WWW.TUNGZANGNEWS.COM

 
Mualtungmi thautawi pawlte Kipawlna in Kawlgam kumpi tungah a deih ngetna bulpi ahi ei le ei suaktatak ki-ukna le thuneih theihna (Democracy & Self- Determinaton) kici Federal System tawh kisai abeisa hun sawtpi lai akipan Kawl kumpi tawh kikupna a neih tohtohna maban zomto uh a, Nationwide Ceasefire Coordination Team (NCCT) le Kawl kumpi kilemna lam makaite (Union Peace-making Work Committee-UPWC) te August 15-16,2014 sung Myanmar Peace Centre (MPC), Yangon ah thukikupna pan Federal System tawh kalsuan dingin thukimna nei thei ta cih thu NCCT makaipi U Naing Tha Han in thuthak saite tungah pulak khia hi.

Hih thukimna tungtawn in a diakdiak Kawl kumpite leh muami thautawite kikaal kikap/ kidona khawlsan ta ding cih thubulpi ahihna thute genbeh hi. Tutung akingah thukimna tungtawn in gam sung kilamna ding vai khempeuh lemkhin pah thei ding cih ahihloh hangin, mailam Mualmite le Kumpite kikal mabante ah lawhcina lianpi kingahto semsem dingin lametna nei uh hi. 


Tutung kikupna tungtawn in a thupi zawdeuh Chapter 1, Chapter 2 ciang kikum thei hibek a, maban ah hoih lam manawh ding mahin lametna kinei cih Makaipi Naing Tha Han in genbeh hi. Kumpi lamte in mualtungmite ii deih thubul a sansak theih mah bangin, mualtungmite lam pan zong kumpi te ii thukhunbulpi " Doh tavuan a zi tongpa" cih ahi; (a) Gam kikhenkham lo ding, (b) Mualmite le kumpite kithuhualna kisiasaklo ding (c) Thuneihna beisak ngeilo ding cihte kisansak ahihna thu zong NCCT pan Dr. Salai Lian Hmung Sakhong in genkhia hi. Hih UPWC leh NCCT te kikupna pen Single Text anih veina Draft hilai phot ahih manin, August 17 ni ciang dong kikumto lai ding uh cih kiza hi.

Source: VOA & Khonumthung


Translated by: Timothy Saimon (Tongsan Translator)


Posted by: Tongsan tanute

 


Comments




Leave a Reply