WWW.TUNGZANGNEWS.COM

 
Kawlgam sungah ni thupi tuamtuamte sung pan Kawlmite le mual mite kibelpawlkhopna i neihni ( Union  Day) zong ni thupi lua mahmah khat ahi hi. Hih Kibelpawlkhopna ( Union Day)  apiankhiatna ding in General Aung San le mualmi makaite in Shan State, khuaneu  khat ahi Panglong khuaah thukimna lai bawlin, khutpi mekna nei uh hi. Tua hi in,  hih Union Day tawh kisai thukimna pen Kawlte in mau bek hamphatna/ thuneihna in  hong zangh uh a, tuni ciang dong Kawl mite ukcipna le niam niamna nuai ah ki om  toto ahi hi.


Hih banga gamtatnate uh hangin tuni dong Kawlte le mualmite kikal ah a khangkhang in kido/  kilangpanna nasia mahmah hi. Tua bang kawm kalah Union Day pen mangngilh theih  ding hi lo ahih manin, General Aung San maban atanu Daw Aung San Suh Kyi le  tuhun mualmi makaite in akizom toto ahi hi. Tukum Union Day zong Daw Aung San  Suh Kyi inn huang sungah nasiatak kibawlin, mual mi makai khempeuh le Pu Chin  Sian Thang (President-ZNC) te kihelin, Aung San Suh Kyi tawh nasiatak holimna  nei thei cih kiza hi.


Mualmi makaite sungah Pu Chin Sian Thang pen Aung San Suh Kyi in a muan mahmah khat ahihna thute zong gen ahih manin, Zomite makai thupi anei kha i hihna hangin, angtan huai le lungkim huai mahmah hi. Hih Union Day tawh akizomto ahi Zomi (Chin) National Day cihte zong nithupi mahmah khat hi-in, hih Zomi National Day nisim in Union Day or Panglong Agreement te pulakkhiat loh phamawh den ahi hi. Tukum 64 cinna Zomi Nam Ni ading Zomi National Congress in thupulakna (Statement) nasiatak nei uh hi. Tua hih manin Union Day le Zomi National Day pen kikhenthei ngei lo ding ni thupi ahi hi.


Source of Statement  and Photo by: Engbiak,
 


Comments




Leave a Reply

    Tungzang News

    All

    ZNC Pu Chin Siang Thang
    ZNC Pu Chin Sian Thang