WWW.TUNGZANGNEWS.COM

 

ZCD August Newsletter August 31, 2014 
Zomi Congress for Democracy Information zomicongress.info@gmail.com 
Tuesday, 2 September, 2014 [Kap Khan Khual]


 Monday, 4 August, 2014- 1:00 pm -3:00 pm- ni-in NLD HQ, Zangkong ah minam partyte leh NLD meeting tu khawm theih uhi. July 27, 2014 ni meeting (minam partyte leh NLD) khensatna tawh ki zui-in, Union Election Commission UEC lai ki khak a, UEC in lai thukkik ahih man-in UEC tawh ki muh ma ki kupkhopna khat hi. Pu Cin Suan Mang, ZCD vaki hel hi.


 August 6, 2014- 1:00 pm- 4:00 pm- ni-in Nay Pyi Taw ah election campaign directive vai party 7 pan palaite leh UEC palai 7 ki kupna khat om hi. Party lam pan directive tawh kisai puahding a kul laite kup pih in, Pu Kam Lam Khup, ZCD in zong kammal pawlkhat kiteltakin gelh cianding kullai cih kup pih hi.


 August 8, 2014 ni-in 88 Generation Peace and Open Society HQ, Zangkong ah kum 26 ci’n 8888 lungphona ki bawlna ah ZCD ki hel hi.


 August 9, 2014 zingsang nai 9 pan kipan in UNA kipawlna partyte meeting ki nei hi.


 Augsut 9-10, 2014 ni-in Aryone Oo leh Merci Corp vaihawm ahi Interest-based Negotiation Training, Zangkong ah Pu Pau Lun Min Thang, ZCD vakah hi.


 August 10, 2014 ni-in Danish Institute for Parties and Democracy DIPN i vaihawm Multi-Parties Youth Forum, Zangkong ah ZCD khangno makai Bob Pu Tuang leh Pu Thang Lian Tuang va kah uhi.


 August 11, 2014 ni-in Myanmar Peace Center MPC, Zangkong ah parties 66 ki mu khawm in Pu Zam Za Mung, ZCD leh Pu Khup Khan Mung, ZCD zong ki hel hi. 
Hun manciang MPC in statement, taangkona, khat parties 66 i thukimna ci-in hawm khia hi. Azingciang, August 12, 2014, NLD CEC in tua taangkona pen NLD leh minam party atam zawte thukimna ki hello hi ci-in taangko khia uhi.


 August 17, 2014- 4:00 pm- 7:30 pm- ni-in Holiday Inn, Zangkong ah NCCT, UNA, 8888 Silver-Jubilee Implementation Committee ki mu khawm ding a ki gelhang NCCT pen MPC ah UPWC tawh a ki ho uh manzo nailo ahiman ki hel theihlo uhi. Ahizongin UNA leh 8888 Committee te-in hunkhat bawlin, ki pawlna khattek i sepkhiatnate ki genkhia tek hi.


ZCD President Pu Chin Sian Thang in Kalay Statement – October 24, 2010 ni-a Kalaymyo ah a ki bawl ZNC suahni in a ki hawmkhia ahi Panglong khawmpi nihna 


ZCD August Newsletter August 31, 2014


Zomi Congress for Democracy Information zomicongress.info@gmail.com 
sapding cih taangkona- vai a ki patna pan Daw Aung San Suu Kyi tung a aapna dong tomkim kician tak-in ZNC/ZCD sep khiatnate gen hi.


Mon National Party MNP President Nai Ngwe Thein in Kalay Statement tawh kisai atheih pihna hih bangin, “Kei mahmah in zong letmat thuh in Wayint Nainganyetama (Politics asepkum atam khin mahmah leh Khangham Politician) zahtakna piakna pawi ah Daw ASSK tung a ki aap hi in, ama mah, Daw Suu, in sep suak ding hi ci-in lungkim takin vaipuak la in sang hi,” ci-in gen hi.


Shan Nationalities League for Democracy SNLD President Khun Htun Oo in ama politics sep ki patna pan gen in, 1961 Taungyi Conference akah U Nai Ngwe Thein leh U Chin Sian Thang bek damlai, leh tu’n government in Federal kammal sangzo acih tawh kisai in ‘kyawchande, dekmul bang thokei’ ci-in a lunghihmawhna a up zawh taktak lohna thu pulak hi. 
8888 Silver-Jubilee Implementation Committee in zong amau sepkhiatnate aban ban in pulak uhi.


 August 18, 2014 ni-in MPC Zangkong ah NCCT, UPWC, party 34 ki kupna om in Pu Zam Za Mung, ZCD kah hi. 
 August 18, 2014 ni-in Kalaymyo ah Pu Khual Za Nang, ZCD leh Pu Khup San Thang, ZCD te’n British Council, Zangkong ah zum a hong Pyo Pin a kici NGO khat in ZCD tawh ki muh ding ngen ahimanin holimna hun tomno khat neih pih uhi.


 August 20, 2014- 9:00 am- 1:00 pm- ni-in ZCD Pupi zintungna Mya Kan Thar Guest House, Zangkong ah ZCD CEC meeting ki nei hi. Meeting manciang Danu Phyu Daw Saw Yin Restaurant ah Pu Zam Za Mung, ZCD in sunann meeting kahte vak hi.


ZCD August Newsletter August 31, 2014 
Zomi Congress for Democracy Information zomicongress.info@gmail.com


 August 21, 2014 – 9:00 am – 1:00 pm- ni-in SNLD HQ, Zangkong ah UNA meeting ki nei in UNFC Conference kah ding in Pu Chin Sian Thang, ZCD, U Aye Thar Aung, ANP, U Sai Nyunt Lwin, SNLD, U Min Kyaw Win, MNP ki thukim in ki khensat hi.


 August 23, 2014 ni-in Chin League for Democracy CLD zumhonna ah Pu Pau Lun Min Thang, ZCD in zong va uap hi.


 August 23, 2014 – 1:00 pm – 5:00 pm – ni YMCA Zangkong ah Enviroment Conservation and Community Development Society ECODS vaihawm ahi Zomi Forum ah thugen ding in Pu Chin Sian Thang, President, Zomi Congress for Democracy, Prof. Rev. Dr. Pau Khan En leh Pu Hang Za Thawn, Country Programme Manager, Sustainable Development Initiative ki zawn hi. 
Pu Hang Za Thawn in leitung gam tuamtuam khantohnate a ki teh ciang a ki zang piciang, index, tuamtuam ah Burma gam pen a tawpna lampan a khatna, leh Burma gam sung ah Zomi gam/ Chin state pen a zawng pen a hih lam, Zomi dinmun siangtakin gen hi.


Rev. Dr. Pau Khan En in biakna leh politics a ki sep khop dan South Africa a mikang leh mivom politics buaina tawh genkak hi. Englican Bishop Dr. Desmond Tu Tu i kammal: Learning the past, acting the present and building the future, hunbeisa sung pan sin dingte sin in, tu lian in khat peuhpeuh sem in, mailam nuntak ziading gel/ lam ni, tawh i Tual huh lai a i lungsim i ki pumkhat dante pholak kik in mai i nawt zia dingte hawntawn hi.


“Tell them, we sacrify our today for your tomorrow, Na gen in, na zingciang vua ding ka tuni uh ka piakhia uhi,” cih world war II galpi nihna lai-in Naga Land a zato khat pan aciahzo nawnlo mikang galkap te’n a ciah ding a lawm galkap dangte i innlamte bang nong na gensak ding ka hi uh hiam cih dotna a dawng kikna kammal tawh minam a ding i ki piak khiat ding hanthawn behlai hi.


Pu Chin Sian Thang in lai siangtho sung pan St. Paul i kammal: The very spirit which was in Jesus Christ be also with you, Christu sung a a-om lungtang no sung ah zong om ta hen – bulphuh in minam a ding Christu dan mah in i ki piakkhiat zawh ding hanthawn hi.


“Na misiangtho ciaptehna laibu sung pan ka min ong phiat in,” ci-in Moses in Topa Pasian tung ah a minam pihte mawhna a maisak na ding thuum kawm in a maisak kei


ZCD August Newsletter August 31, 2014


Zomi Congress for Democracy Information zomicongress.info@gmail.com 
ding a leh ama min zong a ki phiat na ding Topa Pasian langpang ngam zah dong in minam a itna gen hi. 
Topa Jesus in leitung mihingte a ding a nuntakna a ki piakkhiat ngam leh Moses in a minam pihte a ding Topa Pasian na ngawn a langpang ngam dan-te et-teh in minam a ding i ki piakkhiat zawh ding hanthawn hi.


Zomi Forum ah media tuamtuam zong pai-in hun aung sung in thugente tung dotna zong nei uhi. 
Thungai mipi leh online pan thugen makaipite tung ah thu dotna, leh daw’ng kikna hun zong om hi. 
 August 26 - 31, 2014 ni sung NLD HQ vaihawm ahi politics thusinna ah Tedim pan in Pu Daneil, ZCD leh Pu Mung Sian Kim, ZCD kah uhi. 
 August 27, 2014 ni-in 65th UN DPI/ NGO Conference ah ZCD GS Pu Gin Kam Lian zong ZIUSA makaite tawh vakah hi. 

ZCD August Newsletter August 31, 2014 
Zomi Congress for Democracy Information zomicongress.info@gmail.com 
 August 29, 2014- 9:00 am – 12:00 pm- ni-in Diamond Condon, Zangkong ah U Min Zin thugenna ah ZCD pan zong ki hel hi.


 August 29-30, 2014, ni-nih khawmpi ahi ‘The First Congress of UNFC/ the Consultation Meeting” Wangtarn Resort, Chaing Mai, NorthernThailand ah kipawlna 13 pan palai 113 kah in, gambup ki kap nawnloh na ding, 2008 Constitution puahphat vai ding, democracy vai asem kipawlna khempeuh akihel politics ki hona a ki bawl zawh na ding, leh tu lai politics khua hunte ki kum khawm theih uhi.


Pu Chin Sian Thang, President, ZCD in “1947 kum Febuary 12 ni-a Panglong thukimna pen tu dong mah, Kawl government ten tangtung sak theih mahmah lo hi. Tun hih meeting ah ki pawlna tuamtuam ten democratic federal union i lam na ding kong hantawn hi,” ci’n a gen Pu Zam Za Mung, ZCD in ong suah khin hi. 
Thumaanna, kikimna leh vaangneihnate bulphuh in mipi lunggulh ahi national reconciliation, democracy leh federal union lamzawh na ding ki kum khawm in lampi zong zawh na ding ki sam hi ci-in mu khia uhi.


Tuahi-in, gamsung a ki lem zawh na ding, politics ki hona a ki bawl zawh na ding leh federal union a ki lam zawh na ding in kipawlna khat leh khat ki thuza in sem khawm tek ding ci-in anuai-a kipawlna teng in August 30, 2014 ni-in taangko khia uhi.


1. United Nationalities Federal Council UNFC 2. United Nationalities Alliance UNA 3. National League for Democracy NLD HQ 4. Member of Parliament Union MPU- 1990 MP-elects 5. 88 Generation Peace and Open Society 6. 8888 Silver-Jubilee Implementation Committee 7. Women League of Burma WLB 8. Students and Youth Congress of Burma SYCB 9. All Burma Students’ Democratic Front ABSDF 10. Arakan Liberation Party ALP 11. Democratic Karen Buddhist Army DKBA 12. KNU/ KNLA Kachin Peace Council KPC 13. Arakan Army AA


ZCD August Newsletter August 31, 2014


Zomi Congress for Democracy Information zomicongress.info@gmail.com 

ZCD September Newsletter 
 September 5-13, 2014 ni sung Pu Kap Khan Khual, ZCD in Germany ah Politics thusin ding;  September 6, 2014 ni-in NLD HQ Zangkong ah NLD leh minam partyte ki muhna ah ZCD President Pu Chin Sian Thang kah ding.

 


Comments




Leave a Reply