WWW.TUNGZANGNEWS.COM

 
Picture
TZN: Leitung ah akibuaipih tawn tung ah galvan lauhuai (Nuclear) dalna lam tawh kisai kikupna ( 2012 Seoul Nucelar Security Summit ) Meeting pen abeisa March 26-28, 2012 sung teng S.Korea gam Seoul khuapi ah holimna nei uh a, leitung gam lian 53 pan kumpite kihelthei kim uh cih kiza hi. Tua thukikupna ah adiakdiak in N. Korea in Rocket Thautang kithuah nuclear thautangpi khat akhahkhiat sawmna vai le Iran in Nuclear Bomb abawlna thute khaktan ding vai kikuppi in nei uh a, Nuclear hiamgam vante hah bawl nawn lohna ding tawh kisai nasiatak kikupna nei uh hi.

N.Korea in Nuclear abawlnate uh hiamgam lam kaltel pawl (IAEA) in a sittheihna ding phalna apiakna ding kikupna nei uh a, gam tuamtuam tawh akigalneih sawmnate uh akhawlna ding thute uh zong nasiatak kikupna nei uh hi. Tua bang a N.Korea in galvan lauhuai (Nuclear) abawlsawmna le a kizoppih ding Sen (China)te tawh kizopna a kipelhna thute US President Obama in gen hi. Tua banah Sen kumpi Ho Chin Tawng in zong N.Korea hiamgam bawlna thu a thukimpih lohna thu khauhtak gen hi. Ahi zongin N.Korea in Nuclaer thautang a khahkhiat zelna uh tawh kisai khawllo in khahkhiat zel ding gen uh a, Tua bang a khahkhiat leh S.Korea in kapkhiat sak pahpah dingin dawng kik hi.

Iran Nuclear vai tawh kisai leuleu ah Palai sawl a khamna tawh tuni dong piang thei lo ahihna thu US President Obama in pulak hi. Tua bang a UN le US in palai sawl a khamna le khawlsakna a genna uh dawnna neih hunta ahihna pulak hi. Tua manin Iran nuclaer tawh kisai-in, UN Security Council ah Vito thunei gam 5 te le Germany in palai zangh in a kham dennate uh US Preisdent Obama le China President Ho Chin Taung in thukimpih ahihna gen uh hi.

US President Obama in bel US in galvan lauhuai (Nuclear) akipan abawlna le azatnate pan tampi khiam ding in kamciam pulak hi. Tua bek tham loin, hih Nuclaer thautang lauhuaite pen leitung ah hiamgam nasem Al-Qeadate khut sung atun lohna ding leitung gam khempeuh in limtak kham ciat dingin Obama in gen hi. US in nuclaer thautang 1500 val le a lubawk 5000 kim aneihna thu le a mau neih ding zah sang tamzaw nei uh ahihna zong genkhia hi.

TZN: Source: AFP

Translated: Tongsan tanute


 


Comments

09/06/2016 14:42

thanks for sharing

Reply



Leave a Reply