WWW.TUNGZANGNEWS.COM

 
Federal Union ngahta ding cih tawh kisai


August 15 ni Yangon a Kawl UPWC leh NCCT kihona tungtang Kawl kumpi media te leh Private mediate suahsak daan kibanglo hi.

Kawl kumpi media ahi Myanmar Alin ( The New Light of Myanmar), Kyemon ( The Mirror), Myanmar Army te Myawaddy News te ah anuai a bangin gelh bek uh hi.

"  Gambup Kikapkhawl Kithukimna lai ( Ahum/draft/mucian) a kithukim theih nailoh thute tawh kisai maban ah a kizawhsiang theih nangin hanciam to lai ding." ci in suaksak bek uh hi.

Kawl kumpi media te'n tuabang in suah napi un private media te'n bel Kawl Galkap kumpi in Federal Union thukim ta uh ci in gelh ziaizuai uh hi.

Private media te gelh teng bek sim kha teng lak ah pawl khat bang nuam lua in, a khitui uh bang laam pelhpalh keei hihtuak hi.

Politician senior mahmah te'n bel Fake Socialism, Fake Democracy kiciam khin in, Fake Federal Union khat hong thaltulh sawm leuleu uh zong hi thei in kidop huai  ding hi ci uh hi.

Tutung a pen Nationwide Ceasefire Agreement-NCA kici sungah Federal Union cih kammal Kawl kumpi in gelh ding deihlo niloh ahihmanin, tua tang a DemocracyRight To Self-determinationNational Equality cih kammal 3 Non Myanmar Mualmi NCCT lam te'n atah uh pen, Kawl kumpi palai UPWC te'n niallo pomlo in, hong kikumkik phot dih nung  ci a adawngkik uh hi pan hi.

Tua hangin NCA ki sign thei nailo a, mo thugen bang a Kawl Kumpite kikumkik phot ding uh cih hi pan hi.

Tua pan Kawl kumpi in a pom leh NCA sign ding. Tua khit ciang Political Dialoque kici gamthu gamvai taktakte gen khawm ding cih hi pan hi.

Federal Union thukim ding kineih in, koi leh na thau uh khia ta vo a ci nuam kawm uh zong hi thei hi.

Mualmi State te'n Federal State leh Union i nget theih loh nang un, State sungteng kithutuak theilo ding in hong ban tok ta ding uh hi.

Gentehna in Chin State bang ah Zomi leh Chin, Sim leh Mal ( Taungpai, Myaukpai),  cih a kipan lampi om khempeuh tawh hong toknawi ta ding uh hi. Makaite kidophuai hi. Sumtha nakpi in hong zang ding uh hi.

Shan State ah Shan leh Wa, Kachin State ah Kachin leh Shan ( Tailai), Rakhine State ah Rakhine leh Rohinja, Karen State ah Christian leh Buddhist, Kayah State ah Catholic leh Baptist cihbang in alangtuak makaite sum tampi pia in hong sutuah ding uh ahi.

Pilvang hun taktak ta hi.

Federal i ngah a ngah kei zong tulaitak Zomi te i hanciam ding bel Zovontawi Fund hi phot hi.

Source: Pu ZoKhup Blog
 


Comments




Leave a Reply