WWW.TUNGZANGNEWS.COM

 
Picture
omi min pua party i neihsun ahi Zomi Congress for Democracy(ZCD) makaite ahi Pu Cin Sian Thang( Chairman of ZCD), Pu Gin Kam Lian (General Secretary) le Pu Zam Mung (Asst.Secretary) te in Sagaing Region sung Kawlpi, Tamu-Kabaw Valley le Zogam sung Tedim, Tonzang, Cikha khuapite ah ZCD Party zumkhen thak (Branch) honpawi (Opening Ceremony) nei dingin 2012 January nipi masa sungin ZCD phualpi, Yangon pan Zogam (Chin State) ah zinkhia ta uh cih kiza hi.

Tua ZCD zumthak honna khuapi le munte ah makai ding le nasem dingin pawlmithak (New member) teelkik nawnlo dinga, abeisa ZNC hun lai a omsa pawlpi (member) te mah tawh kalsuanto suakpah ding uh cih kiza hi. Pu Gin Kam Lian (General Secretary) in a genna ah, "ZNC min lui pan ZCD Party minthak ah kikhelna le theihpihna (Registration) bawl kiknate in party memberte tawh kizopna bang mah nawngkaina om sak lo hi" cih thu gen hi.

Aman a genbehna ah, " Township /Myone khatah ZCD party memberte tawh nasemkhawm in manawt ziahziah dingin gen hi. Tua bek tham loin, tuni ciangciang ZNC hun a member luite banah ZCD party thakah member lutthak belpawl khangnote tawh kigawm members thak zong honpi khat mah kineikhin ahihna thu Pu Gin Kam Lian (GS-ZCD) in genbeh hi. ZCD phualpi(headquarters)te i tupna/ngimna(target)bulpi in hong tung ding 2015 Kawlgam kiteelna (Election) ading kiginkholhna ding sangin, A nihveina Panglong Conference lawhcin zawhna ding vaite ngaihsutpi in nei uh ahihna thu Pu Kamlian in gen hi.


Tua banah Zomi Congress for Democracy(ZCD) in abeisa nung kha sungin Chin Progressive Party(CPP) makaite le mualmi kipawlkhopna -Ethnic National Development Party(ENDP) te tawh Second Panglong Conference vai le mai lam kalsuanzia dingte nasiatak holimna neikhawm uh cih thu kiza hi.

Source by : Chin World & Pu Cin Suan Mang (ZCD Treasurer; Yangon)
Translated: Kham Khan Suan (Tongsan Translator)




 


Comments




Leave a Reply

    Tungzang News

    All

    ZNC Pu Chin Siang Thang
    ZNC Pu Chin Sian Thang