WWW.TUNGZANGNEWS.COM

 
Picture
Zomi politic gamvai ah Zomi party Zomi National Congress (ZNC) in kumpi tawh kizopna ding gamdang kumpi theihpih na ding laibawl uh ci hi. Hih laibawl (Registration) pen kawlgam ah 2015 kum ah kitel na pawipi mipi teltheihna ding leh kitelna ah ki helna ding cih utna tawh kumpi kiang ah laibawl hi. ZNC in a beisa kum 1990 kum kawlgam bup kitelna ah Zogam ah Tedim leh Tonzang ah gualzo khin hi.

ZNC makaipi (President) Pu. Chin Sian Thang  “matpongtin (Registration) bawl na ding vai tawh kisai-in, zuih ding thukhun (by law) pawl khat akikhel leh lailut kitelna (Bi-Election) ah alut ding teng i min sazian (List) te kipia theihta ahih manin ZNC in zong kapia ding uh hi. Tua banah hih lailut kitelna (Bi-Election) tawh kisai in,ko ZNC Party te'n March 3,,2012 Saturday ni in, matpongtin (Register) bawl ding/bawllo ding vai kikup khopna(Meeting)khat ka neihna pan un, lut ding le Register bawl dingin khensatna kinei hi. Tua hi-in, gam leh minam ading sepnate ah mipite muhna/zaakna leh kiphualsel thapai cihte kizangthei lo a, a langtaak le suaktatak a i sep ngam ding kisam ahi hi ci in gen hi. Tua mah bangin ZNC Party in zong avui atang tawh gualzawhna cihte ka deih peuh mah kei uh a, tu le mai lamah zong tua bang danin kasem peuh mah kei ding uh hi. Ko, ZNC Party in ahih leh mipi tha mah muang in, mipite tawh gamtang in, mipi deihnate thupisak leh thusim in, mipi thukimna bangbang in thuman (Officially) a Matpongten(Registration)abawl ding ka hih uh hi”  in  genna neikhia hi.

A beisa kum tampi sung mah  kawl kumpi hoihlohna hang in ZNC in kumpi tawh kizomna lian laibawlna neilo uh hi kum tampi (boycott) in tuni ciang kalsuan to uh hi.

Tu nung sung teng in zong Shan National League for Democracy in a gamsung makaih ding hih kitelna (Bi-Election) ah lut in laibawl khin uh aa, tua mahmah bang in zong Zomi National Congress in ZNC in zong laibawl uh hi. Mai kha April 1, 2012 ni ah kiteelna (Bi-Election) ah lutta ding hi.

Tungzang News References: Burma Today, Tongsan 


 


Comments




Leave a Reply

    Tungzang News

    All

    ZNC Pu Chin Siang Thang
    ZNC Pu Chin Sian Thang