WWW.TUNGZANGNEWS.COM

 
Zomite' sungah gam le nam vai nasem kipawlna lianpen khat ahi Zomi Re-Unification Organization (ZRO) in Pasian makaihna tawh manawt to zel uh ahih manin Pasian min i phat hi. Abeisa ciangciang India gam Manipur State sungah panla in nasem uh a, kipawlna thahatna le khantohna tawh kizui-in Kawlgam lam zongah luttheihna ding le Naseppih mualmite tawh khut kilen a mapankhopna a tangzai zawkna ding ngimna tawh August 28,2014 ciangin Kawlgam le Thailand gamgi Measot khuapi ah ZRO (Eastern Liaison Office), phutkhia ta ding cih kiza hi. Hih ZRO (Eastern Office) honkhiat ding vai pen abeisa hun khat lai pek a kigeelsa hi-in, tutung petpet ciangn Pasian lemsakna tawh honna kineithei taktak ding hi ta hi.ZRO (Eastern Office) honna hunah Mualmi kipawlna tuamtuamte banah gam sung gam pua Zomi kipawlnate pan makaipite le gam le nam vai a lunglutte khempeuh kipaithei dingin sapna bawl uh ahih manin,a lunglute in Pu Joshua,ZRO (Eastern Liaison Officer), Email: zroeast@gmail.com This e-mail address is being protected from spambots. You need JavaScript enabled to view it , Tel: 080-125-7371 ah kidawp thei ding hi.  ZRO (Eastern Office) phuhna ah ZRO phualpi (Headquarters) pan makaipite le mun tuamtuam pan gam makaite paikhawm ding ahih manin, vaite khempeuh Khasiangtho in gualzawhna pia hen la, ZRO mahmah dam sawt ta hen!!


Reported by: Pu Kingmang (USA)


 


Comments




Leave a Reply