WWW.TUNGZANGNEWS.COM

 
Dear Sanggamte,

Zomi National Congress  in party register bawlkik na pen 1) Zomi min mahmah tawh gamvai  politics ah platform ki sam. 2) Minam itna khantoh sak zawh nang,  3) Kawlgam ah  azawng penpen state pan mipite nuntakna  lapsang zawh nang, 4)Panglong thukimna tawh, ki zui Kawlgam Constituition bawl zawh nang cih dan ngimnapi kinei  hi.
Mi pawlkhat in NLD na hih pah vevua ong ci om hi. Tuadan kitha piak zong lungdam huai veve hi. Ahih sam  hangin, mi pangbel leng Zomi te thu Zomi ten deihbang in  kigen thei lo ding, ih belhte cihcih thu zuih kul ding hi. Tua ban ah tutung ki telna ah lut dingte en leng (byelection) mi mawkmawk ki sehlo uhi.  Kum 20 val sung a gim atawlte masak uhi. Zomite mi pang bel dingin NLD in hamphatna ong pia zo ding in ngaihsun hi leng, kuate agim atawl om mawk ih hiam . Kawlgam ah mi -10,000- kitel leh Zomite  NLD ah aki ta zo ding kikhat mahmah ding hi. Agim atawl kua om /omlo asum, abai agimte ki masak ding cih phawkhuai hi. ASSK in abeisa kum 20 val sung sepna te thupi ngaih sut hi. Aki pei tawm tengtungte tungah, nang kum 20-sung a hamsat  hunsung koi ah om, bangsem cih thu dotna lian pi khat nei tawntung hi..
Hamphatna lamen ding i hi leh zong ei leh ei minam party ah om kul zaw lai hi. Kawlte pen mitam uh sum zong nei ciat uh, NLD bang pen zumpi lampan huh cih om ngei lo in, a khuakhua  NLD lut te'n sum le pai thagui thatang sit lo in diang mawk uhi. Kum 20 sung Zogam NLD en leng
Dal Do Lian bek diangdiang in , a nasep nate ah NLD a kici dang te'n huh lo uhi. A pawl te'n zong niangtui dawnpih cih ciang bek om hi.(hi thu te
kei mahmah in, katel ka phul khak thute hi).
           
Zomi National Congress in party register bawl kikna dingin mi 17 in suaikai in Nipidaw ah lai ki ap cih i theihsa tek hi. Tulaitak tua mi 17te thukante in nungzuih in vai puak ong tam sak mahmah uhi.  Kumpi lam pan  thukan thu nei pawl 4 tak ong pha uhi. (SB /CID/ Galkap- -Sazahphah /  Sah Tonglong) cihte pawl 4 in mikim omna ah ong pai in form fillup sak in,thu dot hong tam mahmah hi.


Zomi min tawh party deihte, asia apha ah launa omlo in, luang kham liang zah dongin min apia ngam mi 17te bel gim mahmah  uh cih ding hi. Gam le Nam itna bekbek hangmah tawh nawng kai na tam mahmah ta se leh, cillum vaihin thuak keikai in, ong panpih na uh Zomite ading, na lianpi a sepna uhi cih thupi takin ki ciamteh hi. 
Kei bang gamvai ah ki helhel khat, thukante tawh kizuih, kisit, kimat om zel thei napi, tutung apen, nawngkai le nopmawh sa ka hih teh, tuadan atam tuah ngeilo lawmte ading in bel nopmawh asakna, nawng kai sa sem ding uhi. Bangbang ahi zong Zomite adingin, Zomi cih akipna dingin  ong gim, ong tawlna te uh Topa Pasian in thupha ong piaksak ta hen. 
Kumpi lam pan party phuat ding phalna ong piak khit uh teh suai kai sign thu mi 17te  a min uh ong ki pulak ding hi. 

Lungdam

Kam Lian
ZNC, Secy


Info Team
Zomi National Congress
16 March 2012 
 


Comments




Leave a Reply

    Tungzang News

    All

    ZNC Pu Chin Siang Thang
    ZNC Pu Chin Sian Thang