WWW.TUNGZANGNEWS.COM

 
India gam, Manipur State sung a om Zomi Revolutional Army/Zomi Re-Unification Organization galhiam tawi ZRA- Zomi galkap 17 le annek tuidawn (Rations), galvan thauvui-thautang tampi tawh Churachanpur gam sung Singngat Police Station khut nuai a om, Lungthun khua ah June 23,2012 (5:30Pm) hunin India galkap 39th Assam Rifile te in man cih kiza hi. ZRA te in Manipur Kumpi le India kumpite tawh galvai kithukimna bawl ding le kizopna angahna ding a hanciam mahmah laitak un hih bangin kimatna le tuahsiatna tuak uh ahi hi.


A kiman Zomi galkap ZRA te pen a nuai bangin min Sazian kipulak khia thei uh hi.

1. Nenmuan@ Nicholas (Kum-34) Pa min (L) Jam Za Neng, Tenna - New Lamka;

2. Mamang @ Lun Kho Mang Michael(Kum 28), Pa min Solet., Omna Jeling veng, Upper Lamka;

3. Thianlal @ Jason (Kum 25), Pa min - Pa Tou Za Thang, Omna Leizangphai;

4. Tum Ja Mang@Joseph (Kum 28), Pa min - Jang Kho Mang, Omna - Bukpi village,

5. Dal Lian Mang@Carson (Kum 23), Pa min - Tual Go,  Omna - New Lamka;

6. Siam Khan Hau@Riche (Kum 30), Pa min - Tual Sum, Omna - New Lamka;

7. Mei Ro Sang @ Arjan (Kum 21), Pa min - Lian Zo, Omna - Mimbung village, Mizoram,

8. Phung So Lian @ Alvin (Kum 21), Pa min - H.Gin Muan Kham, Omna - Mualnuam village, CCPur;

9. Lian Biak Muan @ Shalom,(Kum 24), Pa min - Kam Khen Pau, Omna - Tuina village, Singhat.

10. Lian Ding Muan @ Dingmuan,(Kum 18), Pa min - Bou lian , Omna - Bungmual village, CCpur;

11. Sut Khan Siam @Siama (Kum 21), Pa min - Khan Lian Pau, Omna - Kangkap village;

12. Chin Muan Thang @ Perez (Kum 18), Pa min - Tum khum , Omna - Songtal village, Thanlon;

13. Thianlahven @Johan (Kum 28), Pa min - Tou Za Thang, Omna - Khazang village, Thanlon;

14. Gin Muan Lang @ Amitabh (Kum 18), Pa min - Pawtinmian, Omna- HQ Veng, CCpur;

15. Kam Kho Sang @ Sunil (Kum 18), Pa min - Thangkhan Lal, Omna - Pearson village, CCPur;

16. Pau Biak Lal @ Newman,(Kum 18), Pa min - Khanthang, Omna - New Lamka, CCpur.,

17. Lian Sang Muan @Keisan (Kum 22), Pa min -Phung Lian Kham, Omna -Mualnuam village,CCpur.

Hih Zomi galkap Zomi Revolutional Army (ZRA) / Zomi Re-Unification Organization(ZRO) group te in India Kumpi le Manipur Kumpite tawh kikal galvai le Operation te ah thumantak theihpihna (Official Recognation) ngah nai lo uh cih kiza hi. Tua banah hih ZRA galkap 17 te pen Imphal Police Station ah kikhum uh a, India kumpi i thukhun Section F/R No 133(6) 2012 leh PS Section 400 IPC,25 (1-C), ahi Thau le a puakkham thei bomb / thauvui thautang galvan Section / 5 tawh kituakin, thukibawl cih kiza hi.

Bangbang ahi zongin hih bang a tuahsiatna tawh akiman Zomi Salpha nam galkapte khempeuh a manlang in hong suahtakna ding le India kumpi tawh kikal akisam vai tuamtuamte a lemtheih mengmengna ding Zomi khempeuh in thungetna tawh phawk ciat ni. Zomi le Zogam ading khua-ul, sisan, lungsim pumpi le lutang a pia ngam Nam galkapte Topan na kem ta hen.

Source; Imphal Free Press


Translated: Kham Khan Suan (Tongsan Translator)
 


Comments




Leave a Reply

    Tungzang News

    All