WWW.TUNGZANGNEWS.COM

 
Picture
TZN: Internet tungah "Search Engine Giant" akiliang nazonhat mahmah Google Company te'nzong letmat 7 khawng apha "7-inch Tablet Computer" bawlkhiading in ki thawithawi uh cih AFP te'n Thursday ni in genkhia hi.

Hih Computer neuno te ahi Tablet Computer akimantak in abawlzawh nading un Google Company te'n Asia sung aom Hardware Makers tetawh ki pawlkhawmding ci uhhi. Google te'n Apple Company te iPad tekhawng leh Amazon.com te Kindle tekhawng ademsawm uh hihtuak a, ong bawlkhiat kalding uh ngaklahhuai mahmah hi.

Technology Company golpipi te khatlekhat ongki demdem uhhenla, Computer leh Tablet tuamtuamte ongki mansak semsem le uh adiakdiak in ei Zomi te kidahlua hetlo khading hi. Banghanghiam cihleh sumzon sumzuak nading in ei Zomi sungah Computer tampi leisa in akholvetvat ki omkhollo khading a, Market Price akiatsukgawp hangin adahding ki om khollo khading hi.

Google te bawlkhiatding Computer Tablet pen Samsung Company leh Asustek Company tetawh kipawlkhawm in abawlding hihtuak a, iPad leh Kindle tebel demding cih ngimna hihtuak phadiak hi. Google te'n Social Networking lamsang ah aminthang penpen ahi Facebook te adem nadingin Google+ ongbawlkhia khin uh a, tu'n Tablet lamsang ah iPad te, Kindle te ademsawm uh ahihi.

Google Tablet pen tukum May khasung khawngin hawmkhiat zawhding lametna om ci a, khatciang in US$199 kimpawl mansakding ci uhhi. (Ringgit Rm199 khawng tawh ongzuak zawle uh Malaysia gamsung aom Zomi te'nbel khattek ki leisak khamahding hiven:-)

US$199 pen ei ading in tammanlai ihsak hangin Google te'n akimanthei penpen in ongbawl uh hihtuak a, hih abawlkhiatna a ngimna zong Company dangdangte'n Tablet tampipi in azuakzuak nawnloh nading cihkhatzong kiza hiauhiau hi.

TZN: Source:ZomiDaily


 


Comments




Leave a Reply

    Tungzang News

    All