WWW.TUNGZANGNEWS.COM

 
Zomi Re-Unification Organization (ZRO) sung buaina-ah abeisa July 10, 2012 ni thupulakna, No.6/ZRO/1&PR-1/99 tungtawn in, Pu D.Kam Suan Thang (ZRO General Secretary) in ZRO kipawlna sungah gamtat hoihlona hang le vaipuak semlo cih tawh kimawhsak bek tham loin, akikhawlsakna tawh kisai thugencianna le thupulakna nei kik cih kiza hi.

ZRO General Secretary in a genna ah, "Hih kipawlna na sung ah vaipuak semlo" cih thu tawh hong kikhawlsakna tawh kisai in, koi munah bangzah vei gamtat hoihlo ka hiam cihte le ZRO thukhun koi pen tawh kituaklo ka hi hiam? cih thute akipan ZRO Cabinet Council tungah thugencianna nei ci hi. Tua banah kipawlna siatna ding thapia-in, lang pang " cih tawh kisai in hong kimawhsakna zong thuman lo bek tham loin, thubul neilo leh a hang ginatak omlo pi-in hong kimawh sakna ahihna thu June 25,2012 ni-in ZRO makaite tungah nasiatak nialna bawl cih kiza hi. 

Amah in a genbehna ah, " ZRO makaite in khatvei hong hehpih theih lai na ding uh le kik dingin, ka thumthum hangin hong sang nuam lo uh hi. Gam kipawlna khat peuhpeuh ah thusia khat peuhpeuh om ciangin, thu theihpih (tetci ) zong om ngeina banah, akhialpa/ khialnu in a sansiamna letmat thuhna (Statement and Sign) thuhnate akipan a neih ngeina ahi hi. 

ZRO Headquarters ah ni sagih sungin Rs. 60,00,000 (Rupees Sixty Lakhs) piak ding a khensat uh pen a tawp khakna ah akimanna nei lo dan piakna khat hi-in, ngeina tawh a kilehbulh kimawhsakna / thangsiahna khat ahi hi ci-in gen hi. Hih sum pen a taktak in kum khat sung in zong ki ngah zolo ding hi cih pen mi kim in a theihsa thu ahi hi cih zong gen beh hi.

Source: Zogamdotcom

 


Comments




Leave a Reply

    Tungzang News

    All