WWW.TUNGZANGNEWS.COM

 
1. Banghangin thupi hiam, cihleh Zosuan tate i kilawhna Minam min a hihman ahi hi.


2. Chin state sungah nidangin Chin akicihleh ei hong kicihna mah ih kicih hangin tuhun teh Chin minam cihbang hong om mawk ahihmanin Chin akicih teh ei hong kicihna hinawnlo cihna hi. Chin= Zomi cihbang hinawnlo hi. Chin State sunga teeng Zomi te i hihi.

3. Kawlgam kumpi ciangtan zah mimal acing leh tua minam te teenna gamkuam tengpen amau le amau ki Ukna Self-Administered Division or Zone in kiciam teh sak hi.Gtn; Naga, Danuh, Pa-O, Pa-Laung, Kokang, Wa Self-Administered Division or Zone in kiciam teh sak hi. Tua ahihleh ei zong Tedim gaa, Tonzang gam, Cikha gam, Khampat leh Tamu gam tengin Zomi kici kim ding hileng Zomi Self-Administered Zone (Ei le ei ki uk,vaipuak theihna gam) khatin ki om thei ding cihna ahihi.

4. Abeisa hun in Chin state sungah minam 35 bangin hong kikhenin ei Zomi sungah zong Kampau tek tawh kumtampi hong kiciamteh in, lai lam khantoh nang, minamkhan toh nang cihbangin bangmah i mu kha kei hi. Tua hileh banghanin tua Zo, Teizang, Sihzang, Tedim, etc,.. cihte ip lahlah lai ding ihiam? Zomi cih minam sungah gamki uk theihna lamet na tawh kipum khat phawtin tua tawh gam, minam le Lai te ei a tek zuun leng ki ngah zaw lo dinghiam cih zong ngaihsut huai sa mahmah hi.

Mailam khangsawnte' Zogam ding lungngaih na hi,

A.Lian

 


Comments




Leave a Reply