WWW.TUNGZANGNEWS.COM

 
Tedim-02/05/12, Kawl Galkapte le CNF-te kidoloh nading thukimna suaikaikhin uh ahimanin Kawl Galkapte zong Zogam pan kihemkhia taleh hoih ding hi, ci’n 3 February, 2012 ni in ZNC in pulak hi. CNF le Kawl galkapte 6 Jan 2012 ni in hih suaikaihna abawl uh ahi hi. CNF tawh kilemna bawlkhin uh ahimanin Kawl galkapte Zogam ading akisapna om nawnlohi. Mipi in zong hih vai ah CNF in Kawl galkapte tawh akiho ding uh tawsawn le uh hoih ding hi, ci’n Pu Kam Lian, GS, ZNC, in gen hi.

Pu Kam Lian genbehna ah Zogam sunga khuata mite in Kawl galkapte hangin hun haksam tampi tuakkhin uhi, gtn – zawhthawh tangtha, galkap phual lamna, singkung phukna, nekding piakna cbt, ci hi. Sumzong le khualzin mite kiangpan damiahtaihnate ah zong Kawl galkapte kihel uhi, ci hi. GS-pa genna ah Pu Mang dol ci-a akithei dolsingte zong Tedim khua ah phualsat Kawl galkapte in thukhun tawh kituaklopi’n phukin zuak uha 2005 kum ma-in hih dolsingte beisiang zo hi, ci’n mawh sak hi.

Ahizongin Kawl galkapte Zogam pan koici kihemkhia ding uh cih bel ZNC in genbehna neilo hi. India lam ah zong ZRO in India kumpi tawh 5 Aug 2005 ni-in kidoloh nading thukimna suaikaikhin uhi. Ahizongin ZIA (Zomi Independence Army in adang Zomi kipawlnate tawh kibangin Kawl galkapte tawh kidoloh nading suaikai nuamlo uha, Kawl galkapte muang ngamlo ci uhi.

Source : Internet ( Original English)

Translated: Tongsan tanute

 


Comments




Leave a Reply

    Tungzang News

    All

    ZNC Pu Chin Siang Thang
    ZNC Pu Chin Sian Thang