WWW.TUNGZANGNEWS.COM

 
Abeisa June 20,2012 ni a India gam, Manipur State sung Singngat phualsat a om 39th Assam Rifles te in ZRA galkap (Cadres) mi-17 te Thautawh Lungthul khua pan June 23,2012 ni-in a matna thu tawh kisai-in, Zomi Re-Unification Organisation (ZRO) Secretary, Information & PR te kimutuahna le Cabinet Council in tusung tengin ZRA sung a om buaina thute atheih ciannop manun, Organization sungah a mau panmun lente in gam leh minam ading akipiakhia taktak mah hi cih kimukhia cih pulakna kineii a, June 23, 2012 akipan thuthak khat peuhpeuh a om masiah suspend kibawl cih kiza hi. Tua bang a kibawl mi 3 te pen General Secretary D. Kam Suan Thang,(GAD Director), Kham Lun Thang (Thangpu) leh Dy. Director Kam Kho Pau (Pauboi) te ahi uh hi.

Hih mite pen June 23,2012 ni-in Cabinet Council Resolution No.1, tawh kizui-in, Zomi Re-Unification Organisation ah Secretary, I & PR te tungtawn a thuthak kizakna ah abeisa April 17, 2012 ni a thupiakna (order no. 3/ZRO/GAD-1/99) om bangin, kikhawlsak (Suspend) ahihna thu kigen hi. Hih a kikhawlsak K. Neng Za Muan @ Nicolas pen Anti-National Activities ah kizopna nei ahihna tawh kiman ahihnate hangin June 23, 2012 akipan terminate dingin Cabinet Council in etcikna kineita cih thu le alangkhat ah 39 Assam Rifles te'n ZRA mi-17 thautawh ka man uh hi ci'in Report apiak uh hangin, ZRA Cadres mi-17 sung pan mi-3 bek thau tawh man uh a, adangte ahih le a omna (akikoihna) mun kithei nailo ci thu kiza hi.

Hih thu tawh kisai ah ZRO/ZRA in Ccpur District sung thukizaknate (News) pan mipi theih ding a thusuahnate ZRA sungah kikhawlsakna (Suspend) kinei ahihna thu kua mahin, News ah suaksak theilo dingin khaktanna om ahih manin, ZRO sungah kitotna / kihawm thawhnate om hi. Tua manin, Ccpur District sungah kihawm Sunday 24 Issue sungah kisuaksak ngam nawnlo cih thukiza hi.

Zomi Re-Unification Organisation (ZRO) te' Information and Public Relation Secretary ahi Pu Kenneth in June 23,2012 a thusuah a bawlna ah a gendan in, " Hih thu tawh kisai in, ZRO Cabinet Council in kiciantak a kankhit ciangin gam-le-nam ading sem mi 3 te ahi; D Kam Suan Thang (General Secretary) Kham Lun Thang (Director GAD) leh Kam Kho Pau @ Pauboi (Deputy Director) te’n Organisation sung a coup sawmnate hangin, June 23,2012 a Cabinet Council resolution number 1, dungzui a, June 23,2012 akipan thuthak om masiah suspend ahihna pulakkhia banah Cabinet Council te' thupuakna tawh kizui-in, June 23,2012 ni akipan ni 7 sungin Cabinet Council ah ki-report a, hilhcianna bawl dingin zaksakna nei uh hi.

Tua ahih manin, abeisa April 17,2012 ni a kitawpsak (Suspend) ahi K. Neng Za Muan @ Nicolas zong Nampi paizia tawh kituaklo a gamtate' lakah kihel ahih manin, Cabinet Council thupukna om bangin June 23,2012 ni akipan ZRO pan kitawpsak (Suspend) ahihna thu pulakna kinei cih kiza hi. 


Source: Imphal Free Press

Translated: Kham Khan Suan (Tongsan Translator)

 


Comments




Leave a Reply

    Tungzang News

    All