WWW.TUNGZANGNEWS.COM

 
Minam le Code ah thukhinkhai ding.

Code 401 Chin, 407 Khuano 413 Guite 415 Sihzang 417 Saizang 421 Zo 424 Tiddin(Tedim) 425 Teizang 427 Thahdo 429 Dim

*Hih code te ah Zomi omlo hong cihna pan Zomi ommah cih hongsan na uh laidal bek ahihiam? Hongsan hun in Ei Zomi sungpan Nam min tawh kipawl lai tungsiah na puak hun un Hih Census vai code bawl ding gel khin nailo kha ding ahihi.

* Lushai in Code nei ahih teh Tahan, Khampat, Letpanchuang ah i minampih ten Mizo kimlai Lushai in gelh kikding angaih sun uh hiam?

* Tiddim Code pen kikhel thei lai ding ahih leh Code nambat min pen Tedim khua tualsuak miteng in i minam min Tedim mah ci ding ihiam?

* Dim, Saizang, Teizang, Khuano, Ngorn , Thahdo, Zo cih code te kuamah in guang kei peuh leng' Ei ading code in bang hoih pen ding ahihiam?

* Kawlgam minam 135 sung kihel te census ah kisang ding cinapi banghang in 135 sang atamzaw code Kawlmang in koih hiam? Laih sese hiam?Tamsak deuh se hiam? Ei deihna Ei mau code min zong kilaih thei loding ahihiam?

* 2015 kum gambup kitel hun ciang in Ei khua, Ei veng, Ei Myone, Ei State sung ah Sing leh Gua kingawi bang in Lawital leh Lawital kisi bang in, Mitkeuh nailo uino lutuah bang in, hong lutuah nading a, kipatna thu in Census vai pan in code tampi anguan na uh hi a, kitel mahmah ahihi.

* Hih mun pan in Kuamah tel cing ki om lo ding adeihna Parliament ah mualtungmi khat in zong tutmun ngah zawh loh nading a, Thautang kullo, gammi tungah tualgal dona gu kibuakna hi gige hi.

* Chin kicini ci in Code akoihhang in Chin kici nuamte ading zong kawlbumh aleh zo kua omding ahihiam?

* Hih code ideih kei leh mipi deihna zui ki ukna Good Goverment, Clean Goverment a cici hilo ihi hiam? Code koih nop leh koih in adeih lo te ilaih thei hi cih omlo hiam? VITO thuneina tawh kivaihawm code ahihiam? Hihcode ei deih Zomi code ci in kilaih theilo liang ding in Vantung pan Guadama,Phayaaa ahi a, God ahih Pasian ahi a, Dawi ungpu ahizong Zomi omlo code tuampiak tuan theiding akuatu akuata om peng ahihiam?

* Kawlmang pa in Aksi 14 dial ( Flag) deihlo in khel thei a, Aksi khat bek maiah i kum damdam ei Taiyintaa te aksi hi zaw hiam? Kawlmang pa Aksi hizaw ahihiam?

* Piteek nu in Thukhun vai puah dingtawh Mualmite khimcip phot a, Misim Mangputal in akipumkhat nuam te seh zatampi in sat nen dikdek in kipan a, Kampi dimdim in kilemna abawlbawl AM leh alawm te kineih khemkhem lel a, kumcingcing, nibeibei, kha beibei tawh mualtungmite khuak hong pingpei mahmah mite ahi thei maimai kha ding ahihi.

* Amau paukhat ah "Betu khuaikhuai doh ma kuai" cih uh amau azat mahmah thugil zuizui te ahihi.

* Mualtung mi mintawh tulaitak in Panmun neihna te ngaihsuntaktak leh minam ading asep theih uh bang mah om lo a, Kawlmang pa thupiakna bang in Kawlmang pa khut nuai akiveivei Mawng kung no khat in Liimsing atuamcip hun angak bek tawh kibang ahihi.

Hau Thang

 


Comments




Leave a Reply