WWW.TUNGZANGNEWS.COM

ZOMI 

11/30/2013

0 Comments

 
Tanglai panin Zomite pen ka leitang tung uah tengin, ka ngeina uh tawh suakta takin a om hithiat dente ka hi uh hi. Kuama khutnuaiah om ngei loin, ko thu tawh nungta-in, ko le ko ‘Zomi’kicite ka hi uh hi.

Tuhun Union sungah a om namdangte British in a luahkhit zawh a kum li ciangin Zomite zong Britistte’ sal ka suak uh hi. Tua hunin ‘Zomi’mah kici-in, ‘Chin’ ka kici ngei kei uh hi. Hih ‘Chin’ cih pen tangtawng panin Zomite kilawhna hi lo hi. Hih kammal pen Paletwa, Matupi, Thantlang, Haka, Falam, leh Tedimte’ kammal zat sungah om lo hi.

Hih ‘Chin’chih pen Mikang gamkekte in nunglam sabah bangin hong baak uh ahi hi. Lamkhat panin ‘Sila’hihna ciamtehna ahi hi. ‘Yangon’ cih pen 1824 main Yangon kici den hi. Yangon tangin Rangoon ci-in lawh ding na deihloh mah bangun, ko zong Haka tangin Khalkha, Tedim tangin Tiddim, Sihzang tangin Siyin, leh Con Bik tangin Sun Pek cih bangin kong kilawh ding ka deih tuan kei uh hi. Tua ahih manin, ‘Chin’ tangin ka min maan tak uh ahi ‘Zomi’cih tawh kilawh ding pen ka tupna uh a masa pen ahi hi" ciin sitni Pu Chin Sian Thang, President, ZCD in gen hi.

(Courtesy : Zo Aw, Lom 1, Hawm 4, Aug. 10, 2013)

src:: Laitai Nov. & Dec. 2013

Source: Zomi  National .com http://www.zominational.com/index.php/9-general-articles/499-chin-hi-loin-zomi

 


Comments




Leave a Reply