WWW.TUNGZANGNEWS.COM

 
Britain kumpinu Queen Elizabeth (Kum-85) in Ukpinu asuah zawh kum 60 cinna phawkna Diamond Jubilee pawipi pen February 6,2012 (Monday) ni-in bawl hi. Hih pawi pen England gam nisuahna lam a khualzin kawmin abawl ahih manin, minthangsak lua nuam lo ci hi. A hi zongin hong tung ding June kha ciangin Teins gunpi sungah Gunkuang 1000 zangin nili sung nasiatak bawl zom ding geelna nei hi.

Zanni Fe. 5,2012 (Sunday) ni-in Queen Elizabeth pen a pasal Prince Philip tawh Vuuk tam mahmah lakah biakinn kikhawm hi. Kum 90 aphakhin Prince Philip zong a beisa December Christmas sungin lungtang ki-at in zato lum hi. England banah British gam sung tenga kibawl ding Diamond Jubilee pawipi ah Kumpi innkuanpte kihel dingin geelna nei uh hi. Queen Elizabeth pen a mau gam i kumpi ( Queen) hi ci in, a ciamteh ngiat gam 16 om hi.

Queen Elizabeth le Prince Philip in British gam sung teng bekah khuazinna neih ding khensatna nei uh hi. Queen Elizabeth i apa England kumpi 6 na ahi George pen kum tampi dam loin a om khit nungah February 6,1952 ni-in a tanu Queen Elizabeth pen akumpi tokhom za luahsak hi.

Source: BBC

Translated: Tongsan tanute


 


Comments




Leave a Reply

    Tungzang News

    All