WWW.TUNGZANGNEWS.COM

 
Dear zahtak lai sim u leh nau teng,

2014 Myanmar Census (Kawlgam mikisim na) ah Zomi i kicih ding ban ah Zomi te minampi ing ong ki ciam teh na ding in maa i pan khop ciat ding thupi mah mah hi.


Kawlgam Zomi pha zah, Envoy journal in ZCD-GZA te 1/17/2014 meeting tuang pan reports na ah Tedim-Tonzang-Cikha ah 100,000. Kalemyo-Tamu ah 80,000. Yangon-Mandalay-Kawlzang ah 200,000. U.S. ah 10,000. aki gawmin 390,000.pha ding ci a hih caing in 2014 census code 914 ah Zomi in gelh tek leeng minam pi cing khat i hi ding hi. code omsa nam min te tawh ki nawng kai ding kisam lo hi.

Zomi te tangtawng pek aa ki panin gam leh lei anei, minam min a nei te hi napi hang in, Kawlte ong piak min zui in Mangkang kum pi gamkek te in, 'Chin" in ong ciam teh uh hi.

Kawlgam in 1948 January 4 ni in suah tak na angah zawh ciang in zong ei min ahi lo "Chin' in ong ciam teh to in,tu dong mah i pom lai hi. Chin (Zomi) te khantoh na ding in ong ki puah vetlo hi. Kawl galkap kumpi te nenmiam na nuai ah i om lai hi. 

Pasian hehpih na tawh, Jeisu gup khiat na lungdam thu Kawlgam ah ongtun zawh kum 200  cin khit, tukum 2014 kum ciang in Kawlgam aa om minam khem peuh in a mau minam min ciat ahi bang in gelh theih na ding in Kawlkumpi leh Gamdang kumpi te vai hawm khop mimalsimna(census) ah lampi ong ki hong hi.

Tua ahih ciang in,  Kawlgam 2014 Census ah Zomi i ki cih ding Zomi te khang taangthu ah ong thupi mahmah ding hi.

Martin Luther King, Jr in ngawngtat loh na (nonviolent) tawh  civil rights movement,makaih in U.S. gam ah mel leh sa hang in minam ki deidan (racial discrimination)a bei sak mah bang in, Kawlgam ah zong minam hang in ki deidan na bei in, ei ma i hihna leh ideih na bang ciat in iminam min ong ki ciam teh na ding in han ciam in maa pang tek ni.

Chin aa ong ki ciam teh minam teng in Chin i cih sang in eimau tek i min tatak ahi, Asho, Cho, Khumi, Lai, Matu, Zomi .etc.cih bang tek in i gelh ding pil vang huai hi.Tua ban ah ei mualtung gam khat aa tengte minam khat i hih lam zong athak in phawk tek ni. Kawlgalkap kumpi in Karen te KNU pan in DKBA in a khen khap bang in ki khen kham kei ni. Chin State (Zogam)khen kham kei ni.


The 3rd World Zomi Convention, Lamka ah Zosuan tate kipum khat na, leitung bup in ong mu in ong theihpih (recognized)zo hi.(NB)


Bawmpua te "Chin" ong ki cih sang in, i minam min ding in ei pau tek aa a ki bang i zat taang theih ding, "Mualmi- high lander' ki ci ding zong ngaihsut huai zawlai hi. Chin State panin Highlander State Kawllai in (Tawngtan Pyene)ki ci leng i gam tawh ki tuak hi. Ka sun mang "I have a dream" ci phot ni.   


Kam phen kul lo eiteng ban ah, maul leh guam in ong hal ahih man in, pau ki banglo Zomi pih tampi, khua tuam tuam gam tuam tuam ah i om lam theih siam ni. 
                                                     http://www.youtube.com/watch?v=OoVrdIUhh_0
                                                             Zomi te thupha sang minam i hih na ding in, minam deidan na lungsim te hem khia in i gam zai sak ni. The 3rd world Zomi Convention thu bulphuh ahi "Thupha sang minam"  i hih na ding in nampi Lungsim vom tek ni.                                                                                                            "The Zomi Convention gives the message of together ness. Let us live together beyond the narrow walls of familism and classism. Only then shall we become a 'Blessed Nation', truly."



Zomi te hanlungciam khangto diam. God bless Zomi.


Topa thupha.

King Mang                                                                             Martin Luther King, Jr Day

January 20, 2014
 


Comments

nice
03/04/2017 09:20

well

Reply

Zomi civil rights are the most important things need to be given to the civilians. The civilians need to get these rights to live life of their own without any objections. Zomi is doing a great job as to support the civilization services.

Reply



Leave a Reply