WWW.TUNGZANGNEWS.COM

 
Dear U le naute teng

Omna tek pan I damkim tek hia.

Nung sawn nipi sungin Hakha khuapi  ah Chin National Conference
khawmpi a kibawl pen I theihtek sa ahi hi.Tua khawmpi ah kumpi lampan
Union level le state level uliante zong kihel ding cih thu ong om
ciangin Gullu vai, thangdung vai, lennunpa vai, singgialzang vai….,
cih leitang vai te gen nuam I hih manin khawmpi ah na kihel  to ing.

Khawmpi man ciangin thu le la om bangbang pusuah ding cih ka gelgel
laitakin Tongsan’ tanu te in CNC vai dotna dawnna ong bawl in Tongsan
laihawm , Lom 8 . Hawm 46 ( 23 Nov 2013 ) in ong suak sak uhi.  . Tua
mah mang suakin lai a tuamin ong khahkhia nawnlo suak ing.

Dotna dawnna pen a nuai a bang ahi hi.

1. CNC na paina hangin Zomi it lo, Zomi vei lo hong kici in, Chin
deihte hong kiciamteh hileh bang na ci ding hiam?

Ans :Gam vai le minam vai lianpi te cih thadah thunengnono nangawn ah
zong ngaihsutna tuamtuam a  om thei mah hi.  Kei ka va kihelna pen
minam vai min vai  dan hi lo zaw in leitang le leisung sumpiang vai
pawlkhat ka gen nop a om man hi zaw hi.( behlap: khawmpi sim Union
level le state level uliante kiang gen nuam )

2       .Gullu vai hoihtak na va sung thei hiam?

Ans :Khawmpi hunpi sungah resource person 10 te in thusunna nam 10 nei
uh  a tua lai ah leisung sumpiang vai le Civil society Orgs cih
thulute tawh thusungte in gullu mual vai thugentehna in nak zat mahmah
uh hi.  Thukikupnate ah zong gullu vai kilimkup mahmah mawk uh hi.

3       . Minam 53 vai kikupna bang ciang kitung a, bang cibangin thuman uh hiam?

Ans: Kei pen logam le leisung sumpiang vai, cih kikupna munah om ka
hih manin minam 53 vai kikupnate theihpih kha kei ing. Ahi zongin hih
tawh kisai CNC statement pen hoih tak en leng bel ngaihsut ding tampi
om sa ing.

4.Thangdung, Lennupa vaite ah ee, CNF in lei cih tawh kisai bangciang
hitakpi hiam?

Ans: Ka zakna ciangah Thangdung pen state gov in thukimpih khin ci in
za ing. Lennupa le Tonzang le Cikha gam mun pawl khat zong a vilvil
laitak ci in hemzak ing. Ahi zongin logam le leisung sumpiang vaite
thu kikupna sungah CNF palaite khat in “ Zogam mun pawlkhat ah giahbuk
le Hotel lam ding nasia takin ka gel uh a ahi zongin a mun amual a om
mipite lam panin lungkim lohna tuamtuam a om ciangin din khawl kik
ziau ung” ci in ong teh kha kiau hi. Salai Kip Kho Lian le Dr ZingCung
te in zong supreme council ah hih vaite kikup phat dingin gen uh hi.

5 . Central constitution le State constution vaite bang ciang
kikhensat hiam? A kicing takin na theih teng hong dawnsak lecin maw.

Ans : Kei tel dan ah 2008 consititution pen Federal kilamzia ciang a
pian theihna dingin puahpha zaw ding cih hi sak uhi. State
consititution pen Chin forum te gelh pen behlap tohtoh dingin thukimna
nei uh hi.

6.HIh CNC ah kihelloh manin supna le meetna bang teng a om dingin na
ummawh hiam?

Ans : Ei i kihel pen Gullu le leitang vai tuamtuam deihna nei  I hih
mah bangin mi dangdangte zong  ngaihsut khat ciat tawh a pai tek
dingin um lel ing.

7. CNC thukhensatna na telsunte nong gen thei dia?

Ans:  Tampi om lo dia.

8. Chin le Zomi cih vai ah bang teng kikum in, khensatna om hiam?

Ans: Kei theihna ciangah Chin le Zomi thulu tawh thu kikupna atuam in  om lo hi.

9. Dotkhak loh gennop tuamtuamte?

Ans: CNC min tawh Statement 13 le tangkona 100 vai bawl uh hi. Kawlgam
khuahun kikhelzia sungah hih thute pen  thupi kha thei ding hi.

(Behlap: 21 November 2013 ni a kihona ahi hi.)

Liantuang
Kawlpi ( 09 400511757 )
 


Comments




Leave a Reply