WWW.TUNGZANGNEWS.COM

 
Dear,Sia Sawm Lian,Sia Paul Thang Pi(Germany),Dr.Do Khan Khup,Sia Thang Lam,Sia Tuang Sian Lian(U Khai Pi),Sia Mang Suum,Lawm Pau Khan Khup(S'pore),Sia Andrew Kam,Pu Zo Khai,Sia Elzothanga,Pu Hang Khan Lian(Sia Lian)Pu Zo Lian

Mualliamsa hunte tungah ettehin,Zogam pallun thei nading kalthak suan ni
  
Tu 21st Century hun dong mim bang ih pianna leitang Zogam state omna,gamuk thuneih Kawlte khutsung aom states teng sungpan puaklo keei'a tulpan akaai leh azawng penpen khantona lamah atualniam pen khat dinmun aa kiom hi cih thu maizumna liang ding thu ahih khollo tei hang'kinial theilo in ih gam'a aom lai ih nu ih pa ih unau sanggam ,ih mipih tengin gamuk Kumpite pampaihna,thudonlona teng tu hun ciang dong mah bangkimah cimawk ,gentheih,liangvaihnate beinai tuanloin ih thuak laitak uh hun zong ahi hi.

Mualliamsa hun kum50val khin hun lai akipan mual hong khupsansa ih pu ih pi,ih nu ih pate,aphamsa khangsawn tuailai momno lia leh taangte'n ih Zogam leitang akhanto nading hun alam-et ngei ciat tei hangun,tuni hunciang mah ki lamdanna neucih khat zong omtuanlo ahih nathu thei tazen leuh ei anungta lai aminampih teng sangin lamdangsa thei lai dinguh zong ahi hi.Ih biakna uh kibanglo ahi gamuk Kawl kumpite thumang ding leh maivil dinga ih kithawi zawh uh kum 50val sungah ih mipihte khanto luat nading ih makaai ten zong na bawl zolo uh cih thu kimu thei lua liangta zong ahi hi.Pasian in zuah thu adeihlo cih gen tham thadah amu dah Pasian hina pi'n zuau thu leh dawithu tawh gam auk den gamukte thuman nading bek tawh kalma ihsuan nadinguh ih kihilh thapaih in,thumaan thutak adeih ih Pasian thu tawh kilehbul ahih man khanto nading kumkhua sawt hong suak ahi hi aci nuam ka hi hi.

Kawlgam sung Politics paidan en leng Kawl galkap kumpite thumanlosa ahih manin,agen ngam.alangpang ngam,ado ngam teng Kawl kumpi'n agam alei uh nasiatak puahsak zawsop uh ahihna ih mualgam dang teng en kei lai ni-in,hun khat lai ih Zomi pih CNFte bang Kawl galkapte tawh kikapna thauzang khatvei zong mek kha ngeilo,mi khat zong si ngeilouh hina pi'n ado ngama akipat ngam limlimna un Kawl galkap kumpite tungah amauh angsung noptuamna angah uh kipan ta ahih banah,Kawl kumpipa thudot(Advisor)bangin akiang naiah kikoih kik zawzen hi.Ih gennopna thu mipil vive na hih uh ciang khapkhat lah leng tongkhat amu ding vive nahih manun thei pah lel nuteh ci-ingh.

Abeisa hunte kilakik theilo ahih teihang ihmipihte ding tu'a pan bekin abeisa kum50 sung akibawlkik theilo khialnate bang nawnlo in ih Kawlgam ama leh amah akikhel hun ngakngak thapai seloin ih mite akal suanpih leh alampui dingin,Pasian muanna tawh hangsantak,lungkialo,lunglauloa matnawt ciat thei dingin ih ngaisutsak dinguh hunta cih kei mimal muhna ahi hi.Mi khut tawh gulmat sawnlo leh kisikkik sawmlo'a ih kalsuan ding uh ahunin thugen ta ahi hi.Tun zong azekaai lam pawl kihita zong ahi hi.

Note.,Kei namipih khat uh nongitna uh tawh,Feedback nong piakna hangun navekpi tungah lungdam thu hongko lailai nuam ingh.Topa'n thupha hongpia kikta uh hen!

Kham Khan Suan(Artist Kyaw Kyaw Oo)

 


Comments




Leave a Reply