WWW.TUNGZANGNEWS.COM

 

CNF ten Zogam Dialkhai ding vai hawm
Date:10.12.2010
Flag Photo: Attach ah

CNF ten Zomi bup zat dingin Chin National Flag pen amau deih bangin abawl
khit uh teh Mipi deihna zong om mahhi acih theih nangin gamtuamtuam ah va
koi gen uha tuni dong gam 10 bangah valak koikoi thei khin uhi. Tua lakah
Malay, Thai, Norway, Denmark leh Canada te zong kihelin USA gam sungah agen
koikoi lai tak hi.

 "Minam hong ki ciaptehna Dialkhai khat nuai ah om nuam, minam bup hong huam
ding Dialkhai om huai kasa hi. Tu-a Dialkhai zong Zomibup ahuam dingin ka
lam etna in ka nei uhi. Hih Dialkhai tunga minam ciaptehna leh Colour te
deihna zong Zomibup in deih dingin zong ka um mawh uhi." ci-in CNF ten
Mizzima news ah gen uhi.

Dialkhai tungah Minam ciaptehna Vaphual unau pen alaizangah koih in, aphei
gialin Colour 3 tawh om sak uhi. Red Colour pen atung pen ah om in, alai ah
White Colour leh anuai nung ah Blue Colour koih uhi. Hih Dialkhai pen 2008
CNF General Assmbly ah akikipsak hia, CNF te mudang Committee atuamtuam ah
zong ki zang khin hi.

2010 Election ah gual zawhna angah CNP Makaipi PU Zo Zam in " Zomi bup ahuam
Dialkhai kisam mah hi. Minam ki pum khatna kisam hi. Dialkhai khat nuai ah
kipumkhatna lahzawh dingpen ahoih pen hi. Kuate hih cilo in ahoih ahihnak
leh tha kapia hi. Dialkhai khat neih ding cihpen Mimal khat vai hawn na tawh
ki ngah lo dinghi. Mipi deihpen ahih kul hi" ci hi.

2010 Election ah gual zawhna angah CPP Makaipi Pu No Thang Kap in " Neih
huai mahhi. Minam bup huam Dialkhai neih lopen hoihlo hi. Aizong gamsung
gampua aa om mipi te leh gamsung aa Party nih (CPP leh CNP)te muhna hong
nget keiuh leh sawt ki zang lo ding hi. Politic Party te kuppih ding kisam
hi" cihi.

1990 Election ah gual zawhna angah ZNC makaipi Pu Cin Sian Thang in "
Sangnaupang hun lai pekin Vaphual pen avek in ki sang thei kim hi. Dialkhai
ah Vasa pen ka zat zel mahuhi. Ka ngaihsutsa ahihloh hangin Dialkhai tunga
Vaphual pen ahoih lamin kamu hi. Adang Background Colour te pen tulai tak
lianin banghi leh hoih ding, cih ngaihsutsa neikeng. Ahihangin kipawl na
khat Dialkhaikhat nei-in ki khen thang mangding ka lau hi." ci hi.

Hih CNF pen 1988 may kha in hong piang khia Singnuaimi Thauilen kipawlna hi.

Akicingin : http://mizzimaburmese.com/news/inside-burma/6568--cnf-.html

Theihsak nopna tawh,
A.Lian
Frankfurt
 


Comments




Leave a Reply