WWW.TUNGZANGNEWS.COM

 
Zominam Net leh Facebook a Pu Khaipu dotna tawh kisai muhdaan anuai bang ahihi. Dikpah luanluan ding cihna bel om tuanlo a muh daan leh pomdaan keu khat cih ding hi.

1. Pingpei thukhunpi 2008 Constitution pen galkap ten amau power angah suaksuak nading un abawl mah uh ahiam?

  • Pingpei Constition bel mi khempeuh theihsa mah banga, Kawlgalkap te'n a letcip suak theihna dinga agelh mah uh hi. Expert tampi in agen uh ciangin, apuah nang mahmah zong baihlo ci hi.

  • Pingpei Constitution pen uukna letsuaknop ban vuah a bukna uh suangpi dinga alam uh ahihi.

2. Pingpei thukhun pen NLD party in khelding vaihawm napi, Galkap kumpi in khel nuam kei leh Kawlgam abuai gawp zo diam?


Pingpei Constitution khel ding pen mi khempeuh deih hi in, NLD in sawtpi agennawnloh pen tu'n 2015 election hong nai ciang a, Aung San Suu Kyi hong kiko suasua kik pan hi. Tua zong ama president suah nang adal teng bek, awlmawh hih tuak hi.

3. Pingpei thukhun kikhel kei leh NLD ten 2015 ah election lutlo ding hileh, tua ii result bangciang ong sukha ding hiam?
NLD bel apaupau uh hangin, kiteelna lut ding uh hi. Kawhhmu a Suu Kyi thugen pen kiteelna nuaksan ding acihna hilo ci in, NLD headquaters in phelhkhin ta hi.

4. Pingpei thukhun kikhel lo-in, election ah lut veve leng bangciang ih lemlawh theih ding om ding hiam?

Pau luahluah khuan bel Parliament sung pan kingah dingin, ahihhang weight bangmah nei tuanlo ding hihang.

5. State constitution neileng ei tek tawh mualtung mite ei le ei ki gam ki ukna kawlkumpi in ongpia mah diam?

Kawl te'n Federal apom zah uh tawh kisai ding hi.

6. Pingpei thukhun pi 2008 constitution tawh election 2015 ah kibawl tosuak hileh, Military- Democracy, tulian aa ih ki ukna dan tawh paisuak leh bang aci tam?

2008 Constitution tawh 2015 ah paisuak hileh bangmah kilamdangna omlo ding hi. Ahihhangin 2014 khawmpi thukhensatte apom uh leh kilamdangna om zek ding hi. Gentehna Guullu bang 33% State in tang thei ding cih khong khel sawm ta uh hi leh kilawm hi.

Atomin gen leng Federal i cihcihna pen sum tampi i deihman hi lel hi. Innpi a sum kihawm hun ciang ko tuazah nong piak kei uh leh lungkimlo i cih theih nang MP ratio kisam zah i deihman hi lel hi. Tu ta dih in bel weight neizo mahmah lo suakphot hihang.

Sumpi ( Budget) pen Executive Branch ( Ukpawl) kici Thein Sein tepawl in, geelkhuan nei hi. Tua ageel uh pen Innpi ( Parliament/Hlutdaw) thukimpih kul hi. Tua innpi a hong lui uh cianga ei a ding atawm luat leh, kinang gawp thei hi. US te nunglam a hong buai daan uh tawh kibanga, Obama Budget thului pen Congress in na nial a , kumpi nasem te'n khasum bang sang theilo liang uh hi.

Innpi in hong nial ahih leh ci a Budget kigeel kik thei hi.

Ukpawl leh Thukhunbawl pawl ah MP kicing i nieh nang nasepna pen Federal Movement hi lel dih hi.


2008 Constition ah Zomi leh Mualgamte kuitung nang bangmah omlo tadih phot hi. Tua ahihman a Ukpawl leh Thukhun bawl innpi in a ut bangbang un hawm uh a, eite giautau kihi lel hi.

Myanmar Parliament Zomi ci thadah Mualgambup in thu kinei zolo hi.

Sum a om kei leh Ngeina, Lai, annnek tuidawn a kipan khangtohna khempeuh i gengen hang amawknapi ahihi.

Puuksih bel omlo ding in , kithau hak tuak mahmah lai cih ding hi.

Zokhup

 


Comments




Leave a Reply