WWW.TUNGZANGNEWS.COM

 
A beisa 1948 kum,Falam khuapi a akibawl,khamtung gambuppi kimuhtuahna khawmpi pan in, Zomi te Mikang kumpite bawlsak Zo ngeina tawh kiukna Ukpite (Taihtakyi te) tawh kiuk na pan,Mipi te ukna Democracy ki-ukna hunin kikhelna hun khat ahi February 20th ni pen Zomi Nam Ni(Chin National Day)cih aa,pawi ihbawl ding aa akilawm nathu,CNP(Chin National Party) Chairman Pu Zo Zam in gen khia hi.

Agen lai thukhat ah 'Ke'n azenzen in,Vuankyi Gyoke(Prime Minister) za'ngah lengh bel,tulaitak Kumpite hongphuah sak (Chin State Day)pan in Zomi Nam Ni(Chin National Day)ci'n amin laih in,pawi kakham teitei ding hi,ci hi.(Chin State Day) cih bang omtheilo hi.Prime Minister zaa(Rank)pan in hong kikhawlsak aa,kazaa'kiat lawh tak lezong phamawh kasa kei ding hi.Hih thu in ,Zomi bup tawh kisai Minamvai pi khat ahihman aa kagen hi.Hih thu in Vuankyi Gyoke,Zogam,Prime Minister pa i mawpuah zong ahi hi ci'n CNP,Chairman, Pu Zo Zam in gen hi.

Kawl kumpi ahi Galkap kumpi te in akhangkhang in,February 20th ni aa,kibawl Zomi Nam Ni pen,(Chin State Day)ci'a akhel zelna tung a,CNP,Party Chairman Pu Zozam in agennopna thu ahi hi. India Gam New Dehli khuapi aa akibawl "Bridging South and East Asia"thulu tungtawn,kikupna aa hong kihel Pu Zo Zam in Khuanungthung News te tawh aki thudotna(Interview)khat aa agen ahi hi.

Tua hi a, hongtung ding,February 20th ni(64)veina akibawl ding Zomi Nam Ni pen,Zogam(Chin State)Mindat khuapi aa,Minamvai Committee te in,Zomi Nam Ni (Chin National Day)mintawh,khantan (Officially)pawi bawl theihna,phalna apiak nading,2011, December sung in,ngetna aneihna thute uh,Zogam Vuankyi Gyoke(Chin State Prime Minister)Hum Ngai lamkaihna Zogam kumpi pawl in pialo in nual mang sak lai uh hi.

CNP,Party in Zomi buppi tawh kisai thute ah,avehpihuam a,na akisem ahihman in, adang Zomi Party dang tuamtuam te in zong,gamsung thupaizia muhtheihna(Political view)tawh kituak,/kizawitawn aa,hanciam aa,ihsepkhiat takpi(Practically) ciat ding uh, akisap pen nathu Pu Zo Zam in hanthawn hi. India kumpi te i naseplian(Project)khat ahi,'Kalatan Gunpi project' anasep nate uh tungtang ah bangci banga, sem/bawl ding cih teng acian-atai(Detail)tak aa,ihtheih thei nading"Jamia Millia Istamia University" a kibawl kawlgam thu kikupkhop(Meeting) na mun ah,hong kihel India' Delegate te' thudotna,kaneih hi,ci'n zong gen hi.


Kalatan Gunpi Project nasepna ding in,Kawl kumpi te khatbek thukimna/deihna khat bek tawh kibawl thei/mantheihlo hi.Tua akim leh pam aa ateeng mite i thukimna/kimlona tung ah kumpi in zong angaihsut sak ding zong kisam hi.Tua ban ah,akiim agam neih mite ading bangcibang in noptuamna,ngahsakding cih te ngaihsut leh ,etsaklai kul ding hi.Ci'n zong genlai hi. CNP,Chairman Pu leh apawlte in,hih India gam kikupkhopna pan,aciakkik lam un,'Kalatan Gunpi Project'amun aphual ah vapai a avavaan ding uh thamlo,'Zogam Perliament Meeting'te aa,kimukhopna(Meeting)hunpi ah zong,thupitah leh telcian theih nading (Agenda)khat aa neih aa genkhiat ding,nimna,ngaihsutna aneihna thute uh zong gen hi. Tua India aa kibawl Asian Gam kimukhopna (Meeting)ah,kawlgam sung pan,Chin National Party,Shan National Democracy Party, Democracy(Myanmar)Pa'oh National league,etc.party 9te pan 'Delegates'15te vapai in (Meeting)vakah uh ci hi.

Translated by: Pa Kham Khan Suan(Artist Kyaw Kyaw Oo)
 


Comments




Leave a Reply

    Tungzang News

    All

    ZNC Pu Chin Siang Thang
    ZNC Pu Chin Sian Thang