WWW.TUNGZANGNEWS.COM

 
Bawltawm mihingkhuak pen PC sangin azah 9,000 in manlang zaw hi. 
Computer kivakna khangto mahmah tuhun nangawn in, luguh sung aa pong 3 lb(kg 2.3) a gik mihing khuak pen computer in bandek nailo cihi. Ahih hangin mihing khuak nasep zia tawh kivalak aa kibawl setkhuak/ microchip thak pen zattang/ typical PC te' sangin hatzaw tham cihi.

​Tua mihingkhuak tawh kivalak aa kibawl setkhuak/ microchip pen _Neurogrid" cin minvawh uhhi.​ Hih setkhuang thak in khuaksung kivaipuak na te khekhap zui in ciingkik thei ding cihi. Tua ahihman in hih setkhuankthak pen khut/khe damlo te aading in set khut/khe te gamtang sak khuak dingin kizangh thei ding cihi.

​Mihing khuak taktak a batzawh na dingbel​ gamla laiding hi, ahang in, setkhuak te zia-ol zaw bek hilo in mihingkhuak tawh tehkak in meitha tam kisam lua cihi. Setkhuak/ PC khat nasep nading meitha akisam/ kikim zahtawk mihingkhuak 40,000/ mihing 40,000 in a khuak nasemsak zo ding cihna hi. Neulai sangkah laiin gilkial leh khuak hatzaw in lai kithei zaw ci'n uute in hongcih pongpen na khialkhinlo mawk mah uhhi.

Gilkial in thazawmcip dikdek taleh khuakbel paipai laisam mataw, pumpi zawdekdak kawm mahin khuak in leitung kimkot zolai cih dinghi.

​Neurogrid/setkhuak thak ah ipad cia apha neurocore 16 kiguang hi, PC thak te ah quad core/ 4 bek pha hi. Tua neuro core 16 in neuron awn 1, synapeses awn tul tampi thupuak teng sutkhawm khentat sak hi, thu dangkhat in gen hilehangh khuak in mitphiat kaalkhat in thu kisung awn tulval suutin khentatna piazo zah in manlang cihhi.

Mihing khuak taktak in aihleh neuron/taiban thupuak awn tul 80 suutzo ci tangial hi. Gentehna in khenuai thak, luzang thak, gilna, tuiduh, mittaak, leipetkha, zatepkawm, zunsuak, zuaugen, nungkum thupiang phawkpak, puansilh ding, zingmeh ding, laisim ding cihbang thulu awn tul 80 thakhat in khinkhai, saikak, gawmtuah, enpha, gelkikkik, khentat, puahpha, panphazeel cihbang in om ziaizuai ahihman in a kikhawh azangpen leitung khuavak sangin lungsim/ khuak ngaihsut khentat saikakk na pen manlang zaw cimawk uhhi.

​Ih zatngeina PC te zat meitha in Neurogrid 9,000 duhzah meitha tawh kikim tha zanghi. Cihnopna ah mihingkhuak mahbangin nasep ngaihsut gamtat nading tha tawmcikbek kisam lel ahihi.

​Hih Neurogrid tawh mihingkhuak ciing bekthamlo, Stanford khelpil(researcher)pawl tawh ki thuah in, pumpi zaw, phellangzaw damlo te gamtangkik theih nadingin khutthak/ khethak (prosthetic limb)zongh a bawllai tak uh cihi. Tua chip/ setkhuak in mihingkhuak gamtatna signal teng khut/khe bawltawm ah kamphen in sawlthei dingin bawlthei khin uhhi. Tuabang tawh damlo te khuakte tawldam(prevent brain over heating) sakin sihbup, khuaphawklo cih tawmtuam ding cihna hi. Adang zattheih nadingkhat pen, Neurogrid setkhuak zanghin, mihingzia apaii set-hing (humanoid robot) bawlna ding hi cihi.

​Vaihawmna(programming) guanma in khuak in bangci ki vaipuak cih kancian masak kisam lai cihi. Amasa in setkhuak vaihawm na a bawlkhia ding ciimtungtuang te pattah nading "neurocompiler" cih bawl masa ding, tua in Neurogrid a theikha ngeilo ciimtungtuang te hun tawmcik sungin ki pantah thei dingci hi.Bioengineer Kwabena Boahen's Neurogrid can simulate one million neurons and billions of synaptic …

​Hih Stanford te bawlpen computer zanghin khuakbawl lakah team khatbek hilel hi, EU gamte Human Brain Project team inzongh supercomputer zangin khuak model bawl hi, US BRAIN Initiative team in khuak thahat na leh manlangna teh nading pii-ciang a bawl khiat sawmlaitak uhhi.

​Hih Neurogrid khat bawlkhiat nading in $ 40,000 ​bei hi. Mi khelpil pawlin Neurogrid a mantawm theipen aa bawlkhiatzawh nading ka tupna lianpen uh cihi. Set khuak bawlkhiat nading aa hongdalpi pen an le tui neekkulloh nuntaak na a piangthei ding koicih ding cih hipi pen cihi. Thudangkhat in genteh hilenghangh, pu Thangho leh Liando taangtangphel khat tha tawh sun nitum dong koici bangin lokho zo ding cih hanciam laitak ahihi.

​​Note: Israel thukham zui siampi te pen Leitungbup ah guulhik cilgeh lamsang a kiva pente ahih uhhi. Japan, Singapore, India te'n bandek nailo uhhi.

ZH

 


Comments




Leave a Reply

    affiliate_link

    Tungzang News

    All
    Apple
    Apps
    Facebook
    Mobile
    Space

    Categories

    All
    Apple
    Apps
    Facebook
    Mobile
    Space

    Archives

    October 2015
    September 2014
    August 2014
    July 2014
    May 2014
    December 2013
    November 2013
    October 2013