WWW.TUNGZANGNEWS.COM

 
Kawlgam kumpi in Kawlgam sung a om Party khempeuh Kumpi' theihpihna (Registration) bawl kik ding cih thukhun tungtawn in, ZNC party in zong abeisa June khabul lamin Union Election Commission, Nyipyidaw ah theihpihna ( Register) kibawl hi. Tua bangin a kisiauh ciangin ZNC min tawh sang lo bek tham loin,  Kawlgam sungah minam min (Zomi) om lo cih thu tawh nial uh hi. Tua bang a nialna hangin, gamdang a om Zomite in a gamgam ah lungkimlo in May 28,29,2012 nite ah lungphona ( Demonstration) nasiatak kinei kawikawi hi. Tua kawmkal mah pan ZNC makaite  le Zomi pawl khatin akisam Zomi tangthute kaikhawm in a manlang penin Nyipyidaw ah kipuak kik a, tua tungtawn in minam min ( Zomi ) om takpi ahihna thu sanna le kipsakna nei thei uh hi. Tua manin, Chin le Zomi tawh kibuaibuai nawn loh ding ahi hi.

Minam min (Zomi) tawh kisai sanna le kipsakna a neihkhit ciangin, ZNC party zong mindang khat tawh laih/ khek  dingin zasak leuleu hi. Tua a zaksakna bangin ZNC makaite le Zomi honkhat in ngaihsutna kinei khawm a, Zomi Nationalities Congress (ZNC) minthak  tawh Election Commission tungah kipuak pah a, Election Commission in sangzo tuan lo lailai hi. Tua bang nialna tungtawn in ngaihsutna kinei leuleu a, Zomi Congress for Democrecy (ZCD) min tawh June 7,2012 ni-in kipuak leuleu a, Pasian huhna tawh  tu-in khakhat huam a cinni July 5, 2012 ni-in Myanmar Election Commission in Zomi Congress for Democrecy (ZCD) party minthak tawh kipsakna le sanna lai Pu Gin Kam Lian ( General Secretary of ZNC) tungah kizasak ta cih kiza hi.

Tua ahih manin, abeisa 1990 kum a gualzo ZNC pen tuni June 5,2012 akipan Zomi Congress for Democrecy (ZCD) min thak tawh akikalsuan ding ahi hi. Hih ZCD party minthak pen Zomite thupha sanna dinga Pasian hong thukimna le deihsakna mah hi dingin i lamen hi. I theihsa ciat mah bangin Kawlgam sungah Zomite minam kicianlo bangin, hong kinenniamnate le hong kisimmawhnate phawk gige a, Kawlgam le leitungbup ah ZOMI te minam kician i hihna pulakkhia in, kipumkhat semsem ding kisam mahmah ta hi.

Hih bang a Myanmar  Eclection Commission in ZNC pan ZCD minthak tawh kisapna le theihpihna ( Register) lai hong khak laitak in, makaipi Pu Chin Sian Thang pen ZIUSA Khawmpi 2012 pawipi simin USA ah khualzin laitak hi a, ZIUSA Committee vaihawmna tawh " National Freedom Award " pahtawina kipia ding cih kiza hi. Tuni akipan Kawlgam sung a om Zomite in minam kician le minam picing taktak khat i hih banah hong tung ding Kawlgam kiteelpi 2015 ciangin Zomite in ZCD party min tawh kipumkhat in kalthak suan khawm thei ta ding ahi hi. Zomi Congress for Democrecy (ZCD) manawt in khansawt ta hen.

Source: DVB & Chinworld
Translated and Reported by: Tongsan Media 
 


Comments




Leave a Reply

    Tungzang News

    All

    ZNC Pu Chin Siang Thang
    ZNC Pu Chin Sian Thang