WWW.TUNGZANGNEWS.COM

 
Kawlgam,Karen State sung a om Norwegian Refugee Council (NRC) leh Pha-an khuapi sung a om Kawlgam kumpi Ministry of Immigration and Population (MOIP) te in Karen thautawi te ukna sungah a om Karen mipite tungah Citizen Scrutiny Cards (CSC’s) (??????????) aman langin bawlsak ding vaithak khat geelna nei uh cih kiza hi. Tua bang a Norwegian Refugee Council le MOIP te nasepkhopna hangin, Karen gamnuai mite akipan Karen gambel genthei mipite le Kawl kumpi kikal thuhoih le khantohna lianpi khat hi dingin kigen hi.

Tua banah Karen thautawite ukna sung a om khuanote ( remote villages) sungah kizopna le khantohna lam Digital setvan namte akipan vanzat tuamtuam, Transport leh related technical te pua in CSC nasep nate ahuh dingin The one-stop servicemobile kici nasemte pai sak ding cih thu Norwegian Refugee Council ten Karen Thukizakna (News) ah Statement puak uh hi. Tua the one –stop service mobile pawl ten Karen gam sung teng bekah nasem laitak uh hi.

Hih Karen mite in a ngah uh Citizen Scrutiny Card (CSC) hamphatna pen amau gam sungah nidang hun lai mah bangin suaktatak a omtheihna ding uh ahi hi. Norwegian Refugee Council pen Norway kumpi hi lo kipawlna (NGO) khat hi-in, amau ii ngim leh tup pen leitung mun khempeuh aa om galtai (refugee)te leh pianna gam pan aa mundang aa ateng, aki suan (IDPs) kici mite ading panla in ahuh kipawlna khat ahi hi. Norway’s Refugee Council te genna ah, “ hih CSC pen galtai (refugee) te ading in anuntakna kihutna laidal leh IDPs mi ahite zong IDP ahi lo mi ngeina (civilians) ahihna ding cih ngimna tawh nasemte ahi hi. Tua banah hih hamphatna tawh kisai -in, mi khat ii pilsinna lam hi ta leh ama deihna khat ngah na dingin suaktatak a septheihna ding ngimna ahi hi.            

Tua mah bangin agam la a omte hi ta leh haksatna thuak huh ding akisamte ading hi ta leh tuate khempeuh aa dingin vaipuak kila in kisepsak ding hi “ ci-in NRC te in genbeh hi. Abei sa July 2012 bei kuan lamin Karen gam sungah Karen mi 13,000 val in hih Citizen Scrutiny Cards (CSC) ngah khin uh ci hi. Hih nasep pen tukum 2012 December kha bei ciang kisem ding aa, December kha bei ma teitei in Karen gam Khuapi 7 sung aa om khuata 2,000 kiim te hih Citizen Scrutiny Cards (CSC) ngahsak khit sawm uh cih kiza hi.

Posted by: Tongsan Media Group

 


Comments




Leave a Reply