WWW.TUNGZANGNEWS.COM

 
iSushi
Meikhulo Zogam thu gelh kipan kawmkawm in, tulai bang thu thak khong laang hiam cih kazo'n leh, service lunglut huai mahmah khat iphone site khat ah na om dih dih in, limtak kasim leh thu hi thei bannah, maban limci mahmah leh Zomi pih tampite sinzawh, zuihzawh leh sepzawh ding na hihi.

Zogam pualam Zomite sumbawlna ah Sushi pen a nasia pen leh tampi in isep i phattuam pih pen  cih i thei ciat hi. Zomi masa te'n ana muhkhiat uh hi in, anungsang a tung te'n kizom toto in, Zomi Business pi khat cileng kikhiallo ding hi.

Ahihhangin tuhun ciangin Zomi kitam ta ahihmanin,  asem ding leh asem nuam tamta hiam,  mikim a dingin hoih nawn khollo cileng kikhiallo ding ahihi.

Tutunga i gennop service thak pen nek theih Sushi thu hilo in, iCrack leh iTech thu hizaw hi.A maban limcitna leh Zomi te zuih zawh ding kongvang thak khat ahihban ah, IT leh Digital  vai ahihmanin iSushicih thuluno bang kipiakha zawzen hi.

iCrackTulai in Computer leh Digital van bawl company minthang Apple te'n iphone, iPad, iPod cihte hong bawl leh, leitungbup ah thang vangvangin, aleizo te'n lei zuahzuah uh hi.Aleizo nailo te'n zong hih vante nikhat ni ciang zatzawh ding cih pen i sunmang uh ahihi.
  • Statistic khat enkhia pakleng March, 2011 kha khat sung bekbek in iphone awn 108 kilei hi.
  • 2011 January khasung bekbek in iPod awn 304  kilei hi.
  • 2012 April nung khasawn sung bekbek in iPad awn 67 kilei  hi.
Hibangin Apple company in iphone, ipad, ipod te bawl a a zuak khiat ziahziah hangin, apuahnang limtak vaihawmlo in, apple store khongah va kipuahsak leh 200-300 bang la uh hi. Mundangah a puahsak uh cianglah amuanhuai hiam cih muanmawhna tawh kidim ahihmanin, iphone puahna kician taktak USA leh leitung gam dangte ah omlo hi.Hih mun awng pen colledge sangnaupang hon khat in mukhia uh a, colledge campus huangsung siksan in iCrack cih company no khat sangkah kawmin hong pan khia uh hi. iPhone pen atamzaw a limlang (screen) kitamkham leh tui khat peuh tawh kidiahkha cih buaina atam pen hi in, tuabang atuak uh ciangin aneite taina ding dang theilo in buai uh hi. iCracked pawl in amau colledge a alawm agualte uh iphone te puahsak uh a, tuapanin kithei sawnsawn in, tu'n  USA leh leitung mun tuamtuam ah 200 val om ta hi.Media tuamtuamte genna ah iphone, ipad leh ipod puahna tawh kisai iCracked pen company lian pen suakta ci uh hi.Hibanga company lianpen asuah hangin munkim ah omzo nailo a, tukum 2012 sung in 500 phaksak sawm uh ci in iCrack company site ah kigelh hi. Tun 224 khong bek phapan hi. iTechiTech cih pen iCracked company pan licence leh training la a iphone, ipad leh ipod puahsiamte cihna ahihi.iCracked company nasep daan nam 3 om a:
  1. Company phualpi leh iTech kiangah ah khak a puah thei.
  2. iTech te'n inntualzang ah vapuah.
  3. Video tutorialte abeubeu a zuak.
Cihteng ahihi.Mi khatpeuh in iTech licence leh training adeih leh Basic leh Premium ci in nam nih om a, Basic pen USD 649.99 bei in, Premium pen 899.99 bei hi. Company website www.icracked.com ah lut in Become iTech cih mekleng a kisam teng kivel  thei hi. iTech siaute minute 20-30 sung khong ding interview om a, tua interview pan hong deih uh leh, Start up leh Licence kit hong khak ding uh hi.Mikim sep theih cih hangin Phone pan hong kante pau mangkhiat theih ding leh, phone puahnuamte tawh kimaituah cianga, atel theih ding ciang khong uh gentheih bel kisam ding hi. Zomi sung enleng tan 8 tungsiahte ading in hoih hi.Khasum leh nitha nasep hilo a sumbawlna nam khat ahihmanin, sum lut pahpah zuahzuah ding ci a bel lamet pah ding hilo hi. Mikangte asem atamzaw colledge student leh nasep dang tawh thuah a kipankhia pian vive hi uh hi.Tukum sung iPhone5 suak ding ci in kilamen ahihmanin, iTech te kimanlah mahmah kha ding hi ci in iCracked ten gelh uh hi.iCracked  tawh kisai mediate suahte a link khenkhat anauia aki en thei hi.Market WatchTech CrunchINCTua banah Facebook, Youtube, Linkedin, Twitter leh social bookmarking site te ah zong om uh hi.

A Company pen kum khat khong bek upa panin iTech 200 khong bek neipan uh ahihmanin, Zomi 200 khong lut leh bel Zomi company cih ding himai hi. Part 3 blog ah kikhah ta hi.Zo Khupwww.zokhup.com
 


Comments




Leave a Reply

    Tungzang News

    All