WWW.TUNGZANGNEWS.COM

 
Pu te aw,

2014 kawlgam census ah min laih ding vai tawh ki sai in..............

U Khin Ye in ci na cih uh pen Kawlgam ah awm minam 135 laka,a hih nak leh a cih bek hi lo maw. A mah cih dan in hi leh Chin nam 53 pha a cih uh tawh hong khen thang ding hi tak tak ta ei. Kawlgam ah minam 135 lak a awm nai kei zawng in milip 60000 pha peuh leng hong sang ding hi ung ci hi, na cih den keei uh zawng, no tua mi pha zah tamsa lua maw? Tua milip 60000 tawh lung kim sawm ta mai maw? Zomi affiar minister bek tawh lung kim sawm ta mai maw?. Thau zawng na get u leh hong pia mai thei lai hi. Tua tawh zawng i lung kim dia?




ZNC/ZCD lungtup mang ngilh baih kei ni. I lungtup pi pen tuibang in luang khawm ding i cih hi lo maw?. Zomi ah ki pumkhat ding i cih hi lo maw? Chin min Zomi min tawh i laih nop leh a tam zaw te thukim na tawh i laih zawh ding hamciam zaw ni. Chin min Zomi min tawh i laih nop tak tak leh, Tedim, Tonzang, Cikha, Kalay, Kabaw bek bek ci kei ni. Township danga teng i sang gam dang te zawng a hun awm lai in kup pih ding in hawih sa ing. Chin nam 53 lak ah Tedim, Teizang, Sihzin, Ngawn, Meitei, Thado, Zo, Khawno cih bang dan bek in, hong ciam teh uh hi. Township danga teng i sang gam te khen sawm kei ni. Inn tuan sawm kei ni. Ki pumkhat na in thahatna hi, gualzawhna hi.




Lusei te Mizo ah milip(population) 1200000 tawh a ki pumkhat lai tak un, Manipur ah i sang gam te national min tek tawh tha zawm in a awm u hi. Zomi council ah i gawm kik lai tak hi. A beh min tek uh tawh register a get uh leh India center govt in phal na pia meng meng hi. Thau,Thauvui, Thautang na ngawn a kul leh pia beh lai uh hi. Tua in khantoh na piang sak lo hi. Natna gu tawh ki bang hi. I ciap khit sa hi. Va pan pan nawm kei ni.






Manipur state ah i sang gam te (ZNC-MP) Pu Thang Lian Pau in, Zomi concil ah a gawm sawm kik bang in, Chin state sung ah awm nam 53 pha beh leh phung teng Zomi ah gawm khawp ding pen ZNC/ZCD makai te in hong ma kaih suak ding hawih sa ing. A kul leh National assymbly zawng sap kik theih luat hi. ZDC makai te in hong vai hawm un, kong kuan ding uh hi. Gun tui bang in luang khawm ni, tung sun ni bang in tang khawm ni.




Na sang-gam it uh




Salai Thang Ling Kee


 
 


Comments




Leave a Reply