WWW.TUNGZANGNEWS.COM

 
Gmail ah Non-Latin Character tawh min ki gelhtheita

Abeisa hunsung ah Email nazat ciangin namin pen Latin Characters ahihloh phamawh hamtang hi. Banghanghiam cihleh Email Sign Up nabawlciang inzong First Name, Last Name cihte ah Latin Characters mah nazat kul hi.

Leitungbup miphazah ii alangsang atawmzaw khatkhawngbek in Latin Alphabet zang uhhi. Leitungbup mi phazawhtawh tehkakleng A pan Z dong laimal azang tawmmahmah hi.

Tua ahih manin Email ah namin na zatnop khatpen gentehna “José Ramón” cihdan piankhawng ahih keileh Chinese Character, Japanese Character cihtekhawng hileh Email ah alemlo hongsuakpah hi.



Ahi zongin tuabang a ciangtanna “Limitation” pen tu’n beita hi. 2012 kum akipan Internet Engineering Task Force (IETF) kici Organization khatin “New Email Standard” ci’n Latin Characters bek akizatna pan adang Lation Character azanglo laimalte zong aki ngahtheih nadingin hong hanciam uhhi. Tuapen tu’n a ngah ki mutheita hi.

Non-Latin laimal te ki zangtheita cihhangin Email Provider te’n Support keileh akhiatna omtuanlo hi. Tuahang in hih Technology thakpen Gmail akici Google Mail te’n hong pankhiata uhhi. Email min ah gentehna 武@メール.グーグル aki ciphial zongin nawngkaina omlo in, Email minmunsanding ah suakveve dinghi.

Lamkhat bilbel ah hih Technology thakpen Zomi te adingin phattuamna lianpi omkhollo khading hi. Banghanghiam cihleh Zomi te’n Cope Topa hong bawlsaksa Latin Character te zangthei ihih manin nuam ihsa hiathiat mahmah hi.

Ahi zongin Kawllai (Burmese) azang te adingin Gmail Address minmun ah amin uh Burmese Character ျမန္မာ အကၡရာ tawh gelhthei tading uhhi.

ZD Sawltak

 


Comments




Leave a Reply

    affiliate_link

    Tungzang News

    All
    Apple
    Apps
    Facebook
    Mobile
    Space

    Categories

    All
    Apple
    Apps
    Facebook
    Mobile
    Space

    Archives

    October 2015
    September 2014
    August 2014
    July 2014
    May 2014
    December 2013
    November 2013
    October 2013