WWW.TUNGZANGNEWS.COM

 
Wednesday, July 30, 2014 [KapKhanKhual]
• Wednesday, July 2, 2014 ni-in Union Election Commission leh Partyte Naypyitaw ah election campaign directives draft (meesuai hunciang zuih/zuihlo ding thute) vai kikupna ah ZCD CEC Pu Kam Lam Khup va kihel hi. 

Election campaign directives draft pen February 2014 pek-in athakin aki gelh kik khindan ahihhang party te’n adiakin 2010 kitelna anuak san ten official takin ngahkha lo-in athu hoih maw/hoih lo cih zong kuppih khakmel omlo hi. Parliament, hluttaw, sunga a-om party pawlkhat in tua draft sunga adik khollo pawlkhat akuppih kik uh thukizakna (media) pawlkhat ah suak hi.

International Democracy Electoral Assistance IDEA in May 2014 policy report na-ah election campaign directives pen democracy zialehtong tawh kileh bulh hi ci-in European leh Asian gamte ah election campaign laws, leh election observation (kitelna etcianna/telna) akibawl tetawh etkakin pulak hi.

• July 3-4, 2014 ni-in Burma-Thai gamgi khua ahi Maesok ah the United Nationalities Federal Council UNFC leh In-Country Democratic Forces ICDF Forum khat kikuppi na kibawl hi. ICDF icih sung ah:- (1) The United Nationalities Alliance UNA akici 1990 election in amun mun a agualzo minam party 8 mapang khopna; (2) The 1990 MP-elects, 1990 hluttaw kosahle; (3) The NLD- Ethnic Affair Committee; (4) The 8888-Silver Jubilee Implementation Committee; leh (5) The 88 Generation Peace and Open Society cih teng kihel hi. 

UNFC President ahi General Ing Ban La in, “Khuamial sunga Kawlgam aciki i Gam sia pen bangdan in lamkikding, bangdan in kiukna hoih lote ahoih in puahpha kik ding, minam hihna, ngeinate bangdan in nungta sakkik ding,” cihte vaimuak thugenna ah gen in, “Kawl democracy makai te’n Kawl minam ahilo minamte hong muang un, kibelpawlna pan cikmah hunin taikhia ngeilo ding hi ung, geo-politics tel mahmah ung. Kawl minam ahi loteng in i kibelpawlna pan inntuan ding cih pen Kawl galkap gamukte khemna bekbek hi. Democracy Federal Union takin kalsuan zoleng bek kilemtak in atawntung in lungmuan kalsuan khawmzo bek ding hi hang, tulian in ahih leh adiktak politics kihona a-om theih nading thupi in, gambup ai-in kikapnawnlo ding cih thukim (nationwide ceasefire agreement) khit ciang in zawppah lian ding hi,” cih zong genlai hi.

Maesok Forum ah palai (delegate) 42 kah in UNA pan palai 5 akah sung ah ZCD Secretary Pu Pau Lun Min Thang zong vaki hel theih hi.

Tua Maesok Forum ni 2 sung in anui-a thu 5 thukim zo uhi. Tuate in:-
1. Gambup ai-in kikap-nawnloh nading letmat (signature) thuhna ah thu meilet ding in:
i. Politics buaina pen galvai zanglo in politics dan mah tawh lemtuah ding;
ii. Politics kihona ding akician mahmah lungmuanna (guarantee) om ding; leh
iii. Democracy leh minam kim in liangko kikim nading akician mahmah lungmuanna om ding.
2. Panglong lungsim bulphuhin gambup khawmpi sam ding;
3. Kilemna lampi (peace process) ah mipi kihel theih zawk nang;
4. 2008 constitution puahphat ding leh democratic federal union constitution khat neihzawh nang; leh
5. Hluttaw (parliament) sunglam leh pualam pan sepkhop ding.
Gam khat sung ah gammi/ pawl/ minam khat in hamphatna atam ngah zawkban ah Gam uktheihthu (State power) aki lawmlo tak- in la/ sut in adang dang gammi/minam teng anen niam ciang in alungkim lo te’n tua gammi/ pawl/ minam te thulehla ahizong in, thau tawi in do/langpang in liangkokim in tua Gam sung ah nuntak khuasakzia ding ngen kik uhi.
Tua ahampha zaw leh tua ahamsia/ aki nenniam zaw gammi/ pawl/ minam teng in kilemna hong lunggulh kik tak uh ciang in kamkum in mailam kalsuanzia ding gelna hong nei-in, tua te a tang tung zawh na ding in sepkhiatna aban ban in hong nei uhi. Tua aki lem-kik nopna kamkumna pan kilemtakin Gam khat sung ah liangko kikim takin a nuntak kik zawh hun sung leh tua hun sung in aban ban a sepkhiatna te pen mikang pau/ lai in Peace Process akici kam/ laimal in huam hi. 
Peace Process pen peacemaking, peacekeeping, peacebuilding ci-in dawl/ nam 3 in akan ten khenlai hi. Ceasefire Agreement, kikap nawnlo ding thukimna, akipan Internal Displace Person/Refugee Rehabilitation, galtai/ dongtuak te nuntak kik theihnang vaihawmna, leh tua pan in adik taktak kilem nading ahi Gam sung khat a a-om minam/ gammi khem peuh in akikim in tua Gam sung ah hamphatna/ lohna teng thuakkhawm in aki lemlohna teng uh lemthuah kik in lungkimtak in nun-tak theih khop kik dong huam hi. Kilemna Lampi cileng Peace Process i acihnuapna genkhapen ding hi.

• Saturday, July 5, 2014 ni-in NLD HQ, Zangkong ah Committee Representing People Parliament CRPP meeting om in, NLD leh NLD tawh aki belpawl minam party ahi Shan National League for Democracy, Arakan League for Deomcracy, Mon National Party, Zomi Congress for Democracy, Shan State Kokang Democratic Party makaipi, president, teng kikum khawm uhi. 

Thu nam 4 kikum uh a, akikup teng uh zong tangko khiazo pah uhi. Tua thu nam 4 in:-

i. 2008 constitution puahphat vaiding;
ii. Proportional Representation PR meekhiatdan (voting /electoral system) Burma ah zat huai/ huailo maw;
iii. Gam phattuam nading mimal 4 kimuhkopna (Daw Aung San Suu Kyi, U Thein Sein, Gen. Min Aung Hlaing, U Shwe Mann ; leh
iv. Union Election Commission in hawmkhiat ding a asawm atawp napen ding a agel Campaign Directives (kitel hunciang zuih/zuihlo ding thute) te hi.

Kikupna sungpan:-

i. 2008 constitution in adik taktak federal union kilam nading, Gamsung kilem nading, minam kim tanbang kikim nading, leh eilehei-thuneihna (self-determination) omsak zolo ahihman in puahphat kul hi;
ii. PR pen Burma gam kikhel nading leh minamte ading phattuamna bangmah piazo lo in party pawlkhat ading bek a phattuamna aom man in Burma gamkitelna ah zat ding hoihlo;
iii. Burma gamkikhel sanggammelmak hun in President Thein Sein, Union Parliament Speaker Shwe Mann, Commander-in-Chief Gen. Min Aung Hlaing leh NLD President Daw Aung San Suu Kyi te kimu khawm in kikum khawm theih leh Gam a ding phattuamna tampi om theih hi; cih leh
iv. Union Election Commission in ahawmkhiat sawm campaign directives pen democracy leh political party’ sepkhuante gakcip ban ah suaktalo kawmkal ah deidanna omlai ahihman in UEC in angaihsut kik kul hi cih teng khensat in; tangkokhia zo uhi.

ZCD President Pupi Kalay-Zangkong lamsap (flight) ding Pu Do Cin Thang in sik in, Zangkong zinbuk sapna ding leh Zangkong-Kalay lamsap (flight) ding Paul Pu Pau Pau in si hi. Zangkong-Kalay lamsapna ding akisam lai 30, 000 kyats pen Pu Pau Lun leh Pu Suan Mang in si in, Pu Kap Khan Khual in President Pupi Zangkong kal 2 bang atam sung akisam bangin neeklehdawn si hi. Tongsan Pu Kham Peek in 50, 000 kyats tawh panpih hi.

Self-determination kammal sungah thuneihna nam 3 ahi (1) thukhun gelh/ bawl/ suai/ phiat/ sui theihna- legislative power, (2) uk theihna- executive power, leh (3)thukhen theihna- judicial power, teng kihel hi. 

Self-administration kammal ah uk theihna- executive power, bek om hi.



• July 5-10, 2014 - ni 5 sung NLD vaihawm politics thusina ah Kalaymyo pan ZCD Kalay District President Pu Lian Sian Suang ki heltheih hi. ZCD khangno makai Pu Khup Sian Pau , zong Tedim ZCD ta’ng in tua thusinna mah kahtheih hi. Hih pen a 6th vaina NLD HQ vaihawm thusinna ah ZCD ki helna hi. 

• Sunday, July 6, 2014 ni-in Zomi Innkuan USA in Pu Gin Kam Lian, ZCD GS pen ‘Zomi Democracy and Human Rights Award’ pia hi. Hih pahtawina pen ZCD ading in angtang huai mahmah in minnam party ahihlam minam pihte’n aciaptehna zong hi pah hi. Tua ban ah abeh zui-in, akhua zui-in, kampau awkaih zui-in lungsim kithehthangna khempeuh lemtuah zo-in Zomi sung/ Zomi lungsim/ tang sung ah luang khawm kik zo hi ci-in alungdamhuai i mualsuangpi khat zong hi beh lai hi.

Minam, leh khua leh tui in minam ading nasep ci-in aciapteh minam party ZCD sungpan mah ahi Pu Chin Sian Thang, President in angah pahtawinate anuai abang in zun leng:-

i. Zomi Patriotic Award by Zomi Association of United States on May 31, 2012;
ii. Pahtawina Laipi [First Practising Lawyer, Chin State] by Tedim Association on October 29, 2011;
iii. Certificate of Appreciation by Southern California Chin/Mizo Association, Los Angeles, U.S.A on July 15, 2012;
iv. Centinery Award by Zampi, Tonzang Myone, Zogam on April 1-3, 2010;
v. Pahtawina Laipi (Pilna sinna ah amadawk masa pen leh sitni angah masa pen) by Zampi, on April 20, 2005;
vi. Father of Zomi Award by Zomi Association of Malaysia on Feburary 20, 2013;
vii. Ngalliam Zuapa by Zomi Baptist Convention of Myanmar on April 3, 2013;
viii. Zomi National Freedom Award by Zomi Community USA on July 06, 2012;
ix. Pahtawina by Zomi Innkuan Atlanta, USA on September 2012;
x. Pahtawina Laipi by Zomi Innkuan Washington D.C on September 15, 2012;
xi. Zomi National Leader by Florida Zomi Innkuan USA on August 31, 2012; leh
xii. Zomi Patriotic Award by Zomi Association of United States, Portland, Oregon on October 13, 2012, hi.

Tuaban ah mikang kipawlna khat ahi Burma’s National Reconciliation Hero Award Conferring Committee, Oslo, Norway in February 14, 2009 ni-in Pu Chin Sian Thang pen ‘Burma’s National Reconciliation Hero Award’ pia hi.

June 19, 2012 ni-in Burma gam pualam a-om Burma gambup gammi kipawlna khat ahi Unknown Hero Award Committee, Japan in Pu Kap Khan Khual pen ‘Unknown Hero Award’ pia hi.

• Sunday, July 12, 2014 ni-in Sawbua ah 2008 constitution puahphat dingvai thugen ding ZCD President Pupi leh Kalay ZCD makaite, Kalay NLD makaite, leh 88 Generation Peace and Open Society Kalay makaite vapai in ZCD President Pupi in hunuk sepsak hi. Azawh phet in Sawbua ZCD zum hongna zong kinei pah hi. Tamu pan 2008 constitution puahphat dingvai thu ava gen 88 Generation makaipi U Min Ko Naing tepawl hongciah tawh kituak in ZCD zum hong leh thugenna ah hongpawl pihpah uhi. SK. Pu Gin Khan Pau i mawtaw kizang in, Pu Thang Khek in sathau (detsi) thun sak hi. Pu Khup Deih Tung in akisam bangbang a zatding 20, 000 kyats citpiak hi. 



• Tuesday, July 15, 2014 ni-in UNA meeting SNLD HQ Zangkong ah kinei in SNLD GS Sai Nyunt Lwin in Maesok Forum ( July 3-4, 2014) avakah uh UNA ta’ng in report agelh UNA belpawl party teng hong hawm khia hi. Arakan National Party President U Aye Thar Aung leh Mon National Party President Nai Ngwe Thein te’n July 5, 2014 CRPP meeting akikupte uh pulak kik uhi. Srn. Gen. Saw Hla Buai, Commander-in-Chief, DKBA in UNA kibelpawlna sunga a-om minam party te’n July 18 ni-in kum 52 acin suahni uap leh lunggulh mahmah ahih man in UNA in uap ding kithukim in party khat pan 10, 000 kyats ta kikhawn pah in ZCD ai-tang Pu Kap Khan Khual in piak sak pah hi. Kawl galkap te’n SSPP/SSA HQ kap cihtak mah in akap na-uh UNA in lung hihmawhna lai tangko ding kithukim in kitangko khia pah hi. KIO HQ Laiza meeting- July 24-25, 2014- khitciang Nationwide Ceasefire Coordination Team NCCT, UNA, In-Country Democratic Forces ICDF cih teng kimu khawm thei leh hoih ding cih zong kikumkhawm thei hi.

• Wednesday, July 16, 2014 ni-in ZCD Secretary Pu Pau Lun’ inn, Zangkong ah ZCD CEC meeting kinei in July 19 Martyr’s Day, Arzarni Naih, kah ding kikhensat in meeting apai CEC 7 teng in mimal khat 6, 000 kyats ta ki dong hi. Pu Pau Lun in Maesok Forum akah vai tawmkhat pulakna nei hi. Meeting kahteng innteek in nitaak ann vak hi.

• Friday, July 18, 2014 ni-in UNA in DKBA galkapmangpi ahi Gen. Saw Hla Buai kum 52 acin suahni Dolphine Restaurant, Zangkong ah va uap in ZCD CEC pan Pu Cin Suan Mang leh Pu Pau Lun Min Thang zong va kihel thei uhi.


• Martyr’ Day, Saturday, July 19, 2014 ni-in ZCD CEC Pu Hau Mun Khai, Pu Songh Do Langh leh Pu Pau Lun Min Thang te’n ZCD min in dai va hawh theih uh a dahna paakkual va khia theih uhi. Kawl journal tuamtuam ah zong ZCD daihawh vai kilim suah sak mahmah hi. Minam khat i picingna ZCD tungtawn in hong kilanghsak zo hi.



• July 20, 2014 ni-in kal 10 sung political leadership thusin ding in Kalaymyo pan ZCD khangno maikai Pu Pau Mun Thang@Thangta leh Pi Niang Sen tegel in Zangkong hong zuan uhi. Tedim tsp leh Tonzang tsp pan in akah theih ding khangno lem paklo ahih man in Kalaymyo pan khangno makai 2 hong pai theih ahi hi.



• July 20, 2014 ni-in Park Royal Hotel, Zangkong ah Multi-Stakeholder Electoral Integrity Conference kikuppina khat om in Political Party 65, MP- hluttaw kosahle pawlkhat, INGO, NGO, CSO, Media tuamtuam leh Union Election Commission UEC pan palai kosahlete kihel theih hi. 

ZCD CEC Pu Kam Lam Khup va kihel thei hi.


• Sunday, July 27, 2014 ni-in NLD HQ, Zangkong ah political party 11 pan makaipi teng kikum khawm theih uhi. NLD CEC U Nyan Win in vaimuakthu gen in thu 2 kikup ding sungpah hi. Tua thu 2 in:- (1) NLD leh minam party te’n UEC tawh kimuh khop ding ngen ding, leh (2) NLD leh minam party kimuh khop zelzel zoleng hoih ding cih hi. Minam party 11 meeting kah teng in tua athu sung 2 thukim pihpah uhi.

• July 27 ni mah in MINBYUN akici Korea pan hong pai Lawyers for a Democratic Society- International Solidarity Committee tawh UNA ki musuak pah hi. Zomi vai zong lunglut mahmah uh hi. Hongpai nathu uh pen Burma thu hong kan ngiat hi. Tulaitak akizang law upadi in laitan pilna sinna akhong in kisin theih ci napin sangkahzolo naupangte tam mahmah kik bilbel hi. Tua hi in Kawl minam ahilo minamte omna munte a sangnaupang te bangdan in kideidan hiam cih thu theih nuam uhi. Bangdan in Kawl minam ahiho minam te’n zong amau minam lai/pau/ ngeina cih te sang ah sintheih nading, bangdan in ki hanciam theih ding hiam cih zong theih nuam lai uhi. 



• July 27-31, 2014- ni 5- sung Voter Education thusinna Mandalay ah Kalay ZCD pan Pu Vungh Sian Lian kihel ding hi.

• Monday, July 28, 2014 ni-in SK. Pu Gin Khan Pau, Kalay District ZCD Vice President in 155 New Y2T restaurant, Zangkong ah ZCD CEC a-om theih teng, leh Kalaymyo pan NLD leh minam partyte meeting dinga hongpai ZCD President Pupi ataamlai ci-in nitaak ann hong neek pih zaw behlap hi. Ann neek kawmin vaithupi pawlkhat kiholim khawm thei hi. ZCD in Martyr’ Day a motor zatpen a Pu En Kap a hi-in atapa Dr. Zam Lam Thang in akhong in hong hawlsak lai cih zong kitheih pih hi. 

• Tuesday, July 29, 2014 ni-in ZCD CEC ahi thei-teng in ZCD Patron khat ahi SB. Pu Len Cin Thang’s inn ah dammawh vaveh uhi.

• ZCD August Newsletter

i. August 8, 2014 ni-in Zangkong ah the 26th anniversary of 88 uprising event kah ding;
ii. August 14-15, 2014- ni 2- sung Kalaymyo ah IRI tintan ding ZCD in semkhawm ding.
 


Comments




Leave a Reply