WWW.TUNGZANGNEWS.COM

 
Picture
US gam in Thai gampan Kawlgam galtai gambel lakna khawlta uh hi cihthu Thai gam UNHCR in Wednesday (January 29, 2014) ni-in pulak hi. Geelna omsa mah bangin kum 9 sung vilvel gambel lakna pen January 24 niciang abei hita hi ci hi.


2005 kumpan kipan US gamin Kawlgam pan galtai gambel mi 73,000 valbang lakhin a, gamsung khuapi khuaneu munciteng ah phualsat in teng uh hi ci-in (US Department of State's Bureau of Population, Refugees and Migration) pan Asst. Secretary Anne Richard in genkhia hi.


Tu laitak Thai gam Camp te ah UNHCR ciaptehna ngah Kawlgam pan galtai gambel mi 120,000 kim leh, Thai kumpi' theihpihna ngahlo mi 40,000 bang om dingin kituat hi.


US te'n Thai gampan Kawlgam galtai gambel la nawnlo ding acih uh hangin adang gam tuamtuam te in lalai veve ding uh hi. Abeisa kum 9 sungin Australia, Canada, Finland leh Japan gamte in Thai gam Camp te panin Kawlgam galtai gambel mi 19,000 bang lakhin uh hi.


Tuaban ah, UNHCR in Thai gamah galtai gambel sittelna nei toto laiding a, mimal kikep kihut ding kitang sapna zui-in gamdang kipuak lai veve ding hi cih Thai gam UNHCR taangmi Mireille Girard in pulak hi.

Sources: Bangkok Post, January 29, 2014
http://www.unhcr.org/52e90f8f6.html


Thupuak,

Zam Sian Sum


 


Comments




Leave a Reply