem leh a ‘khanto’ kisuak ding hiam cih a genthei om tuan lo hi.

Ka cih nopna ah; khantohna i cih nam tampi om a, tupna ngimna kician i kipawlnate in zong a neih ding thupi hi.  Music kipawlna i neih leh i suan mahmah ZOMUS in Zomite music lamah khantoh nading sem nuam mahmah hi.  Ahizongin, a ‘project-te’ uh Zomi sung music lam khangto sak taktak ding hiam theih hamsa hi.  Tua man in a teh thei na khat sep ding geelzaw leh bang aci tam ci ing.  Gentehna, Zomite’n music school bangzah nei a; mihing 1,000 ta a ding music school khat (1) om ding hanciam leng khantohna khat hilo ding hiam?  Tua bang haksa ding a hih leh zong, mihing 10,000 ta a ding music school khat e?

Lailam kipawlna khat in zong mihing 10,000 ta in laibuli (library) khat i neih zawh nading hanciam leng e?

Business lam kipawlna khat in kum khat in Zomi business 4/5 a thak a om det na ding hanciam leng e?

Sports lam kipawlna i neih leh tua teng zong a omsa football ground-te puah ding, ahih kei leh football ground behlap ding kisam hiam cihte kan in sem leng e?

Zomite khantoh na ding sem ding cih gemgam sangin Zomite a ding sanginn 2/3 behlap ding cih pen theih baih in, teh theih hi.  I lawhcin leh lawhsap kician takin kitel ding hi.

Tulaitak i pai dan pen “Zomite khantoh nading” nasepna ah lawhcing i hiam, lawhcinglo i hiam cih nangawn kitello hi.  Banghanghiam cih leh i ngim pen teh theihloh, muh theihloh a hih man hi.

A taktakin hih bang nate pen kumpi in hong sepsak ding, hong piak ding ahihi.  Ahizongin kumpi tung bek ah kinga theilo i hihna cian mahmah khinta (kum 40 val) i hihmanin ei mah in i sep ding thupi ding hi.

Tua bangte i sep ciangin ei-le-ei kithanuam sakin, i kumpite maizum sak ding i hihi.  Ei-le-ei kimuanna hong khang ding a, minam kipawlnate zahtakna leh thupi simna hong khang ding hi.  Tua bek zong hilo, minam i hihna zong ki thupi sim tektek ding a, minam thupi zong i suak takpi ding hi.

Zomite i haksatnate pan a taimangte i hih lawmlawm sangin i haksatnate a phungamte, haksatna pan a suakta zo minamte ci a midangte hong ciamteh ding kal ngaklah huai mahmah hi.

Hih thute keima ngaihsutna hi a, kuamah mimal leh kipawlna demna hilo hi.

]]>
<![CDATA[Na Lunglutna Tawh Nekzong In]]>Thu, 24 Jul 2014 00:28:08 GMThttp://tzltt.com/55/post/2014/07/na-lunglutna-tawh-nekzong-in.html
Na Lunglutna Tawh Nekzong In

Leitung ah a hampha penpente in a lunglutna uh tawh nekzongte ahi uhi.  Ahizongin, mi tampi in i lunglutnate tawh nek kizong khalo hi.

A diakin Zomite sungah nekzonna kithupi bawl mahmah in i lunglut leh lunggulhte ngaihsun manlo liang in nekzong kitam hi.  Tua mah bangin khangnote zong a lunglutna uh hi hiam hilo cih kan masa loin “laisiam” ding bek i thupi bawl uhi. A hi ding mah hiam?

Laisiam i cih zong bang hi hiam?  PhD leh doctorate tuamtuam ngahte laisiam hiam? Laisiamna leh pilna, ciimna, teina a kibang mah hiam?  Hih thute i ngaihsut uh kisam hi.  Laisiamna in nekzonna picing leh kingakna tak nasepna hong pia mah hiam?

Lunglutna leh siamna zong a kibang hiam? Siamna khempeuh nekzonna tak hi hiam?

Ke’n zong a dawnna sangin a dotna ka thei zaw hi.

Hong kum nuam na om uh leh hong kum un; mailam ah kikum toto lai ni.

]]>
<![CDATA[Billionair​es Li Ka Shing tungpan ciaptehhuai kammal]]>Mon, 23 Dec 2013 01:01:08 GMThttp://tzltt.com/55/post/2013/12/billionaires-li-ka-shing-tungpan-ciaptehhuai-kammal.html PictureBillionair​es Li Ka Shing
Billionair​es Li Ka Shing tungpan ciaptehhuai kammal
HongKong Billionair​es Li Ka Shing tung pan ciapteh huai kammal pawl khat

"20-80 % i ki lam dang dan"

Mihing pum pi tungah 20% in gawng tung lam teng tawh sum zong in 80% in gawng nuai lam teng tawh sum zong hi.20% in hun lei in 80% in hun zuak hi.20% in na lian pipi sem in 80% in na sep mawkmawk te sem hi.20% in amai lam hun ding geel kholh sa in nei aa,80% in zing sang tho phet in tu ni bang sem ding cih ngaih sun pan hi.20% in ei leh ei hong ki khel sak aa,80% in kiim leh paam teng ki khel sak hi.20% in hau mahmah aa,80% in zawng mahmah hi.nang ee leh 20% hi zaw ding maw 80% hi zaw ding..???

"Khenthum na nai 8"

Pasian in mihing te ading in ni khat in nai 8 sung ta aki lam dang , hun khen thum ki tuak tak in hong khen sak hi.Khen khat na nai 8 hun sung , mihing ten na sem ciat hi.Khennih na nai 8 hun sung teng ih mu ciat uh hi.mihing khat leh khat ki lam dang na in atam zaw in khen thum na nai 8 hun sung pan hong piang khia ahihi.

" lam pi nih"

Mikim in i nun taak hun sung aa,i zuih ding lam pi nih om aa, lam pi khat pen pelh thei lo aa i zuih ding lam pi hi aa, akhat pen i ut dan aa, i zuih ding lam pi ahihi.Pelh lo aa na zuih ding lam pi nuam tak in na nawk zawh khit bek teh nang ut na lam pi zui thei pan bek ding hi teh.

"Khat vei bek zat theih muan na "

Muan na i cih pen lai dal khat tawh ki bang hi.aki khep gawp sa lai dal khat pen na zal kikkik hang cik mah hun in a gei bang kik nawn lo ding hi

"Ki sik kik na"

Tu zawh kum 20 khit teh abei sa hun sung aa, na gam tat na te hang in ki sik kik lo ding hi teh ,a bei sa hun sung aa,na sep khak loh na te hang in ki siik kik zaw ding hi teh.

"Mun"

lam nawl aa, ki zuak tui vot thawl no khat in $10 man , Hotel sungah tui vot thawl no khat mah in $30 man.Mihing khat i vang neih na zong , ama tun na mun tawh ki tuak in man nei bek hi.

"Kam mal"

Kammal khat na gen khiat ma in,nang pen tua kam mal ii "To " na hi aa, na gen khiat khit teh tua kammal ii "sila" na suak hi ..

"Teel theih na"

Atawp na ah maan na sak peuhpeuh teel thei lel hi teh. Bang hang hiam cih leh hih leitung ah alau huai mahmah kam mal nam nih om aa, khat na in sinphat na,adang khat in han ciam na hi.A han ciam pa pen amah leh amah ki khel zo aa, asin pha pa ahih leh amai lam ding khem peuh khel zo hi.

"Ha zaat na leh Eng na"

Midang te sang in tawm cik na hauh zawk aa leh hong ki ha za ding aa, Midang te sang' azah tam pi tak in na hauh zawk a leh hong ki eng ding hi.

"Mai tai na" the lastest smile..

kua mah dem zo lo cih na ki up mawh teh tha neem kei in, nang mi mawkmawk na hih lam ki phawk gige in.Midang te nui in nuam sa in aom uh hang' leitung ah nang bek alung leeng akhua ngai hi tuan lo hi teh , atak tak in midang te pen nang sang' ki neih siam zaw ahih lam phawk den in.Cimawh dong tuak in na om lai tak..na kah nop leh kap suk lel in.Ai hang na kah khit teh nang leh nang na ki phot toh theih kik ding ki sam hi.Na neih sa khem peuh na sum phial zong in nang ii neih lian bel ahi "mai tai na" bel sup sawm gei kei in...

"Diip kua Patau na"

Mihing khat ii patauh na pan in ama ii lung sim thuak zawh na leh amai lam gual zawh na ding te ki mu khia thei hi.Adang khat in ci leng' buai na neu no khat pen hun bei liang in ngaih sut kul lo aa, buai na lian pi te leuleu teh i patauh bek tawh hong piang thei lo in hun tom no khat sung in i lem tuah theih nak leh na khem peuh pen Guah zuk khit nung aa..hong hoih kik ahi khua hun bang in hong vaak siang kik ding hi..

"Gual zawh na leh khan toh na"

Gual zawh na na ngah kei leh pha mawh lo a, pel mawh na khan toh ding ki sam hi.Na gual zawh na pen hong nawng kaai sak om kha thei ding aa, na khan toh na pen kua man hong daal khol lo ding hi.

"Neng suk leh Sawn toh"

Apua lam pan hong ki neng suk tha hang in aki tam ak tui pen meh khat a suak ziau lel hang', a sung lam pan hong ki sawn to tha hang aa aki tam kham aktui pan nun taak na khat hong piang hi.Mihing nun taak i cih zong hi dan mah ahi hi.Apua lam pan aa, hong pai tha in na nun tak na hong neng niam ding aa, na sung lam pan hong pusuak khia tha in akhang to nun tak na tha hong piang sak zaw hi.Apua lam pan aa, hong pai ze-et na tha hang in aki tam ding in ..na ngak aa leh nang pen mi dang te meh khat na suak lel ding hi.Nang leh nang ki muang in asung lam pan in na phut kham zawh aa leh nang ii khan toh na ding ahi nun taak na khat vei hong suak kik na mu ding hi.....

Lam Cin ( Cinpu Hatlangh)


]]>
<![CDATA[Leitungbup aa Mihau pen Nihna Warren Buffett]]>Wed, 20 Nov 2013 02:13:21 GMThttp://tzltt.com/55/post/2013/11/leitungbup-aa-mihau-pen-nihna-warren-buffett.html
Leitungbup aa mihau pen nih na " Warren Buffett " ii nun tak zia tawm en pak ni.......

A neih sa khem peuh lak pan Dollars (31) billion mi huh na in phal tak aa, apia khia, leitung bup a 2 na mihau pi [Warren Buffett ] tawh nai khat a kaai,ho lim khop na, CNBC tungah agen khiat ahi..ama nun tak na..amuh khiat zia lung lut huai ahih man in tawm khat hong let khia kik ing....

1. Kum 11 aphak in ama ii shareholder hong lei hi. ahi zong in hi hun aa, alei pen tun ki sik kik mahmah hi. ..tuhun sang in tua hun lai in van man tawm zaw ahih man hi..tua ahih man in na ta te uh sum a meet bawl theih ding han thawn un...

2. Kum 14 aphak ciang in thuthak lai(newspaper) azuak na pan aa,angah sum tawh lei tang mun khat hong lei hi...na khol sa sum te gawm inla, van gil lei leteh tam pi tak lei zo hi....na tate uh sum zon theih na ding han thawn un..

3. Tuma kum 50 hun lai aa,azi neih cil in alei inn lui pi [dei 3 anei] sung ah tu dong ciang teeng lai hi.ama ki sap khem peuh tua inn sungah om hi ..ci hi..tua inn in dai [dalna] cih khawng nei se lo hi..na ki sap zah val in van mawk lei kei in..na tate uh zong hi dan angaih sut theih nang' in han thawn un..

4. Amah koi koi ah apai zong in mawtaw hawl / acing {bodyguard} cih bang nei sese lo hi..nang ading amuan huai pen in nang mah hi lel teh....

5. A man' leitung aa, alian penpen Jet vanleeng company aneih hang..tua vanleeng te tawh khual zin gei se lo hi.... na sep ding khat peuhpeuh alem thei pen ding in koi ci zawh ding ka hiam.cih ngaih sun gige in...

6. A ma ii " Berkshire Hathaway " company pi nuai ah ameng no ,company 63 nei hi.Tua company sung aa,CEO te tungah kum khat in khat vei ta bek laikhak hi.Tua lai sung ah , ngim na/geel kholh na te bek at aa,tua lo ama kiangah phone ho / meeting sap cih khawng zang se lo hi.mi muan huai te amau tawh ki tuak aa, mun na guan un.

7. Tua CEO te tungah zuih ding thu khun 2 bek koih hi.tua 2 te in 1 ..nang ii shareholders pih te ii sum te sup [lose] sak kei in.. 2 .. thu khun 1 na pen mang ngilh gei kei in..Ngim na ding te geel khol in la,tua teh na nasem te tung athu pit lam thei sak in....

8. A mah Mihau pipi , Milian pipi te tawh ki khawl se lo hi.na sem ciah inn atun teh ama hih zel khat in..vaimin kan puak in bawl a, TV en kawm hi...Ki pha sak ken la ,na om theih bang in om in na hih nop peuh sem lel in..

9. Aman cellphone tawi den lo aa,ana sep na sabuai [TABLE] tungah zong computer om lo hi.

10. Leitung bup aa,ahau pen Bill Gates tawh tuma kum 5 hun lai aa, ki mu kha pan hi.Bill Gates in amah leh Warren Buffett ki kal ah ki bat na tam gawp ken teh..thu ki gen ding tam kei in teh ci-in ki muh hun ding..nai lang sung bek na geel hi.Aki muh taktak uh teh nai 10 hrs bang hong kaai in..BillGate in bang lam dang sa leh paak ta mahmah hi ..ci hi..

Khangno te ading "Warren buffett " in avai khak na ah......Credit card {sumleitawi} cih pen tawh aki gam la thei pen in na om un la..nang ading nang mah in khol zaw in..


....ciap teh theih ding kammal pawl khat


1. Sum in mihing te hong bawl lo in, sum pen mihing te bawl hi zaw hi..
2. Nun tak na pen na hih bangbang in nungta lel in..
3. Migen khem peuh sem pah kei in la , hoih hi na cih nak leh sem pan in.
4. Puan pen atam man theithei , brand hoih nono te nung zui ken la, nang tawh ki tuak ding leh asilh nuam hi peuh leh pha zo hi..
5. na deih lei kei in la , na ki sap lei zaw in..
6. bangbang ahi zong in hih pen i nun taak na hi.bang hang in na dang te ki uk sak ding i hi hiam???????

Nuam asa pen mi icih te zong , na hoih pen te ngah den sam lo hi..


A mau nun tak hun sung aa,atuak khak thu hoih te ciam teh in akep cing man un akhang to zo pan bek hi.....
hi teng ci bial bual ding ni ei...nong sim sak man in ...lung dam

Cinpu Hatlangh

]]>
<![CDATA[Kawlgam ah Cocacola Company Kiphutkik Ding]]>Mon, 25 Jun 2012 04:28:34 GMThttp://tzltt.com/55/post/2012/06/kawlgam-ah-cocacola-company-kiphutkik-ding.html
Leitung ah a minthang Americate' Company khat ahi Cocacola Companyte in Kawlgam ah abeisa kum 60 val sung akikhak cipna pan tu in, kipanthak kik ding cih thu June 14,2012 ni-in leitung ah tangko khia uh cih kiza hi.  Tua bang a agenkhiatna thu hangin Cocacola Company te omlohna gam leitungah khat kiam in,gamnih bek mah om lai bek ahihna thu zong alamdang thukhat in kigen hi.  in,tua gam nihte in Leitung kiukna lam khauhpaih mahmah 'Aanashin' gamte ahi North Korea gam le Cuba gamte ahi uh hi. America gam kumpi in America Company te kiangah sumzonna sumbul abawltheih nading phalna (Licence) apiak hun tawh kituak in Cocacola Company te'n Kawlgam ah sumbawlna(Invesment)kipan a na asep nading thu genkhia uh ahih nathu News tampi tungtawn ah kizakhia ahi hi.

America gam Atlanta munphual a om Cocacola Company in akipatkhiat nading in Kawlgam gamveng teng a aomsa Cocacola Company te kiang pan puak masasak in tua gamte kiang pan zuaksak masa phot dinga mailam ciang  Kawlgam sunga kipawlpih muanhuai ding te zongin asep lai nading thute uh zong pulahkhia uh ahi hi.

Company inbel mailam hun kum3 pan kum5 kikaal sung akician mahmah a(Investment)bawla aom nading thu le alametna thute zong gen uh hi. Tua ban ah Cocacola Foundation te in Kawlgam aom Numeite i nasep thei namun phualte akibehlap thei nading lampi thakte sialsakna in huhnasum US$ 3Millions apiahkhiat nading uh zong kiza ahi hi. Kawlgam a na aseplona uh le sumbawlnate anusiat zawhuh,kum60 bang hong cingvalta ahih nathu zong  Cocacola Company te'n gen lai uh ahi hi.

Nidanghun Cocacola Company te in Kawlgam sung a sumbawlna hongkipat hun in1927 hun lai pek ahi nathu zong  kiza ahi hi. America te'n Kawlgam a sumbawlna le (investment)neihna akikhak tan nate America kum pi Barack Obama  in May 17,2012 ni in lakhiakik/khiam kik in, America te'n Kawlgam sungah America Company tampi te'n (investment) hong bawl kik thei nading phalna tuamtuam (License) khat bawl in tangkokhia tading uh ahih nathu Kawlgam ading lungdam huai thukhat le thu hoih thu lamdang khat zong hong suak ahi nathu te ahi hi.

Source: Eleven Media Group
Translated: Kham Khan Suan(Tongsan Translator)

]]>