WWW.TUNGZANGNEWS.COM

 
Mualtung gamte ah leitang, logam vai gencianna kibawlding

United Nationalities Alliance min tawh 9 Oct 2012 in Royal Rose Hall, Zangkong ah mualtung mite tenna gamte ah, kumpi thuneite le mihaute kipawl in, leitang, logam alaknate uh tawh kisai kikupna le genkhiatna kinei ding hi.

Tua ni kikupna pan in mipi deihna le dinmunte , hong pai ding 11-12 Oct 2012 sung Park Royal Hotel, Zangkong ah kibawl ding Asia Agriculture Forum ah kipuak ding hi. Kawlgam ah 2010 kitel khit, kumpi thak hun sungin, khantohna ding lokhawh, singpuak, gankhawina lam kumpi in thapia mahmah napi, mipi atam zaw in a bat zawh loh dinmun khat panin, mihaute in, logamte aka a tul, athen in, zawh thawh thu tawh la uh ahimanin buaina tampi hong piang hi.

Tua dan buainate a om lohna ding, mipite phattuamna dingin, thuman thutak le thu khunte tawh kizui in, thuneite le mihaute ki hanthawn nuam ahi hi. Zogam ah zong mihau pawl khat, NGO khat le Company khat in, leitang aka atul, athen in, lak ding hong kipan ta uh ahimanin, ZCD in tua vai tawh kisai, kumpi thukhun tawh akituak lohnate, Zomi te ngeina ah inn mun, logam ciaptehna, sial khawina le lohal lokhawhna te cih bangin, leitang gam awng maimai, om lohna, aka tul, then in, mimal khat in, aneih theih lohna cihte kigen ding hi.

Kim Tuang
Info Team
ZCD
8 Oct 2012

 


Comments




Leave a Reply

    Tungzang News

    All