<![CDATA[TUNGZANG NEWS - POLITICS]]>Tue, 14 Nov 2017 02:03:05 -0800Weebly<![CDATA[Kawlgambup Kiteelpi Ah (2015 Myanmar Election)]]>Wed, 04 Nov 2015 02:32:12 GMThttp://tzltt.com/politics/kawlgambup-kiteelpi-ah-2015-myanmar-election
Kawlgambup Kiteelpi Ah (2015 Myanmar Election)

I minam minpua kipawlna ahi GZA, LZI, ZRO le a munmun, a gamgam, a phualphual ah Zomi minpua kipawlnate le Zomi min pualo a dangdang kamphen kullo Zomi kipawlna khempeuh tungah a thak hopihna khat kong nei nuam hi.
Lai Siangtho sungah "honguk kumpite' thu namang un!" a cih mah bangin Zomi galkap i nei a, i minam security ciangbek hi in, tudong kumpi langdo nailo hihang. Pasian mai le kumpi mai ah kisuanna malkhat zong omlo ding hi.

Party le mimal vai ah kabuai kei hi. Party khempeuh zong amau muntek ah a hoihna le a thanemna om ciat dingin ka um hi. Mimal zong a hoihna a om mah bangun a thanemna mun kibanglo bek hiding uha, thanemna neitek ding hi.

I kisap bang hiam?

1. Tedim in District i ngah ding maw?
2. Tedim, Tonzang le Cikha tengin Autonomous State ngahna ding maw?
3. Federated State maw?

Mimal vai le party vai gen hilo zaw in, i gam sung tangthu le i phutkhak haksatna le mailam hong pai ding thu pawlkhat i kikum suk nuam hi. Kiteelpina pen tuzawh ani bek in kisamlai a, hun tampi om nawnlo a, khetsat hun bek i neilai hi.

Kipawlna ah makaipite in kamkhat nong tangko khiat uh mipi bangmah theilo ten mittaw sialkhat let-a ki um pahpah ahih manin, makai khempeuh in network pan ahi zongin khawmpi ciangin ahi zongin kampau ding hong ngaihsun un.

USDP (Galkap mangte party)
Hih galkapmangte' hong ukcipna sawtpi sung i thuak a, Tedim le Tonzang gamhuam sung bangah ki-ukna siat luatna tawh Sanggam Khalkha lamte makai in galkap kumpi langdo dingin CNA gamsung galkap hong kipankhia uh hi.

CNA (Chin National Army)
Chin State buppi ading ci-in hong diang petmah uha, a sawtlo in gamsung ah nek le dawn ding a neihloh uh teh Chin State sunga mipi tungah nektawm zong, khutdawhngen le damiah dinmun naleng hongtung to mawk liang uh hi.

Tom gento lehang Tedim gam sungah Tedim kampau Zomi 14 vilvel hong thahlup sak uh hi. Hih pen CNA tungah i hehna i pulakma in USDP huhau a hong piang gamtatna hong suak a, USDP ukna mei kizomto hong suak hi.

2010 Democracy:
UNO, USA le leitungbup theih dingin Democracy lampi tawnin kumpi hong kilaihto a, Than Shwe panin Thein Sein ah Kawlgam ki-uk vaipuak hong kilaih hi. Gamsung zong tampi mah kikhel in noptuam mahmah cih ding ahi hi.

Ahi zongin a kisamlai mipite' kisap penin;
1. Van man kiamlo mawk hi.
2. Mipi' nuntakna ding nasep hong guanzolo uh hi.
3. Mipi' pilna zonna dingin kumpi in huhlo hi.

Bawhlung suih bangin party teng hong kidem dinguh hita hi. USDP in hong ngah leh vanman hong kiamtuam hanhanlo ding a, mipite' nasep ding hong guanzo zuahzuahlo ding uh hi. Gamdang ah mite' sila dinga Zomite i puapial khengkhang pen USDP in Kawlgam hong makaih man ahih lam teltek napi hangin ihmu kineih Zomi makaite' laimal le kammal kamuh khak, kazak khak ciangin na mipite uh hong it taktak nailo nahihna uh katel a, ka khasia nuam hi.

A taktak in 2010 kumin ki-ukna tampi hong kikhel toh pen Democracy party teng le mualtung singnuaimi teng hang hi a, a diak in leitungbup Democracy Symbol Daw Aung San Suu Kyi hang hilel hi. Hizah in hong dianglo uh hileh bang i cici tam? Tuni tuhun in hiciang Kawlgam dinmun pen a lungdamhuai mahmah thu cih ding ahi hi. A pawlpi tek panin Pasian sathaunilhte' makaihna tawh khitui luanglianga i thungetna zong Pasian in hong dawng hi ci-in ka ngaihsun hi.

NLD le ZCD 
Zomi minpua bek hilo, Zomi hanga mat le hen tampi vei a thuak Pu Chin Sian Thang le a pawlte thapiak ding pen mipicing Zomi khat i hih leh haksa sa kei ni. Amau kuangluina munteng ah ZCD mah mee piatek ni. Tualo mundang tengah Kawlgambup mipite hongit man-a mat le hen tampi vei a thuak Daw Aung San Suu Kyi le apawlte mee piatek ni.

USDP hanga nektawm zonga gamdang ah namdangte' khenuai ah simmawh bawlsiat tawh nektawm zong na Zomipih,

Dal Sian Hung
Kuala Lumpur, Malaysia.
3 November 2015
]]>
<![CDATA[Ka Nau Hi Ven]]>Tue, 20 Oct 2015 01:54:20 GMThttp://tzltt.com/politics/ka-nau-hi-ven
Picture
Ka Nau Hi Ven

Unau nih khuakim ah Vasa bengin ki zui uhhi. A u pen kum 12 gual hi
aa, anau pen kum 6 gual khawng ahihi. Vasa zong tawm khat man uhhi.
Inn a ciah kal dinguh ngaklah mahmah uhhi.

A ciah madeuh un guahzu ding ki thoi-in huihnung gawp aa, a unau un a
innlam uh manawh in nawhtai mahmah uhhi. Guahmal te zong hong khia
pianta in huihlah hatsemsem kawm hi. Amau zong Vasa a benguh tuahpha
kisa in, inn a tunkal dinguh ngaklah mahmah uhhi. Nawh tai semsem uh
aa, hong gimpian uhhi. A khua uhpen khamlak ahih manin to tai vava
uhhi.

Anau zong inn a tunkal ding a ngaklah kikal leh a khe hong sui kha in
deih bangin tai hat nawnlo  hi. Guahlah tam semsem huihlah hat
semsemta ahih manin a u in a nung ah anau pua in taipihzo nawnlo in
gimpipi in pua hi. A khuanawl uh panin Papi khat in a muhteh ka inn
vuah hong baang un ci-in amau zong baang uhhi. Papi pa in a nau a u in
a puak a muhte gimsa lua mahmah ahih manin Papipa in na nau bang
hangin pua na hiam cih a dotleh a u pa in, "Amah Ka Nau Hi Ven", ci
ziau hi. Anau hehpihna itna tak tawh gim thuak keeikaipi mah in pua
hi.

Itna neihten gimpipi haksa sa pipi in ih thuak haksatna te thudon in
puakpih nuam hi. Ka u hiven, ka nau hiven cih zah dongin Zomipihte
sungah ih cinlohna tampite itna tak tawh ki telsiamzo beek leng
bangzah tak in et lawm ding aa, Biakinn ah Khomun leh Lenggahtui i
zatte a manh nei hong lak semsem ding hi. Maisakna an leh tui
zanghzangh na pi in mite tungah mawhmai sakzawhlohna khawng i neihkha
hiam?

A tate hong itna hang mah tawh i mawhna i van gik khempeuh pua khia in
Calvary mual tungah Sihna tawh Zeisu in hong zawhpih khinzo hi.
Lungdam.

Thawn Tuang
Nashville TN USA
Oct 17,2015

]]>
<![CDATA[Zogam venkhat ahi Nepal in zong makai khat telkhia ta]]>Tue, 13 Oct 2015 01:26:51 GMThttp://tzltt.com/politics/zogam-venkhat-ahi-nepal-in-zong-makai-khat-telkhia-ta
Picture
Kawlgam khuaveng te Nepal te zong a kumpi ding uh Minister thak telkhia ta

Nepal's Parlia,ent in Sunday ni in ah Khadga Prasad Sharma Oli  38th mpirme nisnister dingin ah telkhia ta hi.

A tamzaw 55% in thuthun bawl te in telciat uh ci hi.  Tuma diak in ah Nepal gam in haksatna lianpi tuakkha uh hi. A gam uh ah zin naisa tak in ling ahih manin sumbawl sumzuakna te sia mahmah ban ah inn leh lo cimawh tampi om hi. Hih te a phungvuh kik zo mah diam cih pen Khadga nasep lianpi pen hong suak ding ci hi.

]]>
<![CDATA[Zomi Congress for Democracy Pu Gin Kam Lian]]>Sun, 11 Oct 2015 02:44:47 GMThttp://tzltt.com/politics/zomi-congress-for-democracy-pu-gin-kam-lian
Picture
Zomi it teng; November 8, Ih vote khiat ding pen ZCD leh Candidate Te bek a ding hilo.    Kumpi khat ciaptehna leh Leitung theih pih Parliament pan Zomi Te vai gen khiat theihna ding Palai puakna in Ngaih Sunni,Mipi in zong 914-Zomi maban zom ding ZCD bek in gen thei ding cih hi.C Te leh Zanggam Party te'n Zomi thu ong kin dihdih lo ding cih teknu,gen Nuam phual ta se le uh A Pu Makai te'n zong phal lo ding hi Lai hi.A beisa Hluttaw Kum li Val kalsuanna Te Ah kimu zota hi.Zomi tak kheh Mainawtni. Kamlian
]]>
<![CDATA[Zomi Vuanzi ding]]>Fri, 27 Feb 2015 00:19:03 GMThttp://tzltt.com/politics/zomi-vuanzi-ding
Zomi Vuanzi ding

Dear Zomi pih teng,
Kawlgam Union Election Commission te sap na tawh UNA party teng
tuni Feb23,2015 zingsang 9:30 hun in MPC huang sung a UEC zum ah
Chairman U Tin Aye(UEC) tawh ka ki mu khawm thei hi.UNA pan U Khun
Tun Oo(SNLD),U Aye Tha Aung(ANP),Maan Thein Swe(KNP),Min Kyaw
Win(MNP),CC Naw Ja(KNCD),U Moe Ze(Kayan party),Pu Zam Za Mung
(ZCD) te va ki hel thei hi.
Hih ki muh na ah nung nipi sung a ki bawl UNA khawmpi a thu khen sat
teng zong ki gen a Federal vai,2015 ki tel na ding tawh ki sai leh kawlgam
sung ah Taizinta te Kawl tawh liang ko ki kim theih na ding cih te thu
sun na ki nei thei hi.
Tua ciang 2014 Census result pen Ministry of Immigration in tu kum May
kah bei teh ong tang ko khia ta ding a kawlgam bup pi mi pha zah i (0.01)
52000 val leng Chin state ,Tedim ah mun khat,Sagaing Division ,Kalaymyo
ah mun khat Zomi National Affair Minister ding UEC in ki tel na mun ding
pen 2008 gambup thu khunpi sung a om sa bang in ong vai hawm sak ding hi.
ZCD policy ah Zomi te in Zogam ,Zomi vai ei mah in vai hawm ding sem ding
hi hang ih cih mah bang in ih Zogam ih Zomi zun ding in kong zawn uh hi.
Zam Mung
ZCD




-- 

Na khempeuh a semthei Pasian a nei mi in lungneu kei ta hen.

(He who trusts in the Lord shall not be disappointed).

Philipkhaipu

For so long our minds have rested
Blinded and unaware
We have been deceived by our own
Yet, from our slumber we shall arise
One by one, we awaken
That sleeping beast none could tame
Shall once again rule Zogam


]]>
<![CDATA[ EU te leh ZCD te Kalay ah Gam thu ki kumkhawm]]>Tue, 24 Feb 2015 02:38:06 GMThttp://tzltt.com/politics/-eu-te-leh-zcd-te-kalay-ah-gam-thu-ki-kumkhawm


EU te leh ZCD te Kalay ah Gam thu ki kumkhawm

Dear, All Zominam

February -18- 2015 ni in ZCD Pu Lian Sian Suan, Pu H Khual Za
Nang- CEC-ZCD, Taang Kap Sian Mung te leh EU pan Mi (3) Kalay Munkhat
ah Nasia tak in Nai Nih leh Menet 30 sung Gam vai ki kum khawm uhhi.
EU pan Zominam te tangthu hibang in ka theih khak uh leh aki cingtak
in thei ta ka hih man un kalung uh dam mahmah uhhi cihi. Mai lam ah
ihZominam ihZogam leh Gam lianpi te kipawl na EU tawh khut ki len
khawm toto ding in thu kong hon na khat ahih man in nakpi tak in
lungdam huai mahmah thupha thak mualsuang khat ihZominam ihZogam in
thu kisang thei kiphut zo ta ahih man ihBiak Pasian in minthan na leh
pahtawi na ngah zaw ta hen.lungdam

A ki Cing zaw in ZCD pan a sawt lo in hong tang kong ding hi.

CEC – ZDF

]]>
<![CDATA[Zomi Area ci mai leng]]>Thu, 12 Feb 2015 01:14:07 GMThttp://tzltt.com/politics/zomi-area-ci-mai-leng
Picture
Zomi Area ci mai leng

Zomi it teng; Tu hun Lai Leitung gam tuamtuam ah a Vak kawikawi Chin State sung pan kipawlna tuamtuam te in a kimuh pih uh kipawlna tuamtuam te kiangah Chin State North Lam cihna ah ei Tedim ,Tonzang,Cikha ong hel lo in Thanthlang leh Falam ciang bek na gen Zaw mawk uhi.Tu a ki pan en zong Chin state North lam pen Tedim,Tonzang,Cikha teng ( Zomi Area) ci in Falam leh Thanthlang pen (Middile) Chin state ci Zaw mai leng Tua lo teng South lam ci leng hoih Ih sam hiam ong gel dih vevua
Lungdam Kamlian

]]>
<![CDATA[Zomi Nam Ni thu laigil]]>Tue, 10 Feb 2015 02:40:01 GMThttp://tzltt.com/politics/zomi-nam-ni-thu-laigil
Sanggam te;Ih Minam Ni Kum 67- ong cingta in ihpu ihpa te'n Mikang te ong bawl sak Ukpi (Chin hills Regulation Act ) ki ukna mipi tha tawh ki suphiat zo sam Napi hang in ,Tua sang a suk asia Zaw Galkap ki ukna bei sak zolo nailo ihihna Mang Ngilh kei Ni. Kamlian


__._,_.___
]]>
<![CDATA[Malaysia ah KL ah Pu Gin Kam Lian leh Zomite]]>Tue, 10 Feb 2015 02:39:07 GMThttp://tzltt.com/politics/malaysia-ah-kl-ah-pu-gin-kam-lian-leh-zomite
Tuni ZAM zum KL Malay ah ZAM Makai te ong sapna tawh kei leh Rev.Dr.Do Suan Mung leh Pa Nang Za Khup te ka pai thei uhi.ZAM makaipi teng,Advisor leh khua kipawl na tuamtuam pan Mipi 200 bang ong pai uhi.                                                              Rev.Dr.Do Suan Mung in Pasian Muan ding thu leh gam tuamtuam ah Zomi te Ih tun na a hang taktak pen ei te tel zawh loh Topa gelna 
Om hi ding cih hi.Pasian thu tawh ki zui in minam leh gam vai sep ding cih te gen hi .  Kei (GKLIAN) in ZNC/ZCD Policy leh minam party tawh Ih omna a hang ki gen in mipi in tha Ngah mahmah uhi.Dotna leh dawnna 30 Val om hi. Hun teng man Khit teh China Town ansaipi khat ah Ann ong Neek pih uhi.Tutung Malay Paina pen Ko inn sung vai bek hi.          Tutung KL Malay khua ah zin ongdo,Ann ong nekpih,na ong pia mimal,kipawl a tuamtuam te Topa in thupha ong sak ciat ta hen.lungdam Kamlian

]]>
<![CDATA[ZCD thusuah]]>Wed, 04 Feb 2015 02:55:16 GMThttp://tzltt.com/politics/zcd-thusuah1
Picture
ZCD thusuah

A Myota Hluttaw pan namcing Upadi ci in Biakna leh kipi kitenna Upadi Kikum uh a,ZCD I hi sak lohna thu ki suah hi.A sawt lo in VOA pan a aw leh a lim tawh ong khahkhia ding uhi. Ih Biakna leh minam vai a hih man in thu Kim lohna ki gen khia hi.Kamlian



]]>