WWW.TUNGZANGNEWS.COM

 
ZOMI DEIH TENG; 2014-CENSUS ciang in Minam cihna ah a diakdiak in,Chin state sungah minam 53 om kici in,tua lai Code nambat tawh ki at thei sungah Zomi omlo cih pen telsa hi.Hih tawh ki sai in December 17,ni in INYA LAKE HOTEL ah Taizinta party 22 tawh UNFPA,EBO ki muhna ah zong ki kum in,party khemnpeuh in Kawlgam ah minam 135 om cih thu ki sang zolo hi.   

Ei a zong 53 om ong cihna ah Meitei,Naga, cih leh kampau leh beh min na ngawn ki koih dan hi. Mipawl khat in,Code nambat om peuh gelh ding,ei a, omlo cih mipil tam pi lung hi mawh uhi.Tua a hih leh alung hi mawh ten minam 135 om cih thu leh Chin state ah minam 53 om cih te a kip sak ,a sang ih hiam ngaih sut kul sa ing.

December 10,U Khin Yi tawh kimu in ka tel dot thu zong tua hi,Minam tuamtuam Code nambat a om mah bang in,Code nabat omlo te a ding zong OTHERS cihna ah gelh thei cih tel tak ong gensa hi.Thu thei pawl khat in,tua hi leh ei gamdang mi suak lo ding maw? cih zong om lailai hi.Gamdang mi ta ding a gam min zui in Code nambat zong tuam om hi. Ih ut hang in zong gamdang mi ki suak thei lo ding dan hi lai hi.

Hih Census man khit teh Second step ah minam ki at khempeuh koputor in khen kik ding a,Kawlgam mi hihna Taizinta hihna om maw? omlo maw? cih tawh ong pai lai ding hi.ZOMI te pen Zomi ih cih hang patauh huai lo hi,ei pen a tengtual minam te hi hang a,ZOMI cih mipi Tengganan in ih gelh ding a thupi masa zaw hi.

A tawpna ah ong kip sak kei leh Matpongten leh Inn kuan lai bawl ciang ZOMI nong cih sak kei vua leh bawllo zaw ding cih kan kul ding hi.ZOMI pen ih kam sungah ong ki bak ding bekbek ngak sawm keini. Zomi khempeuh a beisa kum sung khempeuh a,ih ngaih sutna,ih laulauna te NUSIA in,kum thank- 2014 ah ngaih sutna thak tawh kal suan ciatni.


kamlian

 


Comments




Leave a Reply